PITER
(2 Peter)
Cakuat Pahnihnak
Thuhmaihruai
Piter cakuat pahnihnak hi Khristian hmasa pawl hmunkipih siar dingah a kuatmi a si. A tumtah bikmi cu zirh sualtu pawl ih hnaòuannak le zirhnak ruangih a ra suakmi nupa sualnak pawl do dingah a si. Hibangtuk buainak a hloh theinak dingah Pathian le Jesuh Khrih dik le felteih theihnak, le Jesuh rori an mit ih a hmutu le hna in a thuzirhmi a theitu pawl ih thusimnak pawl kaihnget dingah a forh. Cangantu hin Khrih a rasal nawn lo ding, a titu pawl ih zirhnak kha a helhkam bik cuang a si. Curuangah Pathian in mi pakhatte hman siat ding a duh lo; mi hmuahhmuah an sual an sir aw ih rundammi an si ding a duh ruangah Khrih a ratsal hrih lonak hi a si, tiah a sim.
1
Jesuh Khrih ih siahhlawh le tirhthlah a simi keimah Simon Piter in kan Pathian le Runtu a simi Jesuh Khrih ih dingnak ruangah hitluk a sunglawimi kan zumnak thawn bangrep in zumnak pek a si vemi nan hnenah hi cakuat hi ka ngan.
Pathian le kan Bawipa Jesuh nan theihnak thawngin zangfahnak le daihnak cu famkim zet in co hram uh.
Pathian Ih Kawhnak Le Hrilnak
A sunlawinak le a òhatnak co ve dingah in kotu Khrih kan theihnak ruangin Pathian òihzahnak thawn kan nun theinak dingah kan òulmi hmuahhmuah cu Pathian ih cahnak huham in, in pe zo. Cutiin in tiamkam cia mi a tum le a sunglawimi laksawng cu in pek ih cuih laksawng ruangah in siatsuah theitu leilung tisa hiarnak ihsin nan luat thei dingih Pathian a sinak ah khan nan òawm aw thei ve ding. Himi ruang rori ahhin nan zumnak parah òhatnak bet tum uh; nan òhatnak parah theihnak bet tum uh; nan theihnak parah sup awk theinak bet hrih uh; cule sup awk theinak parah tuar theinak bet uhla nan tuar theinak parah Pathian òihzahnak bet uh. Pathian òihzahnak nan neihmi parah unau tlaihsannak bet uh; cule Khristian unau tlaihsannak parah duhdawtnak bet uh. Hi òhatnak pawl hi nan òul zetmi an si ih famkimin nan neih a si ahcun kan Bawipa Jesuh Khrih nan theihnak ahhin a lo caktertu le hmual a lo neihtertu an si ding. Sikhalsehla hi òhatnak pawl a nei lotu cu mitmalmi a si ih naite lawng a hmu theitu a si; hlanih a sualnak ihsin thianfaiter zomi a si hman kha a thei aw nawn lo.
10 Hiti a si ruangah u le nau pawl, Pathian ih a lo kawhnak le a lo hrilnak hi kumkhua ih fek dingah zuam sinsin uh. Cutiin nan tuah asile nan zumnak ihsin nan pial dah lo ding. 11 Cuticun kan Bawipa le in Runtu Jesuh Khrih ih kumkhua uknak sungah luh theinak thu nan ngah ding.
12 Hi thuhla pawl hi nan theih cia mi le thutak nan theihmi sungah hngetkhoh zet ih a ding cia mi nan si ko nain ka lo theihtersal ringring ding. 13 Ka nun sungah cun hi thu pawl lo theihter ringring hi a dikmi a si tiin ka ruat. 14 Kan Bawipa Jesuh Khrih in fiang zet ih i theihter zo vekin hi a thi theimi ka ruangpum cu ka taan cing ding ti ka thei. 15 Curuangah hi thu pawl hi ka thih hnu khalah nan ciin ringring dingah ka ti thei tawkin ka zuam ding.
Khrih Ih Sunlawinak A Hmutu
16 Kan Bawipa Jesuh Khrih cu huham thawn a ratnak ding thu kan lo theihter tikah phuahcopmi thuanthu ring in kan lo simmi a si lo. A sunlawi maksak zia cu kan mit rori in kan rak hmuhmi a si. 17 Sunglawi Cungnungbik hnen ihsin a rami aw in, “Himi hi ka duhdawtmi ka Fapa a si, a parah ka lung a awi,” tiah a ti zawng ah kan Pa Pathian in upatnak le sunlawinak a peknak hmun ahkhan kanmah khal kan um ve!Ref 1.17 Mat 17:1-5; Mar 9:2-7; Luk 9:28-35; 18 Amah thawn tlang thianghlim parih kan um lai ah vancung ihsin a thangmi cuih aw cu kan thei.
19 Curuangah profet pawl ih an rak simmi thuthang parah lunghmuinak hnget sinsin kan nei. Nannih khal cuih thu cu thupi zet a si tiin nan ruat le a òha ding; ziangahtile cuih thu cu Khrih ih Ni tleunak nan thinlung sungah vangzawng deirel arsi tleu bangin a tleu hlan tiang khawthim sungih a vangmi mei-inn bangtuk a si. 20 Thil dang hmuahhmuah hnakin himi hi ciing òha uh: Zokhal amah bul in Ca Thianghlim sungih profet thusimmi kha a fiangter thei lo ding. 21 Ziangahtile profet ih thusimmi cu milai duhnak men ihsin a rami a si lo; Pathian hnen ihsin a rami thuthang an phuan tikah Thlarau Thianghlim forhfialnakin an phuanmi a si.