4
Levi Miphun Kohath Hrin Pawl Ih Òuanvo
1 Bawipa in Moses cu,
2 “Levi mi Kohath hrin pawl hi an sungkhat le an innsang ciarin mipum siar awla,
3 Thukham retnak Puanthlam sungih hnaòuan thei ding pawl, kum sawmthum le kum sawmnga karlak mipa hmuahhmuah in cazin sungah khum hai aw.
4 An hnaòuan dingmi cu a thianghlim bikmi a si,” tiah a fial.
5 Bawipa in a tanglamih daan pawl cu Moses hnenah a pek: Nan riahnak òhawn ding a si tikah Aaron le a fapa pawl cu Puanthlam sungah an lut pei ih Thukam Kuang hmaiih a ummi puanzar cu an lak pei ih cumi cun Thukam Kuang cu an khuh pei.
6 Cuih parah saphaw a òha bikmi in an khuh pei ih puan mepian in an khuh bet pei; cule a zawnnak fung pawl cu an hrolh pei.
7 Bawipa ih hnenah pekmi sang hunnak cabuai cu puan mepian in an khuh pei ih a par ahcun pakan pawl, rimhmui kheng pawl, thawinak kheng pawl le sabit palang pawl an ret pei. Cabuai parah cun cat lo in sang an hung pei.
8 Cuih pawl parah puan sen an khuh pei ih saphaw òha bik in an khuh bet pei; cuih hnuah a zawnnak fung pawl an hrolh pei.
9 Meivannak òhuam cu meivannak pawl, caiceh pawl, mei urnak thir kheng pawl le olif siti retnak dawng pawl thawn puan mepian in an khuh pei.
10 Cuih a thilri pawl thawn meivannak òhuam cu saphaw òha bik in an tuam pei ih a zawnnak fung parah an ret pei.
11 Cun sui biakòheng cu puan mepian in an khuh pei ih saphaw òha bik in an khuh bet pei; cuih hnuah a zawnnak fung an hrolh pei.
12 Hmun Thianghlim ih hmanmi khokheng pawl hmuahhmuah cu puan mepian in an tuam pei ih saphaw òha bik in an khuh pei ih a zawnnak fung parah an ret pei.
13 Sathau thawn a rawi aw mi vutcam cu biakòheng ihsin an lawk pei ih puan sendup in an khuh pei.
14 Cule a parah cun biakòheng ih hmanmi thilri hmuahhmuah: Mei urnak kheng pawl, sa thurnak darhai òiak pawl, vutcam lawhnak cawhlek pawl le maihum pawl an ret pei. Cun saphaw òha bik in an khuh pei ih a zawnnak fung pawl an hrolh pei.
15 Riahnak an òhawn tikah Aaron le a fapa pawl in thilri thianghlim thamzarh hmuahhmuah cu an khuh thluh hnu lawnglawngah Kohath hrin pawl cu a phurtu dingin an ra pei. Sikhalsehla an phurh tikah an tham hrimhrim lo pei; an tham pang asile an thi ding.
Puanthlam òhawn tikih hnaòuan òulmi pawl cu Kohath hrin pawl ih òuanvo a si.
16 Puithiam Aaron ih fapa Eleazar in Puanthlam pumpuluk le meisa hrangih siti, rimhmui, thlairawl thawinak, culh dingah hriak, le Puanthlam sungih a ummi Bawipa ih thil hmuahhmuah a zoh pei.
17 Bawipa in Moses le Aaron hnenah,
18 “Kohath hrin pawl cu thil thianghlim kiangkap ah ra hlah hai seh,
19 thihnak an tong pang ding. Thihnak an ton lonak dingah Aaron le a fapa pawl an lut dingih an hnaòuan ding cu an thiah aw ding.
20 Asinan puithiam pawl in thil thianghlim pawl òhawn ding an ngaihtuah lai ah Kohath hrin pawl Puanthlam sungah lut in an zoh a si ahcun an thi rori ding,” tiah a ti.
Levi Miphun Gershon Hrin Pawl Ih Òuanvo
21 Bawipa in Moses hnenah,
22 “Levi phun, Gershon hrin pawl cu an sungkhat le an innsang ciarin mipum siar awla,
23 Bawipa umnak Puanthlam sungih hnaòuan theitu ding kum sawmthum le kum sawmnga karlak mipa hmuahhmuah cu cazin lak òheh aw.
