30
Agur Ih Òongmi
1 Hi pawl hi Jakeh fapa Agur ih
òongmi an si:
“Maw Pathian, ka thinlung a bang,
Ka thazang khal a bang thluh zo;
Zianghman ka tuah thei nawn lo.
2 Kei cu ramsa vek ka si thlang,
minung ka bang nawn lo.
Milai thinlung khal ka nei nawn lo.
3 Fimthiamnak khal ka zir dah lo,
Pathian thu khal zianghman ka thei lo.
4 Zoso vancung thuhla hi a thei thluhtu?
Zoso a kut in thli a kai theitu?
Asilole zoso puansia in tidai a fun theitu?
Asilole zoso lei le van ih
ramri a òhen theitu?
Cupa cu zoso a si, na thei maw?
A fapa teh zo a si?
5 “Pathian ih òongkam pohpoh cu a dik a si;
Amah cu humhimnak a hawltu hrangah
ralphaw a si.
6 Pathian ih òongkam cu bet hlah,
A lo kawk dingih na thuphanpernak
kha a langter ding.”
Thufim Dang Pawl
7 “Maw Pathian, na hnenah
thil pahnih ka lo dil;
Ka thih hlanah i coter hram aw:
8 Thuphanpertu si lo dingin i kil aw;
Farah tuk le lian tuk khalin
i tuah hlah awla,
Ka khop tawkfang lawng rawl
i pe hram aw.
9 Thil tampi ka neih ahcun
‘ Bawipa ka òul lo,’
ka ti pang ding;
Ka farah tuk ahcun ruk ka ru pang dingih,
Ka Pathian hmin ka thangsiatter pang ding.”
10 Ziangtik hmanah hnenum khi a
bawipa ih hmaiah va soisel hlah;
Na soisel asile hnenum in a lo
camriam dingih mual na
pho sawn ding.
11 Pale pawl a camsiat ih,
Nule pawl lungtong lotu an um.
12 Borhbah zet cingin mah le mah
Ka thianghlim zet tiih a ruat awtu an um.
13 Miòha zet ka si tiih a ruat aw mi an um;
Anmah le an mah cu miòha bik ah
an ruat aw!
14 Mifarah le nunhar pawl nekrawk
le dekcok ih a nungmi an um;
Cutiin an pum an cawm aw.
15 Cangvat in fanu pahnih a nei ih
an hmin ah, “I pe aw, I pe aw,” ti an si.
Khop ti a nei dah lomi thil
pathum an um;
“A tawk zo” a ti dah lotu thil
pali an um a si:
16 Cupawl cu mithi khua Sheol,
fa nei lo nucing,
Ruahti a haal zetmi ramcar le
mih thei lomi meihlio tla an si.
17 Zokhal a pa kha hnihsuak ih
a saitu le,
A nu a tar tikih a hmuhsuamtu cu,
Langta in a sa a ei dingih tlangak
in a mit a phorh sak ding.
18 Ka hrangah mangbangza thu thuk
pathum an um;
Ka theih thei lomi thil pali an um a si:
19 Cupawl cu van ih a zam reromi
muvanlai ih zin,
Lungpi parih a vakmi rul ih zin,
Tifinriat tlunih tangphawlawng
fehnak zin le mipa in nunau
a duhnak zin, tla an si.
20 Nupi zuangzam ih cangvaihdan cu
hivek in a si:
A uire ih ti a bual awk thluh hnu ahcun,
“Zianghman sualnak
ka tuah ual lo,” a ti.
21 Leilung ih a tuar thei lomi
thil phunthum an um;
A zawi thei lomi thil pali an um a si:
22 Cumi pawl cu Siangpahrang ah
a hung cangmi sal,
Rawl duhduh ei ding a neimi mi-aa,
23 Mi mitkem zet a si nain pasal a nei
thei thothotu nunau le
A bawinu ih tonak a longtu
hnenumnu, tla an si.
24 Leilungtlun ah a fate zet nain
a fim zetmi ramsa pali an um:
25 Cupawl cu an tha a cak lo nain
òhal caan ah rawl a sekkhawl ciatu sihte;
26 A cak lo nain lungkhaam lakah
kua a tuahtu zubui;
27 Siangpahrang an nei lo nain,
A rual a rual ih a òhawn
dutdomi kharbok;
28 Na kut khalah na huum thei ih,
Siangpahrang innsung khalah na
hmuh theimi dekder, tla an si.
29 An vah laifangih zoh tha nung
thil pathum an um;
Ropi zet ih feh a hmangmi
thil pali an um a si:
30 Cupawl cu ramsa lakih a cakbik le
Zianghman òih a nei lomi kiosa,
31 Mecang, arcang puar le,
A kuthnuai pawl hmaiih a feh
hngualhngotu siangpahrang, tla an si.
32 Aatthlakza in na puarthau ih,
Thil òha lo tuah na tum ahcun,
Cawl awla ruat òha ta aw.
33 Cawhnawi na cawh ciamco le
thawphat na ngah,
Mi pakhat ih hnar na vuak le thi a suak,
Na thin na soter le
thubuai harsatnak na tong.