SAAM HLABU 102
Harsatnak Tuartu Ih Thlacamc Harsatnak Tuartu Ih Thlacam
Maw Bawipa,
ka thlacamnak ngai awla,
Bomnak dil ih ka aunak cu
thei hram aw.
Harsatnak ka ton tikah
ka hnen ihsin relh aw hlah;
I thei awla, ka lo kawh tikah
Zamrang tein i sawn aw.
Ka nunnak cu meikhu bangin a hlo;
Ka taksa cu meisa kang in a kang.
In vuak thlak ih
hrampi bangin ka vuai.
Rawl ei khal ka hiar nawn lo.
Napi in ka hruum ruangro,
Ka ruh le ka vun lawng a tang.
Nelrawn ih ngathur vate
bangtuk ka si;
Òio sanmi khawrop ih sumbuh ka bang.
Itthat thei lo in ka meng;
Luanglu parih vate
lungleng ka bang.
Sun nihlawh ka ral pawl in,
in hmuhsuam;
Capohnak ih i hmangtu pawl in
Ka hmin cu mi camnak ah
an hmang.
Ka rawl cu vutcam a si ih,
Na thinhennak le
na aithoknak ruangah,
10 Ka inmi khal ka mitthli thawn
a rawi aw thluh.
Nangmah in i cawi ih i hlon hlo.
11 Ka nunnak cu zanlam ih
phenthlam vek a si;
Hrampi ro bangin ka si.
 
12 Sikhalsehla maw Bawipa,
Nang cu kumkhua in
siangpahrang na si.
Sankhat hnu sankhat nang cu
an lo thei ringring ding.
13 Na tho dingih Zion cu
na zangfah ding;
Zion zangfahnak caan òha cu a thleng.
A thleng zo a si.
14 Na siahhlawh pawl in an duh ih
a lungto tiangin an ngaina.
An zangfah ih a leivut tiangin
an tlaihsan.
15 Miphun hmuahhmuah in
Bawipa cu an òih ding.
Leitlun siangpahrang hmuahhmuah in
a huham cu an òih ding.
16  Bawipa in
Zion khuapi a dinsal tikah,
Amah ih sunlawinak cu
a langter ding.
17 A tlansan zomi a minung pawl ih
aw cu a thei dingih,
an thlacamnak a ngai ding.
 
18 A ra dingmi san hrangah
Bawipa ih tuahmi cu
ngan siseh, ;
A suak hrih lomi pawl khalin
Bawipa an thangòhatnak dingah.
19  Bawipa cun a saangmi
a hmun thianghlim in a vun zoh;
Vancung ihsin leilung cu
a vun zoh a si.
20 Thawngtla pawl ih aihramnak
thei dingah le
thah dingih thuòhen cia mi pawl
an luatnak dingah.
21 Cuticun minung in Zion ah,
Bawipa ih hmin cu
an aupi ding;
Jerusalem ah an lungawinak cu
a hnenah an thlenpi ding;
22 Miphun pawl le uknak pawl
hmunkhat ah an ra ih,
Bawipa an biak tlang tikah.
 
23 Ka no lai ah Bawipa in
ka tha a òumter;
Ka nunnak a tawiter a si.
24 Maw ka Pathian, atu ah
ka nunnak cu la hrih hlah aw;
Ka san òhat laitak a si.
 
Maw Bawipa,
nang cu kumkhua ih a nungmi na si.
25 Khuahlan laipi ah leilung hi
na rak semsuah;
Na kutzung in van pawl hi na tuah.
26 An zate in an hloral òheh ding.
Asinan nang cu kumkhua in
na hmun ding;
An zate in hnipuan bangtukin
an òet thluh ding;
Hnipuan vekin na thleng hai
dingih an hloral òheh ding.
27 Sikhalsehla nang cu nangmah kel
thotho na si;
Na nunnak cu cem ti a nei lo.Ref 102.25-27 Heb 1:10-12;
28 Kan tefa pawl hnangam zet in
an um dingih,
An tesinfa pawl nangmah ih
humhimnak sungah kumkhua in
an um ding a si.