24 Cule an phurh dingmi thilri pawl cu,
25 Puanthlam, a sung khuh le a leng khuh thawn, a par khuh saphaw òha bik le a sung luhnak sangka puanzar,
26 Puanthlam le biakòheng kulhnak ih hmanmi puanzar le hridai pawl, kulhnak sangka puanzar pawl le hi thilri pawl hrangih a òulmi thilterek pawl hmuahhmuah an si ding. Hi thilri pawl hrangih a òulmi hmuahhmuah cu an tuah pei.
27 Aaron le a fapa pawl in phurh ding le òuanvo an pekmi hmuahhmuah an òuan suaknak dingah Moses le Aaron nanmah rori in fel tein nan zoh ding.
28 A tlunlam bangtukin Puanthlam sungih òuanvo cu Gershon hrin pawl in an lak pei ih puithiam Aaron fapa Ithamar ho in an òuan pei.
Levi Miphun Merari Hrin Pawl Ih Òuanvo
29 Bawipa in Moses hnenah, “Levi phun Merari hrin pawl cu an sungkhat le an innsang ciarin mipum siar awla,
30 Bawipa umnak Puanthlam sungih hnaòuan theitu ding kum sawmthum le kum sawmnga karlak mipa hmuahhmuah cu an hmin cazin lak thluh aw.
31 Anmah cu Puanthlam ih tungtlang pawl, phartlang pawl, òhuam pawl, òhuam tawdam pawl le,
32 Puanthlam kulhnak òhuam pawl, òhuam tawdam pawl, hrisihnak fungkhen pawl, hridai pawl le hi thilri pawl hrangih a òulmi thilterek hmuahhmuah a phurtu an si pei. An hmin saal fekfek in an phurh dingmi ciar cu pek an si pei.
33 Puanthlam sungih Merari hrin pawl òuanvo cu a tlunlam bangtuk hi a si. Puithiam Aaron fapa Ithamar ih ho in an òuan pei,” tiah a ti.
Levi Phun Pawl Mipum Siarnak
34 Bawipa ih thupekmi thlun in Moses, Aaron le Israel miphun hruaitu pawl cun Levi hnam Kohath hrin pawl cu an sungkhat le an innsang ciarin mipum an siar ih,
35 Puanthlam sungih hnaòuan theitu ding kum sawmthum le kum sawmnga karlak mipa hmuahhmuah cu hmin cazin an lak òheh.
36 Hmin an lakmi minung zat cu thawnghnih zasarih le sawmnga an si.
37 Bawipa in Moses hnenih thupeknak bangtukin Kohath hrin pawl cu Moses le Aaron in mipum an siar ih Puanthlam sung hnaòuan theitu minung hizat an si.
38 Gershon hrin pawl cu an sungkhat le an innsang ciarin mipum an siar ih,
39 Puanthlam sungih hnaòuan theitu ding kum sawmthum le kum sawmnga karlak mipa hmuahhmuah cu hmin cazin an lak òheh.
40 Hmin an lakmi minung zat cu thawnghnih zaruk le sawmthum an si.
41 Bawipa in Moses hnenih thupeknak bangtukin Gershon hrin pawl cu Moses le Aaron in mipum an siar ih Puanthlam sung hnaòuan theitu minung hizat an si.
42 Merari hrin pawl cu an sungkhat le an innsang ciarin mipum an siar ih,
43 Puanthlam sungih hnaòuan theitu ding kum sawmthum le kum sawmnga karlak mipa hmuahhmuah cu hmin cazin an lak òheh.
44 Hmin an lakmi minung zat cu thawngthum le zahnih an si.
45 Bawipa in Moses hnenih thupeknak bangtukin Merari hrin pawl cu Moses le Aaron in mipum an siar ih Puanthlam sung hnaòuan theitu minung hizat an si.
46 Levi hrin pawl cu an sungkhat le an innsang ciarin mipum an siar ih,
47 Puanthlam sungih hnaòuan theitu ding kum sawmthum le kum sawmnga karlak mipa hmuahhmuah cu hmin cazin an lak òheh.
48 Hmin an lakmi minung zate cu thawngriat zanga le sawmriat an si.
49 Bawipa in Moses hnenih thu a pek bangtukin an òuan ding le an phurh dingmi òuanvo cu pakhat fingfing an pek. Moses hnenih Bawipa ih thupek vekin pakhat, pakhat in cazin ah an khum a si.