6
Nazir Thukamnak Tuahtu Pawl Hrangih Daan
1 Bawipa in Moses hnenah,
2 a tanglam daan pawl cu Israel mi pawl hrangah a pek. Mipa siseh, nunau siseh, a hlei ih pumpe aw mi Nazir si dingah thukamnak a tuah ih Bawipa ih hnenah pe aw in a hran teih a um sungah cun,
3 Sabit le zu a dai lo pei. Sabit rah ih tuahmi sabitti siseh, sabit zu siseh, zianghman a in lo pei; sabit rah cu a hring in siseh, a car in siseh, a ei lo pei.
4 Nazir a si sung hmuahhmuah ah sabit kung ihsin ngahmi pohpoh, a mu le a rah le a hawng tiangin, a ei lo pei.
5 Nazir thukamnak thuaiih a um sung hmuahhmuah a sam a met lo pei ih a hmurhmul siseh, a khahmul siseh, a met lo pei. Bawipa ih hnenah a pumpek thukamnak in a kaihrem sung hmuahhmuah a sam le a khahmul a zuah pei.
6 Miruak kiangah a feh lo pei.
7 A nu a pa, a u a nau ih ruak a si hmanah a naih lo pei. Miruak kiangah feh tahrat in a borhhlawh awter lo pei; Bawipa ih hnenah a pumpeknak hminsinnak cu a sam le a hmul a si.
8 Nazir a si sung hmuahhmuah Bawipa ih hnenah a thianghlim a si.
9 Mi pakhat rin lopi in Nazir kiangte ah a thi ih Nazir ih sam a borhhlawhter a si ahcun ni sarih sung a hngak hnuah a sam le a khahmul pawl cu a met pei; cuticun a borhhlawhnak in a thiang ding.
10 Ni riat ni ah thuro pahnih, asilole laileng pahnih, puithiam hnenah Bawipa umnak Puanthlam sangka ah a rak keng pei.
11 Puithiam in thuro pakhat cu sualthlah thawinak ah a pek pei ih a dang pakhat cu mei-ur thawinak ah a pek pei. Cuticun miruak a dai pang ruangih sualthlahnak cu puithiam in a tuah pei. Cuih ni ah a lu cu a thianghlimtersal dingih,
12 Nazir si dingah a pum cu Bawipa ih hnenah a peksal pei. A rak thianhlimter cia mi a sam cu a borhhlawhter ruangah a cuih hlanih a tikcu hmuahhmuah cu a lak a si thluh. Cule mawhnak thawinak ah kum khat ti tuucangte pakhat a keng pei.
13 Nazir sinak thukammi tikcu a cem tikah a tanglam thawinak a tuah pei. Puanthlam sangka ah a feh pei ih,
14 raitluan òilva pathum Bawipa ih hnenah a pek pei: Mei-ur thawinak hrangah kum khat ti tuucangte pakhat, sualthlah thawinak hrangah kum khat ti tuula pakhat le, remnak thawinak hrangah tuucang pakhat a pek pei.
15 Cuih tlunah thilnu tel lo sang bawm khat: Olif siti thawn rawi tahrat ih tuahmi sang sah zet pawl, a paa zet ih olif siti hnihmi sang pawl le a òulmi thlairawl thawinak le inmi thawinak pawl a pek pei.
16 Cupawl cu puithiam in Bawipa ih hnenah a keng pei ih sualthlah thawinak le mei-ur thawinak pawl cu a pek pei.
17 Bawipa ih hnenah remnak thawinak hrangah tuucang pakhat le sang bawm khat khal a pek pei ih thlairawl thawinak le inmi thawinak khal a pek pei.
18 Nazir cun Puanthlam sangka ah a sam cu a met pei ih remnak thawinak an urnak meisa ah a sam cu a va paih pei.
19 Cun puithiam in an suanmi tuucang ih a liangsa a lak pei ih thilnu tel lo a sah zetmi sang le bawm sungih sang paa zet thawn Nazir ih kut sungah cun a ret pei.
20 Cuih hnuah puithiam in Bawipa ih hnenah a pek pei; hi pekmi pawl cu puithiam hrangah laksawng thianghlim an si ih, tuucang ih cawn le ir thawn puithiam ih co ding hrimhrim an si. Cuih hnuah Nazir cun sabitti a in thei ding.
21 A tlunih daan pawl cu Nazir pawl hrangah an si; asinain Nazir pakhatkhat in a òulmi hnakih tam sawn pek dingin thu a kam a si ahcun a thukammi vekin a thlun fekfek thluh pei.Ref 6:13-21 Tirh 21:23, 24;
Puithiam Thluasuahnak
22 Bawipa in Moses hnenah thu a pe ih,
23 “Aaron le a fapa pawl in Israel mi pawl thluasuahnak an pek tikah a thuailam bangtukin:
24 “ Bawipa in lo thluasuah in lo kilveng hram seh,
25 Bawipa cu nan parah zangfahnak le lainatnak nei hram seh,
26 Bawipa in a mithmai òha lo pe in daihnak lo pe hram seh,” an ti pei.
27 Bawipa ih hnenah Israel mi hrangih thla an cam tikah hi thluasuah peknak hi an hman a si ahcun Bawipa in a thluasuah hai ding a si,” tiah a ti.