SAAM HLABU 19
Sersiammi Parah Pathian Sunlawinak
1 Van pawl khin Pathian sunlawinak
an sim ih,
Tlolak kaupi cun a kutsuak an langter.
2 Sun in sun hnenah thu a sim ih,
Zan in zan hnenah
theihnak a thlenter.
3 Òong an hmang lo,
aw khal an suah lo;
Thawmvang zianghman theih a si lo.
4 Asinan an aw cu leilung
khua zakip ah a thang;
An thuthanmi cu vanhram deng
a thleng.Ref 19.4 Rom 10:18;
Van ahkhin Pathian in ni hrangah
puanthlam a zarsak;
5 Ni cu a inn ihsin mo neitu
tlangvalpa bangin a rung suak,
Tlan zuamnak ih a teltu
tlangval òha bangin.
6 Khatlam vanhram dengin a thok ih,
Khatlam deng tiang
a heel ih a tlan.
A satnak ihsin zohman
a relh theitu an um lo.
Bawipa Ih Daan
7 Bawipa ih daan cu a famkim,
Nunnak thartertu a si.
Bawipa ih thupekmi pawl cu
rin tlak an si,
A fim lomi fimnak petu a si.
8 Bawipa ih daan pawl cu
a dik zet,
A thluntu hrangah lungawinak a si.
A thukham pawl cu a dik zet,
Thinlung mit vangtertu a si.
9 Bawipa òihzah cu
a thiangfai,
Kumkhua in a hmun ringring.
Bawipa ih thu òhennak cu a dik,
Ziangtik khalah a dik a si.
10 Sui hnakin duh a um sawn,
Sui òha bik hnak khalin.
Khuaitizu hnakin a thlum sawn,
Khuaithlar ihsin a formi
khuaitizu hnak khalin.
11 Na siahhlawh i fimtertu a si,
Na daan thlun cu
12 Mah ih palhnak a thei theitu
zoso a um?
Thupte mawhnak in i thiangter aw.
13 Tumhrim sualnak khalin
i hum awla,
I uktu ah cang hram hlah hai seh.
Cuticun mi famkim ka si dingih
Tuksumza sualnak in ka luat ding.
14 Ka hmur in a suakmi òongkam le
Ka thinlung ih khawruahnak tla hi,
Maw Bawipa, na hmaiah
co tlak si hram seh;
Ka beunak lungpi le i runtu!