SAAM HLABU 135
Thangòhatnak Hla
Bawipa thangòhat uh!
 
Bawipa ih siahhlawh pawl,
a hmin cu thangòhat uh!
Bawipa ih inn sung
kan Pathian hmun thianghlim ih
a dingtu pawl,
Bawipa ih hmin cu thangòhat uh!
Bawipa cu thangòhat uh;
Amah cu a òha a si!
A hmin thangòhatnak cu
hla in sak uh;
Zangfahnak a neih ruangah.
Jakob cu amah ih hrangah a hril,
Israel mi khal amah ih ta dingah
a hril a si.
 
Kan Bawipa cu a maksak a si
ti ka thei;
Khawzing dang pawl hnakin
a tum sawn a si.
Van le leilung ah siseh,
Tipi le tipithuk hnuai ah siseh,
Tuah a duhmi cu a tuah thei òheh a si.
Vanhram deng ihsin
khawdur a rak keng ih,
Ruah le thlipi hrangah lakah
nimthlakau a tuah;
A thilri retnak sung ihsin thli a suahter.
 
Izipt ram ah milai siseh, òilva siseh,
an fatir hmuahhmuah a that òheh.
Cutawkah khawruahhar le
mangbangza a tuah ih,
Faro le a kuthnuai bawi pawl a hrem.
10 Miphun tampi a siatsuah ih
Siangpahrang cak zetzet pawl
a that a si.
11 Amor siangpahrang Sihon,
Bashan siangpahrang Og le
Kanaan ramsung siangpahrang
hmuahhmuah a that hai a si.
12 An ram cu amah ih minung,
Israel mi hnenah a pek.
 
13 Maw Bawipa, na hmin cu
kumkhua in a thang ding;
Sankhat hnu sankhat ah
na thawm a thang ringring ding.
14  Bawipa in a minung pawl
a òan dingih,
A siahhlawh pawl parah
lainatnak a nei ding.
15 Miphun dangdang ih milem pawl cu,
sui le ngun in tuahmi an si.
Milai kut ih tuahcopmi an si.
16 Kaa an nei nain an òong thei lo;
Mit an nei nain an hmu thei lo.
17 Hna an nei nain an thei thei lo;
Kaa an nei nain thaw an nei lo.
18 Cuih milem pawl a tuah ih
a rinsantu pawl cu,
An tuahmi milem bangtuk ah
cang òheh hai seh!Ref 135.15-18 Saam 115:4-8; Thup 9:20;
 
19 Maw Israel mi pawl,
Bawipa thangòhat uh!
Maw Pathian ih puithiam pawl,
amah cu cawimawi uh.
20 Maw Levi mi pawl,
Bawipa thangòhat uh!
Amah a betu in
Bawipa cu thangòhat uh!
21  Bawipa cu Zion ah
thangòhat uh!
A umnak Jerusalem ah cawimawi uh!
Bawipa cu thangòhat ko uh!