3
Nupi Le Pasal Thu
1 Cubangtuk thotho in nupi pawl, nan pasal ih thu cu ngai uh; cutiin nan tuah asile Pathian thu a zum lotu nan pasal pakhatkhat an um a si ahcun nan ziaza òhatnak in zumtu ah a canter ding. Kam khat hman nannih nan òong a òul lo ding,Ref 3.1 Efe 5:22; Kol 3:18;
2 ziangahtile, thianghlim le upatnak nei ih nan nun kha an hmu ding.
3 A lenglam mawinak: Nan sam tuahdan, nan hlawnthil sui le ngun thawn nan thuam awk daan le nan hnipuan hrukdan in mawinak hawl hlah uh.Ref 3.3 1 Tim 2:9;
4 Pathian ih mithmuh ah a sunglawi bikmi mawinak taktak cu nan thinlung sungih a ummi a tar thei lomi lungnemnak le thindaihnak sawn an si.
5 Pathian a òihzahtu khuahlan nunau, Pathian ah ruahsannak a neitu pawl ih mawinak cu an pasal thu an ngainak ah a um a si.
6 Sarah cu, cubangtuk a rak si. Abraham a upat ih “Ka bawipa,” tiin a ko. Nannih pawl tla thil òha nan tuah ih òihmi zianghman nei lo in nan um ahcun Sarah ih fanu nan si.Ref 3.6 Sem 18:12;
7 Cubangtuk thotho in nannih pasal pawl, nan nupi thawn nan um tlang tikah a derdai deuhmi an si, ti theithiam uhla upat uh, ziangahtile nanmah thawn hmunkhat ah Pathian ih pekmi nunnak laksawng ro cu an co ve ding. Nan thlacamnak cu zianghman ih hnaihnawh thei lonak dingah cubangtuk in tuah uh.Ref 3.7 Efe 5:25; Kol 3:19;
Dingnak Ruangih Tuarnak
8 A netnak ih ka lo forh duhmi cu: Ruahnak khat le thinlung khatin um uh; unau bangin pakhat le pakhat duhdaw aw uhla zangfahnak nei in thinlung nemin um uh.
9 Òhat lonak cu òhat lonak in lehrul hlah uh, siatcamnak khal siatcamnak in lehrul hlah uh; thluasuahnak thawn lehrul sawn uh. Ziangahtile Pathian in a lo kawh tikah thluasuahnak petu si dingin a lo ko a si.
10 Ca Thianghlim sungah,
“Nunnom le caan òha a duhtu cun
òongsia ih òong kha sup sehla
thuphan per nawn hlah seh.
11 “A òha lomi cu tlansan in
òhatnak tuah seh.
A thinlung zate in daihnak hrangah òuan seh.
12 Ziangahtile Bawipa in miding cu
a zoh òha ih an thlacam a theih sak a si.
Sikhalsehla òhat lonak a tuahtu cu
a dodal a si,”Ref 3:10-12 Saam 34:12-15 tiah a ti.
13 Òhatnak tuah a duhtu na si ahcun zo in so harsatnak a lo pek ding?
14 A òhami tuah ruangah harsatnak tong hman cila ziang tlukmi lungawi so na si! Zohman òih hlah; na don khal har hlah.Ref 3.14 Mat 5:10; Isa 8:12-13;
15 Nan thinlung in Khrih cu òihzah uhla Bawipa tiin upat uh. Nan thinlung sungih nan pommi nan ruahsannak kha a lo suttu pakhatkhat an um ahcun an thusuhmi let thei dingah ralring cia in um ringring uh.
16 An thusuhmi nan leh tikah thinnemnak le upatnak thawn let uh. Thinlung thiang zet in um uh; cutiin nan tuah asile Khrih thluntu nan si bangtukin nan ziaza òha kha mi in an lo soisel hmanah ziaza òha a si, ti an hmu dingih anmah riangri an ning a zak ding.
17 Òhat lonak tuah ruangih harsatnak tuar hnakin Pathian lungkim a si ahcun òhatnak tuah ruangih harsatnak tuar a òha sawn.
18 Ziangahtile Khrih cu minung sualnak ruangah kumkhua daih in a thi; nanmah Pathian hnenih hruaisuak dingah miòhapa cu misual pawl ai ah a thi. A taksa in thihnak a tuar, sikhalsehla thlarau in nuntersal a si.
19 Cutiin thlarau in a nunsal ruangah thlarau thawngtla pawl hnenah a feh ih thu a sim.
20 Hitiih thu a simmi thlarau pawl cu Noah ih lawng a rak tuah lai ah Pathian in thinsau in a hngak nain a thu a ngai duh lotu an si. Long sungih a lutmi cu mi malte, an zate in minung pariat lawng an si; annih cu ti sung ihsin runsuakmi an si.Ref 3.20 Sem 6:1-7:24;
21 Cumi cu atu ih nanmah a lo runtu baptisma hi a khihhmuhtu a si. Himi cu nan ruangpum a baalmi kholhfainak ah a si lo, siaòha thleidannak thinlung thiang thawn Pathian hnenah thutiamnak nan tuah a si sawn. Cuih baptisma cu Jesuh Khrih a thawhsalnak thawngin nannih rundamnak a thlenpitu a si.
22 Amah cu vancung ah a kai ih Pathian vorhlam kapah a um ih vancungmi hmuahhmuah le van ih thuneihnak le huham hmuahhmuah tlunah thuneitu a si.