SAAM HLABU 104
Semsuahtu Pathian Thangòhatnak
Maw ka nunnak,
Bawipa cu thangòhat aw;
Maw Bawipa ka Pathian,
na va nasa so!
Upatnak le sunlawinak cu
hnipuan bangin na hruk ih,
Tleunak in na thuam aw.
Van tla khi puanthlam bangin
na pharh ih,
Tlun ih tidai parah na inn cu na sak;
Khawdur cu na rangleng ah
na hmang ih,
Thli ih thla par in na feh.
Thli pawl cu na palai ah
na hmang ih,
Nimthlakau tleu cu
na siahhlawh ah na tuah.Ref 104.4 Heb 1:7;
 
Leilung òohnak hram cu
hnget zet in na tuah ih,
Ziangtik khalah a òhawn aw
dah lo ding.
Tipithuanthum cu leilung òohnak
parah puan bangin na phah ih,
Tidai in tlang pawl tla a khuh.
Asinan tidai cu na kawk tikah
an tlan;
Na thupeknak aw an theih tikah
zamrang in an tlanhlo.
Tlangpar ihsin an dawp ih
phai rawn ah an tlan;
An hrangih na tuah cia mi hmun an pan.
An lan thei lo dingmi
ramri na tuah sak,
Leilung an khuhsal lonak dingah.
 
10 Cerh pawl cu horkuam ihsin
na putter ih,
Tlang karlak in tidai na luanter.
11 Tivate pawl in ramsa phunkip
tidai an pe ih,
Hramlak rang ih
an tihal khal a riamter.
12 Tiva kap ih thingkung parah
Vate in bu an sak ih hla an sak.
 
13 Van ihsin tlang parah
ruah na surter ih,
Leilung cu na thluasuahnak in a khat.
14 Òilva hrangah hrampi
na cerhter ih,
Milai hrangah thingkung le
hrampi na khohter.
Thlai rawl a ciing ih,
15 A thin nuamtertu dingah sabit,
A lungawitertu dingah
olif hriak le
A tha caktertu dingah rawl
na tuah sak a si.
 
16 Lebanon ih sidar thingkung in
ruah tampi a ngah,
A phun cia mi Bawipa ih
thingkung pawl cun.
17 Cutawkah vate phunkim in
bu an tuah;
Vaca tla cun farthing parah
a inn a sak.
18 Zaathar pawl cu
tlangsang parah an um ih,
Tlangzubui pawl cu khaam lakah
an relh.
19 Thla siarnak ah thlapi na tuah,
Ni khalin tlak caan a thei.
20 Zan na tuah ih khawthim lakah
Hramlak ramsa hmuahhmuah
an suak.
21 Kiosa no pawl cu sa deh duh ah
an huuk ih,
Pathian ih pekmi rawl an hawl.
22 Ni a suah tikah an tlungsal,
Anmah ih kua ciar ah an bok.
23 Milai pawl cu hnaòuan dingah
an feh ih,
Zanlam tiang hna an òuan.
 
24 Maw Bawipa na tuahmi hi
an tam ngaingai;
Fimnak thawn na tuah òheh hai.
Leilung cu na tuahmi thil nung
in an khat a si.
25 Tipithuanthum cu a tum zet ih
a kau ngaingai fawn.
Siar cawk lo thilnung a tum
a seen in a sungah an um.
26 A parah lawng an feh ih,
Na tuahmi òihnungza ramsa
Leviathan cu a sungah a lek.Ref 104.26 Job 41:1; Saam 74:14; Isa 27:1;
 
27 An zate in nangmah an lo zoh,
An ei tik caan ih rawl ngah dingah.
28 Rawl na pek hai ih an ei;
Na kut in rawl na pek ih
an pum a puar.
29 Khatlam na hoisan tikah
an thin a phang;
An thaw na lak sak tikah cun
an thi ih an semnak leilung ah
an kirsal.
30 Asinan thaw na pek tikah cun
an nung;
Leilung nunnak thar na pek a si.
 
31  Bawipa ih sunlawinak huham cu
kumkhua in hmun hram seh.
Bawipa cu a tuah cia mi parah
a lungawi hram seh.
32  Bawipa in a run zoh ih
leilung cu a khur;
Tlang pawl a run tham ih
meikhu an suak.
33 Ka nunsung hmuahhmuah
Bawipa hnenah
hla ka sak ding;
Ka dam sung hmuahhmuah
Bawipa thangòhatnak
hla ka sak ding.
34  Bawipa cu ka hla ah
a lungawi hram seh,
Ziangahtile ka lung i awitertu cu
Amah a si.
35 Misual pawl cu leilung in
hloral hai seh;
Miòha lo pawl cu um nawn hlah
hai seh.
Maw ka nunnak, Bawipa cu
thangòhat aw;
Bawipa cu thangòhat uh.