2
Lungto Nung Le Miphun Thiang
1 Curuangah òhat lonak hmuahhmuah cu hlon òheh thlang uh; thuphan per nawn hlah uh; titer aw nawn hlah uh; mi iksik hlah uh; hmuhsuamnak òong hmang nawn hlah uh.
2 Naute suak pek bangtuk si uh; thlarau hnawiti duh uhla cuih hnawiti nan innak thawngin nan òhang dingih rundam nan si ding.
3 Ca Thianghlim ih a ti bangtukin, “Mi zangfah thiamtu Bawipa a si zia cu nan tep ngah zo.” Ref 2:3 Saam 34:8
4 Bawipa ih hnenah ra uh; amah cu minung in santlai lo tiin hnong hman hai sehla Pathian in a sunglawi tiih a hrilmi a nungmi Lungto a si.
5 Nanmah khal ra uhla a nungmi lungto bangtukin thlarau biakinn saknak hrangah Pathian ih hmanmi lungto si uh. Cutawkah puithiam thianghlim hnaòuan nan òuan dingih cohlan tlakmi thlarau thawinak kha Jesuh Khrih sungin Pathian hnenah nan pe ding.
6 Ziangahtile Ca Thianghlim in,
“A man khungmi lungto ka hril ih,
Zion ih innkil lungphum ah
cuih lungto cu ka hmang.
Amah a zumtu pohpoh cu ziangtik hmanah
an mualpho lo ding,”Ref 2:6 Isa 28:16; a ti.
7 A zumtu nannih pawl hrangah hi lungto hi a man a khung zetmi a si. Sikhalsehla a zum lotu hrangah cun,
“Inn saktu pawl in santlai lo tiih
an hnonmi lungto cu
man nei bik lungto ah a cang,”Ref 2:7 Saam 118:22;
timi kha a si.
8 Cule Ca Thianghlim sung hmundang ah ,
“Hi lungto hi, mi an bahnak le
an tluknak lungpi ah
a cang ding,”Ref 2:8 Isa 8:14-15; tiin a um.
An bah cu thuthangòha an zum lo ruangah a si; cuti an um cu Pathian ih tumtahmi a si.
9 Sikhalsehla nannih cu hrilcia miphun, Siangpahrang ih puithiam, miphun thianghlim, Pathian ih miphun bulce nan si. Khawthim sung ihsin mangbangza tleunak sungih a lo kotu Pathian in khawruahhar thil a tuahmi pawl tlang-aupi dingih hrilmi nan si.Ref 2.9 Suah 19:5-6; Isa 43:20, 21; Daan 4:20, 7:6, 14:2; Tit 2:14; Isa 9:2;
10 Tuih hlanah cun Pathian ih minung nan si lo, sikhalsehla atu ahcun amah ih ta nan si; tuih hlanah cun Pathian ih zangfahnak nan thei lo; sikhalsehla atu ahcun a zangfahnak nan co zo.Ref 2.10 Hos 2:23;
Pathian Ih Sal Pawl
11 Ka duhdawtmi ka rualle tla, hi leilungtlun ah mikhual le raltlaanmi bangtuk nan si ih nan hnenah zangfah ka lo dil a si. Thlarau thawn a ral aw ringringmi taksa hiarnak in lo neh hram hlah seh.
12 Pathian zum lomi lakah ziaza zohòhim tlak in nung uhla òhat lonak a tuahtu tiin sual lo puh hman hai sehla, nan nuncan òhatnak an hmu dingih Pathian a rat Ni ah amah cu an thangòhat ding a si.
13 Kan Bawipa ih ruangah nan tlunih thuneitu bawi pawl cu an thu ngai uh; a sang bik ih thuneitu Siangpahrang cu a thu ngai uh.
14 Cule peng le ram uktu bawi upa pawl khal, miòha lo pawl hremtu dingah le òhatnak a tuahtu lawmtu dingih hnaòuan pekmi an si ruangah an thu ngai uh.
15 Ziangahtile zianghman thei lo ih a òongtu mi-aa pawl ih òongnak hi thil òha nan tuahmi in tukdai seh tiah Pathian ih a lo duhsakmi a si.
16 A luatmi bangtukin nung uh; sikhalsehla nan luatnak cu òhat lonak huptu ah tuah hlah uh; cuhnakin Pathian ih sal bangin nung sawn uh.
17 Mi hmuahhmuah upat uh, zumtu unau pawl duhdaw uh; Pathian òihzah uhla Siangpahrang cu upat hmaizahnak pe uh.
Khrih Tuar Zia Tahòhimnak
18 Hnenum pawl, nan bawi pawl ih thu ngai uhla upat hai uh; zangfahnak le zawnruahnak a neitu lawng upat lo in mipuar mihak remrem pawl ih thu khal ngai uh.
19 Pathian duhnak nan theih ruangah nan tuar òul lomi harsatnak nan tuar a si ahcun Pathian in thluasuah a lo pe ding.
20 Sualnak nan tuah ruangih nan tuar tlakmi vuaknak nan tuar ahcun nan hrangah ziang òhathnemnak so a um? Asinan òhatnak nan tuah na cingih nan tuar a si ahcun Pathian in thluasuah a lo pe ding a si.
21 Cubangtuk harsatnak tuar dingah Pathian ih kawhmi nan si; ziangahtile Khrih amah rori in harsatnak nan hrangah a tuar ih a keneh nan thlun theinak dingah zohòhim ding a lo tanta a si.
22 Khrih in sualnak zianghman a tuah lo; a hmurka in thuphan a per ti khal mi in an thei dah lo.Ref 2.22 Isa 53:9;
23 Mi in an hmuhsuam tikah a hmuhsuam ve lo; harsat a tuar tikah hro a suang lo. Sikhalsehla dingthluk lairelnak thawn thu a òhentu Pathian sawn a rinsan a si.Ref 2.23 Isa 53:7
24 Khrih in amah ih taksa rori in kan sualnak cu thinglamtah ah a thlenpi zo ruangah kannih cu sualnak ahcun mi thi kan si ih dingnak sungah a nung dingmi kan si. Amah ih hmaa ruangah damnak nan ngah zo.Ref 2.24 Isa 53:5;
25 Zin a hlomi tuu bangtukin nan rak hlota; sikhalsehla atu ahcun nan thlarau Khaltu le Kilkhawitu thlun dingah nan zin hlohnak ihsin kirtersalmi nan si zo.Ref 2.25 Isa 53:6;