29
Na nuncan an lo rem tinte
na lung a hak asile,
Ni khatkhat ah thosal thei nawn
lo in na siatralta ding.
Uktu miòha an si ahcun ramsung
mi an nun a nuam;
Asinan uktu miòha lo an si ahcun
an ram mi pawl an zonzai.
Fimnak duhtu fapa cun
a pa ih lung a awiter.
Hlawhhlangnu hnenih paisa hmang
raltu cu mi-aa a si.
Siangpahrang in dingnak thawn
ram a uk asile an ram a hngetkhoh;
Asinan sumsaw lawng a ruat asile
a ukmi ram a siatral ding.
Na innhnen pawl a hleifuan ih
na porh asile,
Na hrangah thang na kam thawn a bang.
Midik mitluangtlam pawl an lungawi
thawsuak ih an um lai ah,
Miòha lo pawl cu
an sualnak thang ah an awk aw.
Miòha in mifarah pawl ih
sinak an theih sak;
Asinan miòha lo pawl cun
cuvek an theih sak thei lo.
Midang zawn a ruat lotu cun
khuapi buainak an thlenter;
Mifim pawl cun thubuai an daiter.
Mifim in mi-aa taza a cuai tikah,
Mi-aa pa cun a hnihsan ih
napi in a camriam.
10 Mi thisen suah a poisa lomi cun,
Miding miòha pohpoh khi a hua;
Asinan mi tluangtlam cun miding
ih nunnak a hum sak.
11 Mi-aa pawl cun an thinhennak khi
hmakhat teah an langter;
Asinan ruahnak a neimi pawl cu
an thin a sau ih an sup aw.
12 Ram uktu in a dik lomi thuthang
a zum asile,
A hnaòuan upa pawl hmuahhmuah cu
thuphanper an si ding.
13 Mifarah siseh, mifarah hremtu siseh,
Thil bangrep ih an neihmi a um;
Bawipa in khawhmuhnak
mit a pek veve.
14 Siangpahrang bawipa in mifarah
pawl ih covo a hum sak ahcun,
Reipi ram sungmi a uk ding.
15 Nauhak hrangah cun nuncan rem le
daan òha thlunter hi thil òha a si;
Nauhak pakhat amah ih thuthu ih
a nun ahcun a nu ningzaktertu a si ding.
16 Miòha lo pawl an lal tikah
sualnak a karh zai;
Asinan miding pawl in cuih miòha
lo pawl an nau vivo kha an hmu ding.
17 Na fapa kha daan òha thlunnak ah
nunsim awla,
Amah ih ruangah na hmai a hngal
ringring ding;
Anih cun ziangtik khalah na
ningzahnak a suahter lo ding.
18 Pathian ih hmuhsaknak a um lo ahcun,
Mipi cu an vaivuan òheh.
Pathian ih daan a thluntu cu
mi lungawi an si.
19 Hnenum pakhatkhat, hmurka ih
va biak men cun a nuncan
na rem thei lo ding;
Na sim duhmi cu a thei ding nain
na thu cu zianghman a siar lo ding.
20 Ruat hmaisa lo ih a òongtu hnakin,
Ruat ciamciam ih a òongtu mi-aa
hrangah ruahsannak a tam sawn.
21 Na hnenum ih duhmi hmuahhmuah
khi a seenlai ihsin na rak
pek ringring a si ahcun,
Ni khatkhat na neihmi hmuahhmuah
a lo lak sak thluh leh ding.
22 Thinbahlak pawl cun tawhawknak
le buainak tampi an suahter.
23 Puarthau hngalhngawnnak hin
siatralnak ah a lo thlenter ding;
Asinan tangdorte ih na um ahcun
mi ih upat na co ding.
24 Fifir ih rualpi cu a hrangah
ral òihnung bik a si;
Thuòhennak zungah thudik a sim
asile hremnak a tuar ding;
Thudik a sim lo asile Pathian
in a camsiat ding.
25 Midang ih an lo ruahdan poisa
tuk ih um khi òihnungza a si;
Asinan Bawipa na rinsan ahcun
phan ding a um lo.
26 Mi hmuahhmuah in anmah uktu
bawi ih mithmai òha co cu
an duh thluh;
Asinan Bawipa ih hnen lawnglawng
in a dingmi thuòhennak cu na co ding.
27 Miòha in miòha lo an hua;
Miòha lo in miòha an hua ve.