7
Hotu Pawl Ih Pekmi
Moses in Bawipa umnak Puanthlam a din òheh ni ah Puanthlam le a thuamhnaw pawl, biakòheng le a thuamhnaw pawl cu hriak a culh ih Bawipa ih hnenah apnak a tuah. Cuih hnuah Israel phun sungah an hrin ciar ih hotu pawl, mipum siar ih òuanvo pekmi pawl cun, Bawipa ih hnenah apnak an tuah. An pekmi pawl cu a khuh neimi cawleng paruk le cawcang hlei hnih, hotu pahnih in cawleng pakhat le hotu pakhat in cawcang pakhat ciar an pek a si. An laksawng an pek òheh tikah, Bawipa in Moses hnenah, “Puanthlam hrangih hnaòuannak ah hi laksawng pawl hi sang aw; cule hnaòuan an neih ciarmi vekin Levi mi pawl hnenah pe aw,” tiah a ti. Bawipa ih a ti bangtukin Moses cun cawleng le cawcang pawl cu Levi mi hnenah a pek. Cawleng pahnih le cawcang pali cu Gershon hrin pawl hnenah a pek ih, cawleng pali le cawcang pariat cu Merari hrin pawl hnenah a pek. An hnaòuanmi hmuahhmuah cu Aaron fapa Ithamar ih ho in an òuan ding a si. Sikhalsehla Moses in Kohath hrin pawl hnenah cawleng siseh, cawcang siseh, a pe lo; ziangahtile annih cu thilri thianghlim pawl òuanvo latu an si ih an liang in zawntu ding an si.
10 Cun biakòheng cu hriak an culh ih Pathian hnenih apnak an tuah ni ah hotu pawl cun laksawng an pek. An laksawng cu biakòheng ih an rak ken tikah, 11  Bawipa in Moses hnenah, “Sim hai awla, biakòheng apnak hrangih an laksawng cu nikhat ah hotu pakhat, nitin in ni hleihnih sung an pek pei,” tiah a ti.
12-83 Curuangah an laksawng cu a tanglam bangtukin a sangsang in an pek:
Ni khatnak ah Judah hrin Amminadab ih fapa Nahshon in a pek.
Ni hnihnak ah Issakhar hrin Zuar ih fapa Nethanel in a pek.
Ni thumnak ah Zebulun hrin Helon ih fapa Eliab in a pek.
Ni linak ah Reuben hrin Shedeur ih fapa Elizur in a pek.
Ni nganak ah Simeon hrin Zurishaddai ih fapa Shelumiel in a pek.
Ni ruknak ah Gad hrin Deuel ih fapa Eliasaf in a pek.
Ni sarihnak ah Efraim hrin Ammihud ih fapa Elishama in a pek.
Ni riatnak ah Manasseh hrin Pedahzur ih fapa Gamaliel in a pek.
Ni kuanakah Benjamin hrin Gideoni ih fapa Abidan in a pek.
Ni hranak ah Dan hrin Ammishaddai ih fapa Ahiezer in a pek.
Ni hleikhatnak ah Asher hrin Okhran ih fapa Pagiel in a pek.
Ni hleihnihnak ah Naftali hrin Enan ih fapa Ahira in a pek.
Hi hotu pakhat fingfing ih an pekmi laksawng cu a bangrep ciar a si: Upa ih khiahmi cuaithlainak in cuai khat le òikal sawmthum a ritmi ngun kheng pakhat, òikal sawm sarih a ritmi ngun maihum pakhat, an pahnih in thlairawl thawinak hrang a òulmi siti thawn rawimi sangphut an khat veve; cun òikal pahra a rit ih rimhmui khatte-in a ummi sui pakan pakhat; mei-ur thawinak hrangah cawcangte pakhat, tuucang pakhat le kum khat ti tuucangte pakhat; sualthlah thawinak hrangah me pakhat; remnak thawinak hrangah cawcang pahnih, tuucangte panga, mecang panga, le kum khat ti tuucang panga ciar an pek a si.
84-88 Hotu hleihnih in biakòheng apnak hrangih laksawng an pekmi zate cu a tanglam bangtukin a si:
Ngun kheng hleihnih le ngun maihum hleihnih, an zate in cuai kul hluanli a rit.
Sui pakan hleihnih an si ih cuai khat le òikal kul a rit; an zate in rimhmui an khat òheh.
Mei-ur thawinak hrangah cawcang hleihnih, tuucang hleihnih, kum khat ti tuucangte hleihnih le cumi thawn pek tlang ding thlairawl thawinak.
Sualthlah thawinak hrangah me hleihnih.
Remnak thawinak hrangah cawcang kul hluanli, tuucang sawmruk, me sawmruk le kum khat ti tuucangte sawmruk an si.
89 Moses cu Bawipa thawn bia aw dingih Puanthlam sungih a luh tin tein Thukam Kuang parih a ummi cherubima 7:89 cherubim: timi cu thlanei ramsa lem, Thukam Kuang parih retmi a si ih Pathian sunlawinak langnak a si, tiin an zum. pahnih karlak ihsin Bawipa ih aw cu a thei òheu.