SAAM HLABU
(Psalms)
Thuhmaihruai
Saam cabu cu Baibal ih Hlabu le Thlacamnak cabu a si. Hla phuahtu le cangantu pawl in kum tampi sung an rak phuahmi a si ih himi hla le thlacamnak pawl tla cu Israel pawl in an Pathian biaknak ah an hmang. A netabik ah an Cathiang sungah an telh.
HIMI biaknak lam hla hi phun tampi a um. Thangòhatnak hla, Pathian biaknak hla, Pathian thluasuah lomnak hla, sual ngaithiam dilnak, ral nehnak hrang thlacamnak ti tla an si. Cule rampi hrang thlacamnak le pumpak thlacamnak tla an si. A hrekkhat cu pumpak thinlung thuuk zet sungih ummi thu phorhsuahnak a si ih a hrekkhat cu Pathian ih minung hmuahhmuah hin anmah ih òulhainak le an thinlung langternak tla an si.
Saam Hlabu hi David ih nganmi a si, tiin zumnak a um. Asinan a zate cun a ngan lo, ti tla in zumnak a um ve. Siangpahrang David cu BC 1000 hrawng ih a rak ummi a si ruangah Saam Hlabu hrekkhat cu cuih hrawng ih rak nganmi a si ding, tiah zumnak a um. A hrekkhat cu (Saam 126 le 137 ti tla hi) Babilon saltaan lai ih (BC 586-538), asilole, hnu ih nganmi a si, ti hi theih fiang a si.
Saam Hlabu hi Bawi Jesuh khalin a hmang ih Thukam Thar ngantu pawl khalin an hmang. Khristian kawhhran a hramthok tir lai hrimhrim ah an sunloihmi cabu a si.
SAAM HLABU 1
Bu Khatnak
Lungawinak Taktak
1 Miòha lo pawl ih ruahnak pekmi
a sang lo ih,
misual lamzin a thlun lotu le
Pathian a hmuhsuamtu pawl lakih
a tel lotu cu mi thluasuak a si.
2 Bawipa ih Daan thlun cu
a lungawinak a si,
cuih Daan cu sunzan in a ruat.
3 Amah cu tiva kapih
a khomi thingkung,
A tikcu ih a rahmi le a hnah tla
a vuai dah lomi bangtuk a si.
A tuahmi kipah a hlawhtling.Ref 1.3 Jer 17:8;
4 Asinan miòha lo pawl cu
cubangtuk an si lo;
Thli ih semhlo mi
fanghi vek an si.
5 Miòha lo pawl cu
Pathian in a hnong ding;
Misual pawl cu miding lakah
an tel lo ding.
6 Bawipa in miding fehnak
lamzin cu a kilveng ringring;
Sikhalsehla miòha lo cun
siatralnak lamzin a zawh.