15
Awka neem ih thulehnak in
thinhennak a daiter;
Asinan òong hrang in
thinhennak a suahter sin.
Mifim pawl ih lei in
fimnak a karhter,
Mi-aa pawl ih kaa in aatnak a suahter.
Bawipa in hmunkipih a cangmi
thil hmuahhmuah a hmu òheh;
òhatnak kan tuah ah siseh,
siatnak kan tuah ah siseh,
in zoh ringring a si.
Zangfahnak òongkam in
thinlung a nungtersal;
Asinan zangfahnak um lo òongkam cun
thinlung a kuaiter.
Pa ih nunsimnak a eltu cu mi-aa an si;
Nunsimnak a saangtu cu mifim an si.
Miding in an sumsaw an khawl;
Asinan miòha lo cun harnak a thlen
tikah an rak hmang ral zo.
Mifim pawl ruangah
fimnak a karhzai;
Mi-aa pawl ruangih karhzai a si lo.
Miòha pawl thla an cam tikah
Bawipa a lung a awi;
Asinan miòha lo pawl ih
an kenmi raithawinak cu a fih.
Miòha lo pawl ih thil tuah zia cu
Bawipa in a hua;
Asinan dingnak a tuahtu pawl cu
a duhdawt.
10 Thil sual na tuah ahcun
na zet ih hremnak na tuar ding;
Nunsimnak na duh lo ahcun
na thi ding.
11 Mithi khua Sheol le
hngilhnak ram sungih
a ummi pawl khal khi
Bawipa in a hmu òheh;
Ziangtinso minung in an ruahnak kha
Pathian hmai ihsin an thuh thiam ding?
12 Mi hngal pawl cun nunsim an duh lo;
A fim deuh pawl hnen ihsin
ruahnak khal an dil dah lo.
13 Minung cu an lungawi tikah
an mithmai a òha;
Asinan an riahsiat tikah
an thin a nau.
14 Mifim pawl cun zir ding an duh;
Asinan mi-aa pawl cu
an aatnak ah khan an lung a kim ko.
15 Mifarah pawl cu lung rethei
ringring in an um;
Mi lungawi pawl cu an nun
a nuam ringring.
16  Bawipa òihphah ih
malte neih hi,
lian ih thinphang rero hnakin
a òha sawn.
17 Duhdawtmi pawl thawn
hanghnah hangrah ei cu,
Huatawknak hmun ih sa thaw bik
ei hnakin a thaw deuh.
18 Thintawinak in
tawhawknak a suahter;
Asinan thinsaunak in
remnak a thlenter.
19 Mizaangzel na si ahcun
hmunkipah harnak na tong ding;
Miding na si ahcun
harsatnak na nei lo ding.
20 Fapa fim in a pa ih lung a awiter;
Mi-aa lawngin a nu kha a hmuhsuam.
21 Mi-aa pawl cu anmah ih aatnak ah
an thin a nuam;
Asinan mifim cun dingnak kha
a tuah ding.
22 Ruahnak tam deuh na lak tik poh ah
na hlawhtling ding;
Cu lo ahcun na hlawhsam ringring ko ding.
23 A caan thawn a remmi òongkam
òong ngah cu, ziangtlukin so a òhat.
24 Mifim cu thihnak lamah
vung feh lo in,
nunnak lamzin ah a hung feh.
25  Bawipa in mihngal pawl ih
inn cu a siatbal ding;
Asinan nuhmeinu ih thilri kha
a kilveng ding a si.
26  Bawipa in
ruahnak òha lo pawl cu a hua;
Asinan remawknak òongkam ah
a lung a awi.
27 Dik lo zet ih hlawknak ngah
na tum ahcun,
na innsang na buaiter ding.
Nawhthuh lak hlah awla
na san a sau ding.
28 Miòha pawl cun thu leh hlanah
an ruat hmaisa òheu;
Miòha lo pawl cun zamrang in
an let ih buainak an suahter.
29 Miòha pawl thla an cam tikah
Bawipa in a ngai;
Asinan miòha lo pawl ih
thlacamnak cu a hnong.
30 Mithmai òha in mi lung a awiter,
cule Thuthang Òha cun
ruh sung tiangin damnak a pek.
31 Nunsimnak òha tein na ngai ahcun
mifim na si.
32 Zir ding na el ahcun nangmah le
nangmah na hmuhsuam aw a si.
Nunsimnak na saan ahcun
na fim deuh ding.
33  Bawipa òihzah hi
fim zirnak a si.
Upatnak na co theinak dingah
tangdor hmaisa aw.