9
Lantak Puai Vei Hnihnak
1 Bawipa in Moses hnenah, Izipt ram ihsin Israel mi an suah hnu a kum hnihnak thla hmaisabik ah Sinai nelrawn ah hitiin a sim.
2 “Israel mi pawl in Lantak Puai cu a tikcu a kim tin tein tuah hai seh.
3 Hi thla ni hleili nitlak ve tein tuah ding timi le thlun ding timi daan hmuahhmuah vekin an tuah pei,” tiah a ti.
4 Curuangah Moses in Lantak Puai tuah ding cu a sim ih,
5 a sim vek cun thla hmaisabik ih ni hleilinak siim lamin Sinai nelrawn ahcun an tuah. Bawipa in Moses hnenih thu a pek bangtukin Israel mi pawl cun an tuah thluh.Ref 9:5 Suah 12:1-13;
6 Asinan mi hrekkhat cu miruak an tham ruangah mi thiangfai lo an si ih cuih ni ih Lantak Puai ah an tel thei lo. Curuangah Moses le Aaron hnenah an feh ih,
7 “Miruak kan tham ruangah kannih cu mi thiangfai lo kan si. Sikhalsehla Israel mi pawl in Bawipa ih hnenah thawinak an pek tikah tel thei lo dingin ziangahso in kham?” tiah an sut.
8 Moses in, “Nan hrangih Bawipa ih zirhmi ka ngah hlan lo cu rak hngak hrih uh,” tiah a ti.
9 Cutikah Bawipa in Israel mi pawl than dingah Moses hnenah,
10 “Anmah siseh, an tesinfa pawl siseh, miruak dai ruangih mi thiangfai lo an si tikah siseh, khual lamhla an tlawn tikah siseh, Lantak Puai an hmang duh thotho a si ahcun,
11 thla hnihnak ni hleili zanlam khawthim zawng in an hmang thei ve pei. Cumi puai cu thilnu rawi lo sang le ankha hnah thawn an tuah pei.
12 An thahmi tuu ih ruh cu pakhat hman an khiak lo pei ih, rawl cu a thaizing tiang hlahmi an nei lo pei.Ref 9:12 Suah 12:46; Saam 34:20; Joh 19:36; Lantak Puai cu thlun ding timi daan vekin an ul pei.
13 Sikhalsehla mi pakhatkhat thianfai lonak zianghman a nei lo ih khual khal a tlawng lo nain Lantak Puai a tuah lo a si ahcun amah cu ka miphun sungah siar cih a si nawn lo pei. Ziangahtile a tikcu ah ka hnenih thawinak a pek lo ruangah a si. A sualman cu amah in a tuar pei.
14 “An lakih a um ramdangmi in Lantak Puai a tuah duh ve a si ahcun tuah ding le thlun ding timi daan vekin a thlun pei. Israel mi siseh, ramdangmi siseh, an thlun dingmi daan cu a bangrep thluh a si,” tiah a ti.
A Tleumi Mero
(Suah 40:34-38)
15 Bawipa ih umnak Puanthlam an din ni ah mero a rung zam ih Puanthlam cu a run zeel thluh. Zanvarte mero cu meisa vekin a tleu.
16 Cubangtuk ringring in a si: Sun ah mero in a khuh ih zan ahcun meisa bangtuk a si.
17 Mero a kian tin tein Israel mi pawl cu an riahnak hmun an òhawn ih mero a rung zam tin tein riahnak hmun an khuarsal òheu.
18 Bawipa ih thupeknak vekin Israel mi pawl cu an riahnak an òhawn ih a thupek vek thotho in an saksal òheu. Puanthlam tlunih mero a zam sung hmuahhmuah cu an riahbuk ah an cam.
19 Mero cu tikcu reipi òhawn lo ih a um tikah Bawipa ih duhnak an thlun ih òhawn lo in an um ve.
20 Veikhat khat cu Puanthlam tlunah ni malte sung lawng mero a zam; an riahnak hmunih an riah tikah siseh, an riahnak an òhawn tikah siseh, Bawipa ih duhnak vekin an thlun.
21 Veikhatkhat cu khawthim ihsin zinglam tiang lawng mero a zam ih cuih mero a kian ve tein an cer ve òheu. Sun zan ti lo in mero a kian tinin an riahnak cu an thawn òheu a si.
22 Ni hnih siseh, thla khat siseh, asilole kum khat sung khal siseh, Puanthlam parih mero a zam sung hmuahhmuah cu an òhawn hrimhrim lo; asinain mero a kian vete cun an òhawn ve a si.
23 Bawipa in Moses hmang in thu a pekmi pawl cu an thlun ruangah an riahnak cu an òhawn ih umhmun an khuarsal òheu.