3
Mino Pawl Hnenah Ruahnak Peknak
1 Ka fapa, ka lo zirhmi pawl tla kha
hngilh hlah,
Tuah dingih ka lo simmi pawl kha
ciing ringring aw.
2 Ka lo zirhmi in nun saunak le
nun nomnak a lo pe ding a si.
3 Na hnen ihsin felnak le
rin tlak sinak khan
ziangtik hmanah lo suahsan hlah seh;
Na hngawng ah ngerh awla,
na thin sungah ngan aw.
4 Cubangtuk in na tuah asile
Pathian hmai le minung hmaiah
duhsaknak le hminòhatnak
na co ding.Ref 3.4 Luk 2:52; Rom 12:17; 2 Kor 8:21;
5 Bawipa cu
na thinlung zate in rinsan aw.
Nangmah ih ruahnak le
theihnak kha rinsan aw hlah.
6 Na tuahmi kipah Pathian cu
thei ringring awla,
amah in lamzin dik
a lo hmuh ding a si.
7 Ka fim paam tiin ruat aw hlah;
Bawipa cu òih awla, sualnak tansan aw.Ref 3.7 Rom 12:16;
8 Cubangtuk in na tuah asile
na taksa hrangah damnak a si dingih,
na ruh hrangah sii òha a si ding.
9 Bawipa cu na sumsaw le
na thlairah hmaisabik in
thangòhat aw.
10 Cubangtuk in na tuah asile
na rawl inn cu rawlin a khat dingih,
Na sabit ralca beel cu sabit thar in
a liam thluahthlo ding.
11 Ka fapa, Bawipa ih nun simnak cu
ziang rel lo in va um hlah,
A lo kawk tikah na thin na hlah.Ref 3.11 Job 5:17;
12 Ziangahtile pa in a duhdawt zetmi
a faate nun a sim bangin,
Bawipa in a duhdawt mi pawl cu
nun a sim a si.Ref 3.11, 12 Thup 3:19;
13 Fimnak a hmutu cu mi lungawi a si,
Theihthiamnak a neitu khal
a lung a awi ve.
14 Fimnak cu ngun hnakin
a òha sawn ih,
Sui hnakin a man a khung sawn a si.
15 Fimnak cu lungvar hnakin
a man a khung deuh ih,
Thil dang thawn tahòhim theih a si lo.
16 Fimnak in nun saunak, lennak le
upatnak a lo pek a si.
17 A lamzin cu nunkhua nomnak
lamzin a si ih,
a lamzin hmuahhmuah cu
hnangamnak a si.
18 Fimnak neitu tla cu an lung a awi ih,
fimnak in nunnak a pek a si.
19 Bawipa in leilungpi cu
a fimnak thawn a sersiam ih,
A theihthiam theinak thawn
van cu a hngetter.
20 A fimnak in tiva a luanter ih,
Leilung ih ruah sur dingah
mero a umter.
21 Ka fapa, na fimnak le
na ruahthiamnak kha kai hnget aw,
Na hnen ihsin ziangtik hmanah
tlanter hlah aw.
22 Na thlarau hrangah
nunnak a si dingih,
hngawng hrangah mawinak a si ding.
23 Na lamtluan ah himdam tein
na feh thei dingih,
rilhbahnak khal na tong dah lo ding.
24 Zan na ih tikah na òih lo dingih,
ih hmuh thawte in zanvar
na ih that ding.
25 Miòha lo pawl hnenah
thlisia bangin siatnak a thlen tikah,
Zianghman donharnak na hrangah
a um lo ding.
26 Bawipa in himdam tein
a lo fingkhawi dingih,
Thang sungah a lo tlater dah lo ding.
27 A òul a sammi pawl hnenah
na tuah thei zat tiangin
thil òha kha tuah aw.
28 Na innhnen kha atu rori ah
na bom thei mi asile
thaizing tiang hngakter aw hlah.
29 Nangmah rinsan in na kiangah
a ummi na innhnen kha a tlunah
harsatnak tuah dingin tum aw hlah.
30 Na parah siatnak a tuah dah lotu
va to rero hlah.
31 Mi helhlong kha va daw hlah,
Amah bangih tuah ding khal
va ruat hlah.
32 Zianghrangah tile,
Bawipa in òhat lonak
a tuahtu pawl cu a hua ih,
miding pawl cu a humhim a si.
33 Bawipa in mi sualral pawl ih
inn kha a camsiat ih,
Miding pawl ih inn cu
thluasuahnak a pek.
34 Miziang siar lotu pawl cu
ziangah a siar ve lo ih,
Mi tangdortu pawl parah
duhdawtnak a langter.Ref 3.34 Jeim 4:6; 1Pit. 5:5;
35 Mifim pawl in upatnak le
sunlawinak kha an ngah dingih,
Mi-aa pawl cu ningzahnak lawng
an co ding.