SAAM HLABU 115
A Dikmi Pathian Pakhat
Maw Pathian, na hnen lawngah,
Kan hnenah si lo in,
Nangmah ih hnen lawngah,
Sunlawinak cu pek siseh, ;
A hmunmi na duhdawtnak le
zum tlak na sinak ruangah hin.
 
“Khuiahso nan Pathian cu a si?”
tiah ziangahso miphun dangdang
pawl in, in suut rero ding?
Kan Pathian cu vancung ah
a um ih a duh poh a tuah.
An khawzing pawl cu sui le
ngun ih tuahmi,
Milai kut ih tuahmi an si.
Kaa an nei nain an òong thei lo.
Mit an nei nain an hmu thei lo.
Hna an nei nain an thei thei lo.
Hnar an nei nain rim an thei thei lo.
Kut an nei nain an tham thei lo.
Ke khal an nei nain an feh thei lo.
An awn au thiam lo.
Hi khawzing pawl a tuahtu le
a rinsantu pawl cu,
An tuahmi milem vekah
cang thluh hai seh.Ref 115.8 Saam 135:15-18; Thup 9:20;
 
Maw Israel mi pawl,
Bawipa rinsan uh!
Amah cu a lo bawmtu le
a lo humtu a si.
10 Maw Pathian ih puithiam pawl,
Bawipa rinsan uh!
Amah cu a lo bawmtu le
a lo humtu a si.
11 Pathian a betu pawl,
Bawipa rinsan uh!
Amah cu a lo bawmtu le
a lo humtu a si.
 
12  Bawipa cun in thei ringring ih
thluasuahnak in pe ding.
Israel mi le Pathian ih puithiam pawl cu
Pathian in a thluasuah hai ding.
13 Amah a òihzahtu cu a tum
a seen in a thluasuah hai ding.Ref 115.13 Thup 11:18; 19:5;
 
14 Nanmah le na tesinfa pawl cu
Bawipa in tefa lo pe hram seh.
15 Lei le van tuahtu Bawipa in
thluasuah lo pe hram seh.
 
16 Van khi Bawipa ih ta an si;
Amah ih ta lawnglawng an si òheh.
Asinan leilung cu minung kut ah a pek.
17  Bawipa cu mithi pawl in
an thangòhat lo;
òong thei lonak hmun a thlengtu
pawl cun an thangòhat lo a si.
18 Sikhalsehla kannih
a minung pawl cun
atu le kumkhua in
amah kan thangòhat ding.
 
Bawipa cu thangòhat uh!