SAAM HLABU 110
Bawipa Pathian Le A Hrilmi Siangpahrangd David Ih Phuahmi Hla
Bawipa in siangpahrang
ka Bawipa hnenah,
“Na ral pawl na ke hnuai ih
ka ret hlan lo,
Hitawk ka vorhlam kapah to aw,” a ti.Ref 110.1 Mat 22:44; Mar 12:36; Luk 20:42, 43; Tirh 2:34,35; 1 Kor 15:25; Efe 1:20-22; Kol 3:1; Heb 1:13; 8:1; 10:12, 13;
Zion ihsin na uknak cu
Bawipa in a kauter ding;
“Na ral pawl uk hai aw,” a ti.
Na ral pawl na do ni in,
na milai an tho ciamco ding.
Zingthlapit ih daitla bangin,
Tlang thianghlim ah na mino pawl
na hnenah an ra ding.
 
Bawipa in thukamnak cu
siatcam in a tuah zo ih
a letsal nawn lo ding.Ref 110.4 Heb 5:6; 6:20; 7:17, 21;
“Puithiam Melkhizedek bangtukin,
Kumkhua in puithiam
na si ding,” a ti.
 
Bawipa cu na vorhlam kapah a um;
A thin a heng ni ah
siangpahrang pawl cu a neh ding.
Miphun kip an thu a òhen ding,
An raldonak hmun cu miruak in
a khahter ding.
Leilung pumpi ah Siangpahrang
pawl cu a neh hai ding.
Siangpahrang cu
lamzin kap tiva ih tidai a in ding;
A tha a tlung dingih nehtu a si ding.