31
Siangpahrang Hnenah Ruahnak Pekmi
1 Hi pawl hi Siangpahrang Lemuel hnenah
a nu ih cahmi thufim pawl an si.
2 “Nang cu ka duhdawt zetmi ka fapa,
ka thlacam ruangih ngahmi fapa,
ka rilrah na si.
Ziangthu so ka lo sim ding?
3 Tisa hiarnak le nunau lamah na
thazang le na sumsaw hmang hlah;
Siangpahrang tampi a siatsuahtu cu
cupawl an si.
4 I ngai hnik, Lemuel.
Siangpahrang in zu in ding a si lo;
Zu hiarnak neih ding khal a si lo.
5 Ziangahtile zu an in tikah daan
kha an hngilh ih,
Mi nunhar pawl covo khal
an thei nawn lo.
6 Zu cu mithi zik pawl le thinnuam lo
beidong pawl hrangah a si.
7 Cupawl cun in hai sehla an lung
nomlonak le,
An farahnak tla hngilh hai seh.
8 “Mahte a sim thei lomi pawl
hrangah simsak aw;
Bawmtu nei lo pawl ih covo kha
hum sak aw.
9 An hrangah simsak awla,
thuòhentu dik va si aw;
Mifarah le mi nunhar pawl ih
covo kha hum sak aw.”
Nupi Òhaòhum
10 Nupi òhaòhum khi
ziangtlukin ngah a har!
Ruby lungvar mankhung hnakin
man a nei deuh!
11 A pasal in a rinsan zet ih
ziangtik khalah a pasal cu
a zonzai lo ding.
12 A nunsung hmuahhmuah
a pasal parah thil òha
a tuah ringring ih
siatnak a tuah dah lo.
13 Umlak ti nei lo in tuuhmul le
patzai puan a tak òheu.
14 Sumsaw let pawl ih
tangphawlawng bangin,
Ram kelet ihsin a innsang hrangah
rawl a rak phur òheu.
15 A innsang hrang rawl zaal dingah le
a hnenum pawl an hnaòuan ding
tawlrel sak dingah,
zingthlapit in a tho òheu.
16 Leiram a hawl ih a lei,
A hlawhmi sumsaw in
sabit hmuan a tuah.
17 Hnaòuan taima zet a si ih,
A thazang a cak ih a law fawn.
18 A thil tuahmi hmuahhmuah ih
man neih zia a thei ih,
Zan siimpi tiang innsang hna a òuan.
19 Amahte pat a hmuih ih
amah ih hnipuan khal a tak.
20 Mifarah le mi nunhar hnenah
a tirh a siang zet.
21 An sungte in korhlum an nei thluh ih,
thlatang khawsik caan a thlen khalah
an thla a phang hrimhrim lo.
22 Tangphah khuh a tah ih
sendup mawi zet ih tahmi
hnipuan a hruh.
23 A pasal cu khuasung ah
mizapi ih theihmi hotu a si.
24 Hnipuan le taikhap pawl a tuah ih
sumsaw let pawl a zorh.
25 A thazang a cak, an upat zet ih
hmailam hrangah thinphannak a nei lo.
26 Fimkhur zet le awka
nem tein a òong òheu.
27 Umlak ti nei lo in a innsang ih
poihai a tawlrel ringring.
28 A faale pawl in an thangòhat ih,
A pasal khalin a lawmzet.
29 A pasal in, “Nunau tampi cu
nupi òha an si cio nain,
nang hi a òha hleice na si,” a ti.
30 Iang neih cu mi a buum thei ih
mawinak khal a ziam thei;
Asinan Bawipa a òihzahtu minu cu
lom le porh tlak a si.
31 A tuahmi thil hmuahhmuah ruangah
amah cu thangòhat uh;
Mi hmuahhmuah ih upat tlak minu a si.