20
1 Zu in cu mi hmuhsuam tonnak a si;
òongkam a tamter ih
tawhawknak a suahter.
Zurit cu at a si.
2 A thin a hengmi siangpahrang cu
a hruum durdomi
kiosa na òih vekin òih aw;
Amah a thin a hengtertu cu mah le
mah that aw bangtuk a si.
3 Zovek mi-aa khalin tawhawknak cu
a suahter thei;
Tawhawknak hrial thei cu
upat tlak a si.
4 Lo rih tikcu caan ih lothlawh
a zuam lotu mi zaangzel cu,
rawl lak tikcu ah rawl khawm
ding a nei lo ding.
5 Minung in a thinlung sungih a neihmi
ruahnak cu tikhur thuk
sungih tidai bangtuk a si;
Sikhalsehla mifim pa in
a khaisuak thei ding.
6 Zokhal in mah ih felnak fingfing
an sim cio;
Sikhalsehla zoso mifel taktak
a tong thei?
7 Pa cu miding le miòha a si ahcun,
A faale pawl mi vanòha an si.
8 Thuòhennak tohkham ih
a tomi siangpahrang cun,
Thil òha lo hmuahhmuah kha a mit
in a thleidang thluh thei.
9 Zoso, “Ka thinlung ka thianter zo,
Ka sualnak in ka thiang zo,”
a ti thei?
10 Bawipa in
cuai le tahnak dik lo pawl a hua.
11 Nauhak khalin a sinak a nuncan
daan a thiang le thiang lo,
A dik le dik lo kha a tuahnak in
a langter òheu.
12 Hmuhnak mit le theihnak hna cu,
Bawipa ih tuahmi an si.
13 Na tikcu caan ihnak in na cemter
asile na farah ding;
Hnaòuan ringring awla rawl tampi
na nei ding.
14 Thil leitu in, “A man a tam tuk!”
tiah a phunzai òheu;
Sikhalsehla a lei ih a feh hnu ahcun,
“Ol tein ka lei,” tiah a porh aw òheu.
15 Sui tampi a um,
lungvar khal tampi a um;
Sikhalsehla fimnak òongkam cu
a man a khung sawnmi a si.
16 Theih dah lomi pa hrangah
aamahkhan saktu cu,
A thilri aamahkhannak hrangah
lak sak a si ding.
17 Hrokhrawl in ngahmi rawl cu a thaw;
Sikhalsehla rei lo ah a kaa sungah
vunnel bangtuk a si ding.
18 Ruahnak òha a neimi thawn
thu va ron aw;
Na thiltuahmi ah na hlawhtling ding.
Òha tein timtuahta lo in ral do hlah.
19 A thup tein mi rel a hmangtu in
thuthup kha a phuang òheu;
Curuangah mi rel a hmangtu kha
va kom hlah.
20 Na nu le na pa na camsiat asile,
Khawthim lakih mei-inn mit bangin
na nunnak a cem ding.
21 Ol teih na ngahmi sumsaw cu
na hrangah òhathnemnak a mal ve ding.
22 Òhat lonak kha òhat lonak in lehrul hlah;
Bawipa rinsan awla a lo run ding.
23 A dik lomi cuai le tahnak
a hmangtu pawl cu
Bawipa in a hua.
24 Kan lamzin ah kan ke kar in
hruaitu cu Bawipa a si;
Minung in ziangtinso an fehnak ding
lamzin an theih thei ding?
25 Pathian hnen thawhlawm pek ding
thu na kam hlanah òha tein
ruat hmaisata aw;
Culole neh hnuah na siir aw pang ding.
26 A fimmi siangpahrang cun misual
kha a hawl ih zangfah lo in
a hrem òheu.
27 Bawipa in ruahnak le siaòha
thleidan theinak thinlung in pek;
Kan thinlung hnen ihsin khuiahso
kan relh thei ding?
28 Siangpahrang in felnak le òhatnak
le dingnak thawn,
A ram a uk sung hmuah cu
a uknak a hnget ding.
29 Mino pawl ih sunlawinak cu
an thazang a si;
Putar pawl ih mawinak cu
an sampar hi a si.
30 Thawinak kan ton ruangah kan
òhat lonak a thiang;
Vuaknak kan ton ruangah
thinlung thianfainak kan ngah.