21
1 Siangpahrang ih thinlung cu
Bawipa ih kut sungah a um;
Tiva luannak a thleng awk bangin
Amah ih duhnak poh ah a mer.
2 Zokhal in mah ih nundan cio hi
a dik in kan ruat;
Sikhalsehla Bawipa cun kan
thinlung a zoh.
3 Dingnak le a dikmi tuah cu
thawinak hnakin Bawipa
in a duh sawn.
4 Miòha lo pawl cu porhawknak le
puarthaunak in a uk;
Himi cu sualnak a si.
5 Òha tein khuakhangta in na òuan
asile na hlawh a tling ding;
Sikhalsehla zamrang in na òuan
asile khopkham in na nei
thei dah lo ding.
6 Hrokhrawlnak in ngahmi sumsaw cu
a zuangmi tikhu le
thihnak thang an si.
7 Miòha lo pawl cu anmah ih tuahmi
òhatlonak in a siatralter ding;
Ziangahtile a dingmi thil tuah an duh lo.
8 Miòha lo pawl ih lamzin cu a kawi,
Sikhalsehla mithiang mi in
thil dik an tuah.
9 A phunzai ringringmi nupi thawn
innpi sungih um tlang hnakin,
inn luanglu kelkawmte ih
mahte um a òha sawn.
10 Miòha lo pawl cu thil òha lo
tuah an duh ringring;
Zo ih par khalah zangfahnak
thinlung an nei lo.
11 Mi puarthau hrem a si tikah mi-aa
in fimnak a ngah;
Sikhalsehla mifim cu an zirh tikah
a fimnak a karh.
12 A dingmi Pathian cun miòha lo
pawl ih inn ah ziang a cang
ti kha a thei òheh ih,
Miòha lo kha siatnak ah a thlenter ding.
13 Mifarah pawl ih aunak aw
a ngai duh lotu cu,
Amah ih au tikah zokhal in an
theihpi ve lo ding.
14 A thup teih pekmi laksawng in
thinhennak a daihter;
Puan thuaiih pekmi nawhthuh in
thinlingnak a nemter.
15 Thu pakhatkhat ding tein rel a si
tikah miding pawl hrangah
lungawinak a si;
Sikhalsehla miòha lo pawl hrang
ahcun riahsiatnak a si.
16 Fimnak lamzin ihsin a pialmi pawl
cu thihnak in a bawh.
17 Nomnak a duhtu cu a farah ding;
Zu le sa a duhtu cu a lian dah lo ding.
18 Miòha lo pawl in miòha pawl par
ih an tlunter tummi harnak cu,
Anmah ih par lala ah a tlung òheu.
19 A phunzaimi le mi tawh a hmangmi
nunau thawn um tlang hnak cun,
Nelrawn ih va um ziar khi a òha sawn.
20 Mifim umnak ah lennak le
nomnak a um;
Asinan mi-aa cun paisa an ngah
ve tein an ei-ek òheh.
21 Dingnak le zangfahnak nei awla
na nun a sau ding;
Midang khalin an lo upat dingih
òha tein an lo tuamhlawm ding.
22 A fimmi ralbawi cun micak pawl ih
kilmi khuapi a la thei ih,
an rinsanmi hauhruang khal a siat thei.
23 A lei le a kaa a kil theitu cu
harnak in a luat ding.
24 Mi puarthau, mi porh aw le
hngal zet ih a nungmi pa cu,
A hmin ah, “Mi hmuhsuamtu,” an ti.
25 Hnaòuan zianghman a zuam lomi
mi zaangzel cu,
Amah le amah a that aw rero a si.
26 Sunvu a ruahmi cu ziang ka ngah
pei ti lawng a si.
Asinan miding pawl cun ui lo in
siang zet in an pek.
27 Miòha lo ih raithawinak cu
Bawipa in a fih;
Thinlungput òha lo thawn a tuahmi cu
a fih sinsin.
28 Thuphanper a dik lomi theihpitu
cu a siatral ding;
Sikhalsehla thudik a simtu ih thu
cu cohlan a si ding.
29 Miding cu amah le amah
a rinsan aw òheu;
Sikhalsehla miòha lo cun
a titer aw òheu.
30 Bawipa na dodal a si ahcun
milai ih fimnak, thiamnak le
theihfiangnak pawl in a lo
bawm thei lo ding.
31 Raldonak ni hrangah rang tla cu
timtuahcia an si;
Sikhalsehla nehnak cu
Bawipa hnenin a rami a si.