3
Aaron Ih Fapa Pawl
1 Bawipa in Sinai Tlang ah Moses hnenih thu a sim tikah Aaron le Moses ih tefa pawl cu a tanglam bangtukin an si.
2 Aaron in fapa pali a nei; upa bik cu Nadab a si ih a dang pawl cu Abihu, Eleazar, le Ithamar an si.Ref 3:2 Mipum 26:60;
3 Anmah cu puithiam òuan dingah hriakculhnak le kutsuannak ngahtu an si.
4 Asinan Nadab le Abihu cu Sinai nelrawn ah Bawipa ih hnenah a thianghlim lomi mei-ur thawinak an pek ruangah an pahnih in thah an tong. Fa pakhat hman an nei lo; curuangah an pa Aaron a nun sung hmuahhmuah cu Eleazar le Ithamar in puithiam hna an òuan.Ref 3:4 Pui 10:1, 2; Mipum 26:61;
Levi Mi Pawl Cu Puithiam Riantu An Si
5 Bawipa in Moses hnenah,
6 “Levi mi pawl cu puithiam Aaron hnenih um dingah le a hnaòuan dingah ratpi hai aw.
7 Ka umnak Puanthlam hrangih a òulmi, Israel misenpi le anmah puithiam pawl hrangih a òulmi hnaòuan pawl an òuan pei.
8 Puanthlam sungih ummi thilri pawl an kilkhawi pei ih Israel mi pawl hrangah biaknak hnaòuantu an si pei.
9 Israel mi sungin Levi mi pawl cu Aaron le a fapa pawl riantu dingah pek an si pei.
10 Asinan puithiam hnaòuan òuantu ding ahcun Aaron le a fapa pawl lawng an si pei. Zozo khal Aaron le a fapa pawl ih hnaòuan a òuan tumtu cu thah an si pei,” tiah a ti.
11 Bawipa in Moses hnenah,
12 “Atu ihsin Israel mi pawl ih fapatir hmuahhmuah ai ah Levi mi pawl cu ka lak pei ih keimah ih ta an si thlang ding.Ref 3:12 Suah 32:26-29;
13 Ziangahtile Izipt ram ah Izipt mi pawl ih fapa upa bik ka thah thluh tikah Israel mi pawl ih fapa upa bik hmuahhmuah le òilva pawl ih fatir hmuahhmuah cu ka thianhlimter ih keimah ih hrangah ka hammi an si. Atu ah Israel mi pawl fapatir ai ah Levi mi pawl ka lak a si.Ref 3:13 Suah 13:2; Keimah cu Bawipa ka si,” tiah a ti.
Levi Mi Pawl Mipum Siarnak
14 Sinai nelrawn ah Bawipa in Moses hnenah,
15 “Levi mi pawl cu an hrin ciar le an innsang ciarin thla khat le a tlunlam mipa hmuahhmuah mipum na siar pei,” tiah thu a pek.
16 Bawipa ih thupekmi bangtukin Moses cun a tuah.
17 Levi in fapa pathum a nei: Gershon, Kohath le Merari an si ih anmah cu an hrin ciar ih cithlahtu an si ruangah an hmin cu an hrin hmin ah an cangta.
18 Gershon in fapa pahnih a nei ih Libni le Shimei an si.
19 Kohath in fapa pali a nei ih Amram, Izhar, Hebron le Uzziel an si.
20 Merari in fapa pahnih a nei ih Mahli le Mushi an si. Anmah cu cithlahtu an si ih an hmin cu an hrin hmin ciar ah a cang.
21 Gershon cithlah ah hrin pahnih an um ih Libni hrin le Shimei hrin an si.
22 Mipa thla khat ti le a tlunlam hmuahhmuah mipum an siar tikah an zate in thawngsarih le zanga an si.
23 Hi hrin pawl cu nitlaknak lam, Puanthlam ih dunglam ah an riahbuk sak ding an si ih,
24 Lael fapa Eliasaf cu an lal a si.
25 Puanthlam an kilkhawi dingih a lenglam khuh siseh, a sunglam khuh siseh, Puanthlam luhnak sangka puanzar,
26 Puanthlam le biakòheng kimvel ih a ummi kulhnak puanzar pawl le kulhnak sangka puanzar tla a kiltu an si. Hi thilri pawl hrangih a òulmi hmuahhmuah òuantu ding an si.
