SAAM HLABU 139
Pathian In, In Thei Òhehd David Ih Phuahmi Hla
Bawipa, nangmah in
i hliakhlai thluh zo ih,
i thei òheh zo.
Ka thil tuahmi hmuahhmuah
na thei òheh a si.
Lam hlat zet ihsin ka thinlung ruahmi
na thei òheh.
Hna ka òuan le ka colh khal i hmu;
Ka tuahmi hmuahhmuah
na thei òheh a si.
Ka òong hlan ihsin ka òong dingmi cu
na rak thei zo.
Ka kimvel ah nang cu na um;
Na huham in i hum.
I theih thei zia hi mangbangza
ngaingai a si;
Ka hrangah a thuuk tuk, ka thei thei lo.
 
Na hnen ihsin khuiahso ka relh ding?
Na mithmuh ihsin khuiahso
ka tlan cuang ding?
Vancung ah kai ningla
cunah nang na um ding;
Mithi pawl ram Sheol ah
it khal ningla cunah
na um thotho ding.
Thla nei bangin nisuahnak lan in
zuang khal ningla;
Asilole nitlaknak a hlat bik hmunah
um khal ningla,
10 Cutawkah na kut in i hruai dingih,
keimah bawm dingah
na rak um thotho ding.
11 Thimnak cu ‘I thup aw,’ ti in,
ka kiangih tleunak cu
‘Thimnak ah cang aw,’ tiah
ti khal ningla,
12 Nang na hrangah thimnak cu
a thim lo!
Zan cu sun tluk in a vang ih,
Na hrangah thimnak le
tleunak cu an bang aw a si!
 
13 Ka sungril tiang a tuah òhehtu cu
nangmah na si;
Ka nu ih pum sungih i semtertu khal
nangmah na si.
14 Òih um zet le lamdang zet ih
in tuah ruangah, ka lo thangòhat.
Na tuahmi hmuahhmuah hi
mangbang le khawruahhar an si.
Cucu ka thinlung zate in ka thei.
15 Semsuah dingah ka ruangrai
na zing ih,
ka nu ih pum sungah
ka thi le ka sa na pehcih lai ah,
A thup tein cutawk ih
ka òhan rero lai ahkhan,
I hmu òhehtu nangmah na si.
16 Ka suah hlan ihsin i hmu zo;
Ka hrangih na tuahmi
Kum le caan pawl cu, na cabu sungah
khum cia an rak si zo,
Nikhat hman a thok hlan ihsin.
17 Maw Pathian, na ruahnak pawl cu,
ka hrangah a thuuk ih a har.
Na ruahnak an tam zia hi
ka ruat ban lo.
18 Siar khal ningla vunnel hnakin
an tam sawn ding;
Ka òhang khalle na hnen thotho ah
ka um a si.
 
19 Maw Pathian, miòha lo pawl cu,
that òheh hai cila ka va duh so!
Thisen suah a hiartu pawl cun,
i tlansan òheh hai sehla
ka va duh so!
20 Na thu cu mawi lo zetzet in an sim;
Na hmin cu ngai tlak lo in an rel.
21 Maw Bawipa,
a lo huatu pawl ziangtlukin so
ka huat hai!
Nangmah a lo raltu pawl cu,
ziangtlukin so ka mit an kem!
22 Anmah cu huat tithum in ka hua;
Ka ral ih ka ruahmi an si.
23 Maw Pathian, i hliakhlai awla,
Ka thinlung hi thei hram aw;
I hniksak awla ka ruahnak hi
hmu hram aw.
24 Ka sungah òhat lonak
a um le um lo zohfiang aw;
Cule kumkhua nunnak lamzin ah
i hruai aw.