SAAM HLABU 103
Pathian Ih Duhdawtnakb David Ih Phuahmi
1 Maw ka nunnak, Bawipa cu
thangòhat aw;
Ka sungih ummi hmuahhmuah in,
A hmin thianghlim cu
thangòhat uh.
2 Maw ka nunnak, Bawipa cu
thangòhat awla,
A òhatnak hmuahhmuah hngilh hlah aw.
3 Amah in ka sualnak hmuahhmuah
i ngaithiam ih,
Ka natnak hmuahhmuah i damter.
4 A thukmi thlan ihsin i suah ih,
a hmunmi duhdawtnak le
lainatnak thawn i thluasuah.
5 Ka nunnak cu thil òha in a khahter ih,
Muvanlai bangin cak le no in
6 Bawipa cun an namthlakmi pawl
òan in thu a òhen,
An co ding mawi a coter hai.
7 A tumtahmi cu Moses hnenah
a sim ih,
Thil a ti thei zia cu
Israel hnenah a langter.
8 Bawipa cu zangfahnak le
lainatnak a nei;
A thin a sau ih a hmunmi
duhdawtnak in a khat.Ref 103.8 Jeim 5:11;
9 Mi a kawk ringring lo dingih,
Kumkhua in a thin a heng
fawn lo ding.
10 Kan tuar ding zat in,
in tuarter siang lo ih,
Kan sualnak le kan mawhnak
man zat in, in cawh lo.
11 Ziangahtile van cu,
Leilung hnakih a saan zet bangin,
Amah a òihzahtu hrangah,
A duhdawtnak cu a sang zet a si.
12 Nisuahnak cu nitlaknak ihsin,
A hlat zet bangin,
Kan sualnak pawl cu kan hnen ihsin
hlat zet ah a ret a si.
13 Pa in a faale pawl cu,
A zangfahzet hai bangin,
Cubangtuk in Bawipa in
Amah a òihzahtu pawl cu
a zangfah hai a si.
14 Ziangahtile Amah in
kan taksa siamdan cu a thei ih,
Leivut lawng kan si kha,
A ciing ringring a si.
15 Milai ih nunnak cu hrampi vek a si;
A òhangih hramlak
pangpar bangin a par;
16 Thli in a hran ih a hloralta,
Zohman in an hmusal nawn lo.
17 Asinan amah a upattu hrangah
cun Bawipa ih duhdawtnak cu
kumkhua in a hmun ih,
18 A thukamnak vekih a nungtu le
A thukham vekih a thlun
ringringtu hrangah cun,
A òhatnak cu sankhat hnu
19 Bawipa in a siangpahrang
tohkham cu vancung ah a ret ih,
Amah cu ziangzongza ih tlunah
siangpahrang a si.
20 Maw nannih vancungmi pawl,
a cak le thil tithei,
A òong a ngai ih a thupekmi
a thluntu pawl,
Bawipa cu thangòhat uh.
21 Maw nannih van ralkap pawl,
a duhmi tuah sak ih,
Amah a riantu pawl,
Bawipa cu thangòhat uh.
22 Bawipa ih semsuahmi pawl,
A uk sung khuazakip ih um pawl,
Bawipa cu thangòhat uh.
Maw ka nunnak,
Bawipa cu thangòhat aw.