SAAM HLABU 10
Dingnak Hrang Thlacamnak
Maw Bawipa, ziangahso
hlapi ih na um ringring?
Ziangahso kan harsat caan ah
in relhsan òheu?
Miòha lo pawl an puarthau ih
Mifarah pawl an neh nen, an hrem.
Anmah ih kam cia mi thang ah
awkaw hram hai seh.
 
Miòha lo in a ruahnak òha lo
kha a uanpi zet ih,
Mi duhham in Bawipa cu
a cam ih a hnong.
Miòha lo in Bawipa cu
zianghman ah a siar lo,
“Pathian cun i hmu zik lo,”
tiah puarthau in a ti.
A ruahnak hmuahhmuah ah,
“Pathian a um lo,” tihi a si.
 
Miòha lo cu a thil tuahmi
hmuahhmuah ah a hlawhtling;
Pathian ih thuòhennak cu
a theih banmi a si lo.
A ral pawl tla a hnihsan men.
A thinlung te cun,
“Ka tlasam dah lo ding;
Ziangtik hmanah vansannak
ka tong lo ding,” a ti.
A kaa cu camnak, thuphanpernak
le midang hronak lawngin a khat;
Midang huat zawng le òongsia
òong dingah a lei cu a zamrang zet.Ref 10.7 Rom 3:14;
 
Khawkip ah a relhthup aw;
Cutawk mi a bawhnak ihsin
misual lo tla a that.
Bawmtu nei lomi vanduai pawl kha
a thup tein a thlingthla ziar a si.
Kiosa bangin a thuhawknak hmun
ihsin mi a bawh;
A thah dingmi pawl a bawh a si.
A thang in a awk ih a thiarhlo.
 
10 Zianghman tithei lo pawl
thah an tuar;
Thacak pawl in an bawh, an peel,
an hrual neknek hai a si.
11 Miòha lo cun, “Pathian in
minung cu zianghman ah a siar lo.
A mit a siing zo ih
i hmu dah lo ding,” a ti.
 
12 Maw Bawipa, tho awla
miòha lo pawl hi nor hai aw;
Maw Pathian, harsatnak a tuartu
pawl tla hngilh hlah aw.
13 Ziangtinso miòha lo in
Pathian a hmuhsuam ih,
“Pathian cun i hrem lo ding,”
a ti thei?
 
14 Sikhalsehla nang cun na hmu a si;
An tuarnak le an riahsiatnak cu
na hmu ih,
Anmah bawm dingah na khul
a fung dah lo.
Zianghman tithei lotu in
na hnen ah a nunnak a pek;
Ngakòah pawl bawmtu cu
nangmah na si òheu.
 
15 Misual le miòha lo pawl ih
cahnak thazang khiak thluh aw;
An sualnak ruangah hrem hai awla,
òhat lonak a reh tiangin hawl
suak hai aw.
16  Bawipa cu kumkhua in
siangpahrang a si.
Curuangah Pathian thei lo pawl cu
A ramsung ihsin an hloral ding.
17 Maw Bawipa, lungnem ih
saduhthah cu na thei;
Cule an thinlung na cakter ih
an thlacamnak na thei.
18 Milai in òihphannak an suahter
nawn lonak dingah,
Ngakòah farah pawl le neh-nenmi
pawl ih aunak cu theih sak awla,
anmah òan in thu òhen hram aw.