19
1 A dingmi mifarah si cu
a hrokhrawlmi mi-aa hnakin
a òha deuh.
2 Theihnak um lo ih
a duh lawng duh cu a òha lo;
Thinsaunak um lo cun harnak ton a olte.
3 Minung in mah ih aatnak ruangah
siatralnak an tong òheu;
Cutikah Bawipa an mawhthluk.
4 Lennak in rualpi thar tampi a suahter;
Sikhalsehla mifarah cu a rualpi cia
hman in an tlansan òheu.
5 Thuòhennak zungah thuphan na sim asile,
Cawhkuan na tong ding,
na luatnak a um lo.
6 Mitampi in mi thupi pawl hnenin
mithmai òha ngah an zuam;
Mi tirhsiang hrangah cun zokhal
rualpi òha an si òheh.
7 Mifarah cu a suahpi unau hman in
an hnong òheu;
Theihthiam mi rualpi menmen pawl
cun ziangtlukin so an tlansan
sinsin ding!
Ziangtluk ih a kawh hai rero
khalle an kir nawn lo.
8 Nangmah le nangmah duhdaw awla,
Fimnak kha na zir thei tawkin zir aw;
Na zirmi kha ciing ringring awla,
Na thil tuahmi ah na hlawhtling ding.
9 A dik lomi thutheitu cu hremnak in
a luat lo ding;
Thuphan a simtu cu a siatral ding.
10 Mi-aa cu nunnuam zet in nung
dingah a tlak lo;
Sal ih bawi uk ding cu a tlak lo sinsin.
11 Na fim asile na thinlung na uk thei ding,
Mi ih sualnak ngaithiam cu
thil sunglawi a si.
12 Siangpahrang thinhennak cu kiosa
huuk bangtuk a si;
Sikhalsehla a zangfahnak cu hrampi
parih daitla bangtuk a si.
13 Fapa aa in siatralnak ah a pa a thlenpi;
A phunzai ringringmi nupi cu
catbang lo in a surmi ruah bangtuk a si.
14 Inn le sumsaw cu nu le pa hnenih
ngahmi rothil an si;
Sikhalsehla nupi fim cu
Bawipa ih hnen ihsin
ngahmi a si.
15 Zaangzel in na it ringring men
asile, na ril a rawng ding.
16 Pathian thukham thlun awla na
nunkhua a sau ding;
Ziangsiar lo in na um asile
na thi ding.
17 Mifarah parih zangfahnak neih
cu Bawipa ih hnenah thil pek
bangtuk a si;
Bawipa amah in a lo pesal leh ding.
18 Na faale kha an no lai ah nun sim aw;
Na sim lo asile anmah le anmah
siatsuah aw dingin na bawm a si.
19 Nasa zet ih thinhengtu cu
hremnak a tong ding;
Harnak sungin vei khat run hman
awla na runsal a òul thotho ding.
20 Ruahnak pekmi kha na ngai ih
zirnak na neih asile,
Ni khatkhat ahcun mifim na si ding.
21 Minung cun a thinlung in
khuakhannak tampi a nei ko ding;
Sikhalsehla Bawipa ih khuakhannak
lawng tuah a si ding.
22 Duhham hi ningzahnak a si;
Mifarah si hi thuphanpertu si
hnakin a òha deuh.
23 Bawipa òihzah awla
na nunkhua a sau ding;
Siatralnak tong lo in na him ding
ih na hna a ngam ding.
24 Mihrek cu an zaang a zel tuk ih,
An kaa sungih rawl baar ding hman
an zuam lo.
25 Mi puarthau hrem awla,
ruahnak mal in fimnak a ngah ding;
Mifim na si ahcun nunsimnak ihsin
fim na zir ding.
26 A pa a thawi ih a nu kha inn ihsin
a dawitu fapa cu,
Ningzahnak le mualphonak
a suahtertu a si.
27 Ka fapa, zirnak na bansan ahcun
na theih cia mi kha na hngilhsal ding.
28 Midang siatnak lawng a ruattu
thutheihpitu hnen ahcun
dingnak a um lo;
Miòha lo pawl in sualnak tuah an duh.
29 Mi hngal pawl cu thawi an tong ding.
Mi-aa pawl cu vuak an hlawh ding a si.