2
Fimnak Ih Man
Ka fapa, ka lo simmi hi zir awla,
tuah dingih ka lo simmi kha
na thinlung ah khum aw.
Fimnak hi ziang a si, ti kha ngai awla,
theithiam dingin
na thinlung thawn zuam aw.
A si, hmuhnak le theihnak kha
na ko ih, theihthiamnak khal
na dil ahcun;
Ngun bangin ngah na duh ih,
hlawnthil thuhmi bangin
na hawl ahcun;
Cutin na tuah asile
Bawipa òihzah cu ziang a si, ti
na thei dingih,
Pathian theihnak cu
na hmu suak ding a si.
Fimnak petu cu Bawipa a si ih,
amah ih hnen ihsin fimthiamnak le
theihthiamnak an ngah a si.
Miding pawl le mi thinlung
tluang pawl cu a bawm ih
a humhim a si.
Midang parah thuding
a tuahtu pawl a humhim ih
Amah a duhdawtu pawl kha
a kilveng a si.
Ka thu na ngai a si ahcun a dikmi,
a òhami le ka tuah dingmi
ziang a si, ti kha na thei thei ding.
10 Fimnak na lung sungah a lut dingih,
na theihnak in a lo lungawiter ding.
11 Na fimnak le na theih thiamnak khan
a lo humhim dingih,
12 Thil òha lo lakin a lo kham ding.
Òong òha lo a hmangtu pawl lak ihsin
a lo kilveng ding.
13 Cupawl cun lamthim ih feh dingah
lamdik cu an tlansan;
14 Thil òha lo tuah kha
an duh zawng a si ih,
thilsual tuahnak hmun ah
an lung a awi òheu.
15 Rinsan tlaklo le
zum tlak lomi pawl an si.
16 Òongkam naal zet thawn a lo bumtu
nunau òha lo hnen ihsin
a lo run suak ding;
17 Cunu cu a pasal parah
dingnak neilotu le,
Pathian hnenih a thukam
ziang a siar lotu a si.
18 A inn ah na feh a si ahcun
thihnak lamzin ah a fehtu na si.
19 A hnenah a fehtu cu
zokhal an kirsal nawn lo.
Nunnak lam an tongsal nawn lo.
20 Cu a si ruangah miòha pawl ih
lam cu na zawh dingih
Miding pawl ih nun bangin
na nung ding.
21 Miding le miòha famkim pawl cu
hi leilung ah an um ding.
22 Asinan miòha lo pawl cu
cuih ramsung ihsin
Pathian in a dawihlo dingih,
Mi hrokhrawl pawl cu
phawi hlo an si ding.