SAAM HLABU 11
Bawipa Rinsannakg David Ih Hla
1 Bawipa cu ka beunak a si.
Ziangtinso nannih in,
“Vate bangin tlang parah zam aw,
2 Ziangahtile miòha lo pawl in
an li an nawp ih,
Khawthim sung ihsin miòha pawl
sai dingah an conkiang an bih.
3 Leilungpi hramòohnak a siat
thluh tikah,
Miòha in ziangso tuah theimi
a neih ding?” tiah in ti thei?
4 Bawipa cu a biakinn thiang
sungah a um ih,
A siangpahrang tohkham cu
vancung ah a um.
Mi hmuahhmuah amah in a hmu ih
An tuahmi hmuahhmuah khal
a thei òheh.
5 Miòha le miòha lo an pahnih
a hniksak hai ih,
Daan nei lo minekrawk hmang pawl
cu a thinlung zate in a hua.
6 Miòha lo parah meiling vaam
a tlakter dingih,
Kaat mei-alh le meihliopi in
a hrem hai ding.
7 Bawipa cu miding a si ih
a dingmi hnaòuan a duh;
Amah ih duhnak a thluntu pawl cu
a hmai an hmu ding.