11
1 Cuai dik lo a hmangtu pawl cu Bawipa in a hua. Asinan cuailung dikmi ah a lung a awi.
2 A porh aw mi pawl cun
hmuhsuamnak an tong ding,
Curuangah tangdor ih um a òha deuh.
3 Miòha cu dingnak in lam a hruai,
Zum awk tlak lomi pawl cu anmah ih’
ding lonak in a siatsuah.
4 Thihnak a thlen ni ahcun
lennak hi a òhahnem lo,
Asinan dingnak in na nunnak
a lo humhim thei a si.
5 Dingnak in miòhapa ih nunnak
a nuamter,
Asinan miòha lo pawl cu
an òhatlonak in an nunnak
an tluksawnter.
6 Dingnak in miding a luatter,
asinain zum tlak lomi cu
amah ih duhhamnak in a awk.
7 Miòha lo pa a thih tikah
amah ih ruahsannak khal a thihcih,
Lennak a rinsantu cu
zianghman a òhahnem lo.
8 Miding pawl cu harsatnak ihsin
run an si,
Miòha lo pawl hnen sawnah
harsatnak a thleng.
9 Pathian ziangsiar lotu pawl ih
òongkam in a lo siatsuah thei,
Asinan miding pawl ih
fimnak in a lo run thei a si.
10 Miding pawl vanòhatnak
an ton tikah khuapi an lung a awi,
Miòha lo pawl an thih tikah
lungawi in an au.
11 Miding pawl in thluasuah
an pek tikah khua cu a òhangso,
Asinan miòha lo pawl ih
òongkam in khuapi cu a siatter.
12 Mi hmuhsuamnak òong
a òongtu cu mi-aa an si,
Mifim na si ahcun na òong sup aw.
13 Katam pawl in thuthup
an phuang òheu,
Asinan zum tlak mi pawl in
an thup thei.
14 Kaihhruainak um lo ahcun
ram an siat,
Ruahnak òha petu tamnak ah
himnak a um.
15 Na theih lo mipa kha
a leiba samsak dingah
thu na kam ahcun
na siir aw leh ding,
Na tel lole na hrangah
a òha deuh.
16 Zangfah thiam minu cu upat mi a si,
Asinan ziaza òhatnak a nei lo
minu cu ningzakza a si.
Mi zaangzel in sumsaw
a nei dah lo ding,
Asinan mitaima pawl cu
an lian ding.
17 Mi zangfah thiam na si ahcun nangmah le nangmah hmaiòhatnak na pe aw,
Mi zangfah nei lo na si ahcun
nangmah le nangmah
na siatsuah aw.
18 Miòha lo pawl in hlawknak ngaingai
an tong thei lo,
Asinan thildik na tuah ahcun
laksawng pek na si hrimhrim ding.
19 Zokhal òhatnak tuah ding
a ruattu cu an nung ding,
Asinan zokhal òhat lonak
a tuah ringringtu cu an thi ding.
20 Bawipa in
thinlung òha lo pawl a hua,
Asinan thildik a tuahtu pawl cu a duh.
21 Miòha lo pawl hrem an si ding
ticu a fiang,
Asinan miding pawl cu an luat ding.
22 A mawi zet nain khawruah thiamnak
a nei lomi nunau cu,
Vok hnar ih sui khaih bangtuk a si.
23 Miòha pawl duhnak cu
òhatnak ah a suak òheu,
Miòha lo pawl in an duhmi
an ngah tikah mi hmuahhmuah
an thin a heng òheu.
24 Mi hrekkhat siang zet in
an paisa an hmang nain
an lian deuhdeuh,
A dang pawl cu an ralring zet nain
an farah sinsin.
25 Siang zet in nung awla na lian ding,
Midang va bawm awla
an lo bawm ve ding.
26 A man kai deuh hngak in
rawl a zuar siang lotu cu
mi in an cam siat,
Asinan zuar a siangtu cu
mi in an lawm.
27 Na hmuitin mi a òhat a si ahcun
upat na si ding,
Asinan harsatnak na hawl ahcun,
cumi cu na ngah ding.
28 Lennak a rinsantu pawl cu
òhal caan thinghnah bangin
an òil ding.
Asinan miding pawl cu
tlimno bangin an hninghno ding.
29 A innsungsang tlunah
harsatnak a thlentertu cu
a netnak ah zianghman a nei lo ding,
Mi-aa pawl cu mifim pawl ih
hnenum an si ringring ding.
30 Dingnak ih rah cu nunnak a si,
Asinan òhat lonak in
nunnak a hlohter.
31 Miòha pawl in leitlun ah
òhatman an ngah ahcun,
Miòha lo le misual pawl in
ziangtluk hremnak an ngah ding
ti cu a fiang a si.Ref 11.31 1Pit. 4:18;