8
Fimnak Thangòhatnak
Ngai hnik! Fimnak in a lo ko ih,
Theihthiamnak cu a au rero a si.
Lamzin kiang tlangzim parah le,
Zinòek ah a ding ih,
Khuapi luhnak kotka kiang in
a au ih,Ref 8.1-3 Thuf 1:20, 21;
“Milai pawl, mi hmuahhmuah
hnenah ka lo dil,
Leitlun um mi hmuahhmuah
ka lo ko a si.
Ruahnak pitling hrihlo pawl,
ruahnak pitling dingin zir uh.
Mi-aa pawl, ruahnak òha zir uh.
A sunglawi mi ka thu tla ngai uh,
Ka simmi hi a dik a si.
Ka simmi hi thutak a si.
Thuphan cu ka huat zawng a si.
Ka kaa ihsin a suakmi
thu hmuahhmuah cu a dik,
Mi hruai sualnak le thu dik lo a um lo.
Theithiamtu pawl hrangah cun
a fiang òheh ih,
Fimnak hmutu pawl hrangah cun
a dik òheh a si.
10 Tangka hnakin ruahnak
ka lo pekmi hi hril sawn uh,
Sui òha bik hnakin fimthiamnak khi
hril sawn uh.
11 Keimah cu fimnak ka si ih
lungvar hnakin ka òha sawn,
Na duhmi ziangdang thaw khalin
na òhim thei lo ding.
12 Keimah hi fimnak ka si ih,
theihfiangnak khal ka nei.
Theihnak le thu òhen theinak ka nei.
13  Bawipa òihzah cu
sualnak huat khi a si.
Hngalnak le puarthaunak,
sualnak lamzin le
a dik lomi òongkam ka hua.
14 Khuakhan tumtah cia mi
ka nei ih, ka òuansuak òheh,
Theihtheinak ka nei ih ka cak fawn a si.
15 Ram uknak ah siangpahrang pawl
ka bawm ih,
Uktu pawl uknak daan òha tuah dingin
ka bawm a si.
16 Leitlun ih ram uktu pawl,
ramhrang hnaòuantu pawl le,
Uknak lam ih upa pawl tla cu
keimah ih bomnak thawn ram
an uk a si.
17 Keimah i duhdawtu pawl
ka duhdawt ih,
I hawltu in, in hmu ding.
18 Lennak le hminthannak ka nei ih,
Mi neinung sinak le mi nehnak tla
ka ta an si.
19 Ka hnen ihsin na ngahmi tla cu,
a òha bik mi sui le ngun hnakin
a òha sawn.
20 Dingnak lampi ah ka feh ih,
Lamzin dik kha ka thlun.
21 I duhdawtu pawl hnenah
lennak ka pek ih,
An inn cu hlawnthil thawn
ka khahter.
22 Bawipa in hlanlaipi ih
a tuah hmaisabik mi lakah,
Keimah hi in sersiam hmaisabik a si.Ref 8.22 Thup 3:14;
23 Leilungpi sem hlanah keimah cu
a hmaisabik ih tuahmi ka si.
24 Tipi thuanthum le tiva pawl
an um hlanah ka suak zo.
25 Fing le tlang pawl an um hlanah,
keimah cu ka suak zo ih,
26 Leilung le ram pawl
a hmaisabik sersiam mi,
Leivut zatekhat hman Pathian in
a tuah hlanah in tuah zo.
27 Van a semsuah lai le
tipi thuanthum kimvel
a tuah lai ahkhan ka um zo ih,
28 Mero pawl tla van ih
a hun ret lai ah siseh,
Tipi thuanthum ih tihna pawl
a umter lai ahkhan siseh, ;
29 Tipi tla a suahnak hnak ih sangah
a kai lonak dingih
thu a pek lai ah siseh, ka um.
Leilungpi a hram a òoh lai khalah
ka um a si.
30 Inn ruangzingtu thil thiam zet
bangin a kiangah ka um,
Nitinte a lungawinak bik cu
keimah ka si ih,
A hmaiah ka lung a awi ringring.
31 Leilungpi le a tlun um
minung pawl parah,
ka lung a kim a si.
32 Ka faale pawl,
ka simmi thu hi ngai uh.
Ka simmi bangin tuah uhla
nan lung a awi ding.
33 Ka lo zirhmi kha ngai uhla
fim zir uh,
Hi thu cu ziangsiar lo in um hlah uh.
34 Ka thu a ngai ih nitin tein
ka sangka kiangah um in,
Ka innsung luh a hngaktu cu
an lung a awi ding.
35 Keimah i hmutu cu
nunnak a co dingih,
A parah Bawipa a lung a awi ding.
36 Keimah i tong lotu cu
amai nunnak siatsuahtu a si ih,
i huatu pohpoh cu
thih a duh sawntu a si.