SAAM HLABU 143
Bom Dilnak Thlacamh David Ih Phuahmi Hla
1 Maw Bawipa,
ka thlacam i ngai awla,
Dingnak na neih ruangah
zangfah ka lo dilnak
i theih sak hram aw.
Rin tlak na si ruangah i let hram aw.
2 Na thuòhennak hmun ah,
Kei na siahhlawh hi
i suahpi hram hlah aw;
Na mithmuh ah zohman miding
an um lo.Ref 143.2 Rom 3:20; Gal 2:16;
3 Ka ral pawl in, in hual ih
nasa zet in in neh zo;
A thimmi thawnginn sungah in ret ih,
khuahlan lai ih a rak thi zomi
ka bang.
4 Curuangah ka bei a dong;
Awloksong, vansang laam in ka um.
5 A liam cia mi ni le thla
ka vun theisal;
Na thil tuahmi pawl
ka vun mangsal ih,
Na kut ih tuahmi hmuahhmuah
ka thinlung in òha tein ka ruatsal.
6 Cutikah na hnenah
ka kut thlir in thla ka cam;
Lei car in tidai a haal bangin,
ka nunnak in nangmah a lo haal a si.
7 Maw Bawipa,
i sawn hram aw;
Ruahsannak zianghman ka nei nawn lo;
Ka hnen ihsin relh hram hlah aw!
Culole mithi ram ih a fehtu lakah,
kei khal ka tel ve pang ding.
8 Nangmah lawnglawng ka lo rinsan;
A hmunmi na duhdawtnak cu,
zingtin tein i theiter hram aw.
Ka thlacamnak cu na hnenah
ka thlenpi;
Ka fehnak ding zin i hmuh hram aw.
9 Maw Bawipa,
humhimnak duh ah na hnen ka ra;
Ka ral pawl ih kut in i luatter aw.
10 Nangmah cu ka Pathian na si;
Na duhmi tuahtu si dingah
i zirh aw.
Na thlarau cu ka parah òha hram sehla,
Lamzin rawn ah i hruai hram aw.
11 Maw Bawipa,
i tiamkam cia vekin i run hram aw;
Na òhat ruangah ka harnak sungin
i luatter aw.
12 Kei i duh ruangah
ka ral pawl cu that hai aw;
I neh-nentu pawl tla
siatsuah òheh hai aw;
Ziangahtile na siahhlawh ka si.