SAAM HLABU 16
Rinsannak Thlacaml David Ih Phuahmi Hla
1 Maw Pathian, kei i hum hram aw;
Ziangahtile nang cu ka beunak
na si ih ka lo rinsan.
2 Bawipa ih hnenah,
“Nangmah cu ka Bawipa na si ih,
Nangmah locun òhatnak zianghman
3 Bawipa ih mithiang pawl cu
ziangtlukin so an mawi!
Anmah thawn um cu
4 Khawzing dangdang hnenih
a tlan rerotu pawl cu
Anmahte vansannak an pe aw a si.
An raithawinak ah ka tel lo ding;
An khawzing pawl ih hmin tla
ka hmur in ka saal lo ding.
5 Maw Bawipa, nangmah cu
ka ro le ka covo na si;
Ka haimi hmuahhmuah
nangmah in i pek.
Ka nunnak cu na kut sungah a um.
6 Ramri i tuah sakmi cu
ziangtlukin so an mawi!
Ka hrangah ro sunglawi an si.
7 Rem i ruahsaktu Bawipa cu
ka thangòhat;
Zan khalah ka thinlung in
ralrinnak i pek.
8 Ka hnenih Bawipa a um cu
ka thei ringring;
Ka vorhlam ih a um ruangah,
Zianghman in i hnin thei lo ding.
9 Curuangah lungawinak le
thinnomnak in ka khat;
Ka hna a ngam ringring a si.
10 Ziangahtile mithi khua ahcun
i fehter siang lo dingih,
Nangmah a lo rinsantu cu khur
sungah cun na tanta lo ding.Ref 16.10 Tirh 13:35; 1 Kor 15:4;
11 Nangmah in nunnak lamzin cu
i hmuh ding;
Na umnak ah lungawinak a kim ih,
Na ban thacak ah nomnak
kumkhua in a um.Ref 16.11 Tirh 2:25-28;