SAAM HLABU 111
Bawipa Thangòhatnak Hla
Bawipa cu thangòhat uh!
Misenpi tonkhawmnak ah
ka thinlung zate in
Bawipa ka thangòhat ding.
Bawipa ih thil tuahmi pawl,
Ziangtluk mangbangza so an si,
Cuih thil tuahmi parih lungawitu cun
a tican an theithiam a si.
A tuahmi cu upat tlak an si ih,
sunlawinak in an khat.
A dingnak cu kumkhua in a hmun.
 
Bawipa in mangbangza
a tuahmi pawl cu in hngilhter lo;
Amah cu zangfahnak le,
lainatnak neitu a si.
Amah a òihtu pawl cu
ei ding rawl a pek hai;
A thukam cu a hngilh dah lo.
A thil tithei zia cu a minung pawl
hnenah a langter ih,
Miphun dang pawl ih ram cu
a pek hai a si.
 
A thil tuahmi hmuahhmuah cu,
rin tlak an si ih an ding òheh.
A thukham pawl cu rin tlak an si.
Kumkhua in a hngetmi an si ih,
Fel zet le dik zet ih pekmi an si.
A minung pawl hnenah
runnak a thlenter ih,
Anmah thawn kumkhua hrangin
thukamnak a tuah.
A thianghlimmi le huham nei zetmi a si.
10  Bawipa òihzah cu
fim hramthawhnak a si;
Cubangtuk ih a tuahtu pawl cu,
theih thiamnak òha zet an nei.
Amah cu kumkhua ih
thangòhat ding a si.Ref 111.10 Job 28:28; Thuf 1:7; 9:10;