SAAM HLABU 20
Nehnak Hrang Thlacamnakp David Ih Phuahmi Hla
1 Mangbang vansangih na um ni ah
na aunak aw cu Bawipa in
lo thei hram seh.
Jakob ih Pathian in lo hum hram seh.
2 A biakinn ihsin bomnak lo pe sehla,
Zion Tlang ihsin òanpinak
lo pe hram seh.
3 Na thawinak pekmi hmuahhmuah
lo sang sehla,
Mei-ur thawinak na pekmi parah
a lungawi hram seh.
4 Na lungthlitum hmuahhmuah
lo pe sehla,
Na tumtahmi zate in
lo hlawhtlingter hram seh.
5 Cutiih na neh ruangah lungawi
in kan au dingih,
Kan Pathian hmin in kan thantar
saangah kan khai ding.
Bawipa in na dilmi
hmuahhmuah cu lo pe hram seh.
6 Hriak a culhmi siangpahrang cu,
Bawipa in a bawm ti ka thei.
A vancung thianghlim ihsin
a aunak a run thei ih,
A vorhlam kut in mi nehtu a siter.
7 Mi hrekkhat in an raldonak
rangleng an ring,
A hrek in an rang an ring;
Asinan kannih cun Bawipa
kan Pathian ih cahnak kan rinsan.
8 Annih cu an bah dingih
an rilta ding,
Asinan kannih cu kan thosal dingih
9 Maw Bawipa, siangpahrang cu
nehnak pe hram aw;
Kan lo kawh tikah in sawn hram aw.