16
Minung in khua cu
kan khaang ko ding;
Asinan a cemnak ih thuneitu cu
Pathian a si.
Na tuahmi hmuahhmuah cu
a òha òheh in na ruat ko ding;
Asinan Bawipa cun
thinlung lam a zoh sawn.
Na tuahmi hmuahhmuah cu
Bawipa ih hnenah hlan aw;
Na khuakhannak ah na hlawhtling ding.
Bawipa in thil hmuahhmuah hi
cemnetnak nei in a tuah;
Cuvekin miòha lo ih cemnetnak cu
siatralnak a si.
Bawipa in
mi hngalhngawng pawl cu a hua;
Cuvek pawl cu hremnak in
a luatter lo ding.
Pathian hnenah fel zet le
zum tlak zet in um awla
na sualnak a lo ngaithiam ding;
Bawipaih thu ngai awla
òhat lonak na hrial thei ding.
Bawipa ih lung na awiter tikah
na ral pawl hman na rualpi ah
na tuah thei ding.
Fel lonak thawn paisa tampi
neih hnakin,
Fel tein hlawh ih paisa malte neih hi
a òha deuh.
Khuakhannak cu na nei ko ding;
Asinan na tuahmi pawlah
lam a lo hruaitu cu Pathian a si.
10 Siangpahrang cun
Pathian ih hu le ham thawn thu a rel;
A hmurka in a suakmi pawl cu
a dik ringring.
11 Cuai le tahnak pawl cu
Pathian in dik teih tuah a duh;
Zuar mi hmuahhmuah khal
felteih tuah a duh.
12 Òhat lonak tuah hi
siangpahrang pawl in an duh lo;
Ziangahtile uknak fektertu cu
dingnak a si.
13 Siangpahrang in thudik
theih a duh ih,
Thudik òongtu kha mithmai òha
a pe ding.
14 Mifim cun siangpahrang
lungawiter ding a zuam;
Siangpahrang a thin a hen ahcun
pakhatkhat an thi men thei.
15 Siangpahrang ih mithmai a òhat
tikah nunnak a um;
A zangfahnak cu òhalruah kengtu
khawdur bangtuk a si.
16 Fimnak hi sui hnakin a òha deuh;
Theihthiamnak hi ngun hnakin
hril deuh ding a si.
17 Miòha pawl cun òhat lonak
a hrialtu lamzin an thlun;
Curuangah khuitawk lam na pan
ti kha zoh òha aw;
Na nunnak a lo run thei ding.
18 Hngalnak in siatralnak a thlenter;
Porhawknak in òumsuknak ah
mi a hruai.
19 Mifarah thawn tangdorte ih um cu,
Mi puarthau pawl thawn hransaw
òhen awk hnakin a òha deuh.
20 An lo zirhmi kha òha tein
ngai awla na hlawhtling ding;
Bawipa kha rinsan awla
na lung a awi ding.
21 Thinlung fimmi cu
thil a thlei dang theitu an si;
Awka thlum in mi a hiip thei.
22 Mifim hrangah fimnak cu
nunnak cerhti a si;
Asinan mi-aa fim zirh tum cu
caan a cem lak men.
23 Mifim pawl cun an òong hlanah
khua an ruat;
Curuangah an simmi cu hmual a nei.
24 Zangfahnak òongkam cu
khuaitizu vek a si;
Kaa sungah a thlum ih harhdamnak
hrangah a òha.
25 Lamzin dik a si tiih na ruahmi kha,
Thihnak ah a lo thlenpitu lamzin a si
thei men.Ref 16.25 Thuf 14:12;
26 Hnaòuantu cu rawl a hiarnak in
tam deuh hna a òuanter;
Ziangahtile a ril rawnnak kha
riamter a duh.
27 Miòha lo pawl cun
midang harsatnak pek ding lam
an hawl;
An òongkam hman in mi a kang.
28 Miòha lo pawl in mi relsiatnak
an karhter;
Harnak an suahter ih rualpi òha
hman an òhen awter.
29 Mi helhlong pawl in rualpi pawl
an bum ih,
siatralnak lamah mi an hruai.
30 Mit a lo sin duapdotu le
kam a lo septu cu va ralring aw;
Ziangahtile òhat lonak ruattu an si.
31 Òuakpar cu mi upa pawl ih
sunlawinak lukhuh a si;
Nunsaunak cu miding pawl ih
covo a si;
Sam par cu sunlawinak lukhuh a si.
32 Thinsau cu thacahnak hnakin
a òha deuh;
Mah le mah uk theinak cu
khuapi tampi uk theinak hnakin
a òha deuh.
33 Pathian ih tumtahnak thei dingah
camcawhfung an zuuk;
Asinan a thulehnak cu amah
Pathian ih lairelmi a si.