5
Nu Le Pa Sualnak Parah Ralrinnak
Ka fapa, ka fimnak le ka theihnak kha òha tein ngai awla fel tein ruatòha aw.
Cule ziangtin ziaza òha ka nei ding ti
na thei suak dingih,
Na òongkam in na thu theihnak kha
a langter ding.
Nunau zuangzam hmurka cu
khuaitizu bangin a thlum dingih,
A òongkam cu olif siti bangin
a naal ding.
Asinan a netnak ahcun
a kha mi le harsatnak siar lo,
A dang zianghman a tanta lo ding.
Amah in mithi khua ah
a lo hnuk suk dingih,
A zawh mi lamzin cu
thihnak a thleng ding.
Nunnak lamzin ah um lo in
a vakvai ih,
ziang ka cang ti khal a thei aw lo.
Ka fapa, i rak ngai awla,
ziangtik hmanah ka simmi thu hi
hngilh hlah aw.
Cubangtuk nunau cu hrial aw.
A sangka kiang hmanah feh hlah aw.
Na hrial lo asile mi upatnak
na neih cia mi kha
an lo lawng dingih;
Zangfahnak a nei lotu pawl ih kut in,
na no lai ah na thi ding.
10 Mi phundang pawl in na lennak kha
an lo lawng dingih,
Na òuan man kha midangpi in
an co ding.
11 Na thih zawng ah na hacang
na rial dingih,
Na tit le na sa cu a òumòawl ding.
12 Cule, “Ziangruangah so ka zirta lo?
Ziangruangah nun in simmi
ziang siar lo in ka rak um?
13 I zirhtu pawl ih thu ka ngai lo;
I simtu pawl zianghman ah
ka siar fawn lo.
14 Curuangah ruah lopi in
midang hmaiah,
Ningzahnak ka tuar a si,”
tiah na ti leh ding.
15 Na nupi parah rin tlak in um awla,
Amah pakhat lawng kha
duhdawt aw.
16 Midang nunau thawn na neihmi
faate tla in, na parah òhatnak
zianghman an tuah lo ding.
17 Na faate tla cu nangmah bawmtu
dingah an òhang dingih,
Miphun dang cun an lo bawm lo ding.
18 Curuangah na no lai na nupi parah
lungawi awla,
A parah lungawi nomnak nei aw.
19 Cun amah cu zukneng bangin
a mawimi le duhnungza a si.
A duhnunnak cun
a lo lungawiter dingih,
A lo duhdawtnak in a lo zeel ding a si.
20 Ka fapa, ziangruangah
nunau dang na duh?
Ziangruangah midang nupi ih
duhnunnak cu na duh sawn?
21 Bawipa in na tuahmi hmuahhmuah
a hmu òheh,
na fehnak kipah a lo zoh vivo.
22 Mi siava pawl ih sualnak tla cu
thangkam mi vek a si,
Anmah ih sualnak suur sungah
an awk aw.
23 Amah le amah a fingkhawi awk
thei lo ruangah a thi,
A at tuknak in amah ih thlankhur ah
a thlenpi leh ding.