2
Zirhtu Dik Lo
1 Hlanlai Israel mi lakah profet dik lo an rak um; cuvek thotho in atu nanmah lak khalah zirhtu dik lo an lang ding. Mi siatsuah theitu le a dik lomi thurin an tuh-lut dingih anmah a tlentu kan Bawipa hman an hnong ding; cuticun anmah ih par lala ah siatralnak cu rinlopi in an thlenter ding.
2 Cucingin tisa sualnak an ziaza òha lo cu mi tampi in an thlun thotho ding; cuih an tuahmi ruangah mi in thutak Lamzin cu an relsiat ding.
3 An duhham ruangah hi zirhtu dik lo pawl cun phuahcop thuanthu sim tahrat in nanmah sung ihsin hlawknak an hawl ding. Sikhalsehla anmah Thuòhentu cu a tiarawknak a reipi zo ih anmah a Siatsuahtu ding cu it lo in a um a si.
4 Vancungmi a sualmi pawl cu Pathian in zuah lo in hell sungah a hlonthlak ih cutawk khawthim sungah cun òemòawn in an um ih Thuòhennak Ni hngak fualfo in an um.
5 Khuahlan san ih leilung khal Pathian in a rak zuah cuang lo. Pathian òihzahnak a nei lo leitlun miphun parah tilik a tlunter ih a runsuakmi cu dingnak thu a simtu Noah le midang pasarih lawng an si.Ref 2:5 Sem 6:1-7:24;
6 Pathian in Sodom le Gomorrah khuapi cu a hnong ih meisa in a siatsuah; cumi cu Pathian òihzahnak a nei lotu pawl hrangah cinken dingih a tuahmi a si.Ref 2:6 Sem 19:24;
7 Asinan cin le daan nei lo, miòha lo pawl in vansanglam ih an tuahmi miòhapa Lot cu Pathian in a runsuak.Ref 2:7 Sem 19:1-16;
8 Cuih miòhapa cu miòha lo pawl lakah um in khua a sa ih nitin tein an òhat lo zia a hmu ih a theih tikah a thin a na zet.
9 Cutiin Bawipa cun amah a òihzahtu pawl harsat an tuarnak in runsuak a thiam ih miòha lo pawl Thuòhennak Ni tiang hremnak tuarter dingin a ret thiam.
10 Cutiin hremnak tuarih a retmi pawl cu Pathian thuneihnak nautat tahrat in anmah ih tisa hiarnak le hurnak fihnungza a thluntu bik pawl an si.
Hitiin mi a zirhsualtu pawl hi an puar ih an hngal zet; tlunlam van ih a ummi misunglawi pawl hman ziangah an siar lo; an hmuhsuam riangri a si.
11 Anmah hnakin a cak sawn le a tum sawn vancungmi hman in Bawipa ih mithmuh ah cupawl cu an hmuhsuam lo.
12 Sikhalsehla hi zirhsualtu pawl cu zianghman ruahnak an nei lo, an thinlung ih a suak lokmi poh an tuah; kaih ih thah dingmi ramsa bangtuk an si. An theih thei lomi poh cu nautatnak thawn an relsia. Curuangah ramsa bangin thahnak an tong ve ding.
13 Midang harsatnak an pek ruangah harsatnak an tuar ve ding. Annih hrangah nun nuam timi cu khawvan lai khalah an tisa hiarmi poh tuah ih diriamter khi a si. Mi bum cu nuam an ti ih nan hnenih rawl an ei tikah ningzahnak le mualphonak a suahtertu an si.
14 Nunau òha lo zoh dah ti lo an zoh duhmi zianghman a um lo; sual tuah an hiarnak cu a riam thei dah lo. Zumnak ih a derdai deuhmi pawl kha sualnak thang in an awk. Hamòam lam ahcun neh ding rual an si lo. Pathian ih camsiatnak hnuai ah an um a si.
15 Lamzin ding an pialsan ih zin an hlo zo. Beor fapa profet Balaam ih a rak thlunmi lamzin an thlun. Balaam cu thil òha lo tuah man ih a co dingmi paisa a duhtu a si ih,
16 a sualnak ruangah mawhthluk a tong. A laak in Balaam cu milai òong in a biak ih aatthlakza thil òha lo a tuahmi cu a banter.Ref 2:15-16 Mipum 22:4-35;
17 Hi minung pawl cu a carmi cerh le thlisia in a semmi khawdur bangtuk an si. Pathian in an hrangah a thuk bik khawthimnak hmun timtuah cia in a ret zo.
18 Puarthaunak le òong òha lo an òong; sualpalhnak sung ihsin a ra luat pekmi pawl sualnak thang ih awksal dingah an taksa hiarnak kha an hmang.
19 Mi an tiamkammi cu luatnak a si, sikhalsehla anmah rori cu mi siatsuahtu ziaza òha lo ih sal an si; ziangahtile minung cu thil ziang khalin a neh ahcun cuih a nehtu thil ih sal a si.
20 Kan Bawipa le Runtu Jesuh Khrih pumpak in an theihnak ruangah hi leilung borhbah sualnak sung ihsin an luat ih cutiih an luat ngah hnuah cuih borhbah sualnak in a thlemsal ih a kaihtaar ngah ahcun a hmasa hnakin a neta deuh cu a besia sawn a si.
21 Dingnak lamzin an theih hnuah le thukam thianghlim an hnenih pek a si hnu ih an pialsan hnak cun zianghman thei lo lawlaw in rak um hai sehla an hrangah a òha sawn.
22 Hibangtuk in an parih thil a cangmi in, “Uico cun a luak a eisal,” tile, “Vok cu kholh hnu hmanah ciarbek sungah a bual aw kirsal,”Ref 2:22 Thuf 26:11; tiih òongòhimnak hi a dik a si, ti a langter.