27 Kohath cithlah ah hrin pali an um. Amram hrin, Izhar hrin, Hebron hrin le Uzziel hrin pawl an si.
28 Thla khat le a tlunlam mipa hmuahhmuah mipum an siar ih an zate in thawngriat le zaruk an si.
29 Hi hrin pawl cu Puanthlam ih thlanglam kapah an riahbuk an sak dingih,
30 Uzziel ih fapa Elizafan cu an lal a si.
31 Anmah cu Thukam Kuang, cabuai, meisa vannak tung, biakòheng pawl, Hmun Thianghlim ih puithiam pawl ih an hmanmi beelkheng pawl le Hmun Thianghlim Bik sangka puanzar pawl an kilkhawi ih hi thilri pawl thawn peh aw in òuan a òulmi hmuahhmuah a òuantu ding an si.
32 Levi mi pawl ih lal cu puithiam Aaron ih fapa Eleazar a si. Amah cu Hmun Thianghlim ih hnaòuantu pawl hotu a si.
33 Merari cithlah ah hrin pahnih an um. Mahli hrin le Mushi hrin an si.
34 Thla khat le a tlunlam mipa hmuahhmuah mipum an siar ih an zate in thawngruk le zahnih an si.
35 An hrin ih lal cu Abihail ih fapa Zuriel a si. Hi hrin pawl cu Puanthlam ih saklam ah an riahbuk an sak.
36 Anmah tla cu Puanthlam saknak thing pawl, phartlang pawl, a òhuam pawl, a tawdam pawl le innkil ih a pehtuah pawl an kilveng ih hi thilri pawl hrangih a òulmi hmuahhmuah an òuan ding.
37 Cuih tlunah a lenglam kulhnak hrangih òhuam pawl, a tawdam pawl, hri khihnak fungkhen pawl le hridai pawl tla an kilveng ding an si.
38 Moses le Aaron le a fapa pawl cu Puanthlam ih nisuahnak lamah an riahbuk an sak pei. Israel mi pawl hrangah Hmun Thianghlim ih tuah dingmi hnaòuan hmuahhmuah cu anmah in an òuan ding. Cuih hnaòuan cu midang pakhatkhat in òuan a tum asile thah a si ding.
39 Levi mi pawl, thla khat le a tlunlam mipa hmuahhmuah cu Bawipa ih thupeknak vekin Moses in an hrin ciarin mipum a siar tikah an zate in thawngkul hluanhnih an si.
Levi Pawl In Fapatir Ai An Awh
40 Bawipa in Moses hnenah, “Israel mi pawl ih fapa upa bik thla khat le a tlunlam hmuahhmuah cu an hmin rori in cazin lak thluh aw.
41 Keimah hi Bawipa ka si. Israel mi fapa upa bik hmuahhmuah ai ah Levi mi pawl cu ka ta dingah ka ham a si; cule Israel mi òilva ih fatir hmuahhmuah ai ah Levi mi pawl ih òilva pawl ka ham a si,” tiah a ti.
42 Moses in Bawipa ih thupekmi cu a thlun ih,
43 thla khat le a tlunlam fapa upa bik hmuahhmuah mipum a siar tikah an zate in thawngkul hluanhnih zahnih sawm sarih le pathum an si.
44 Moses hnenah Bawipa in,
45 “Israel mi pawl fapa upa bik ai ah Levi mi pawl cu ka ta dingah hlan awla, Israel mi pawl òilva ih fatir hmuahhmuah ai ah Levi mi pawl ih òilva cu i pe aw. Levi mi pawl cu ka ta an si ding. Keimah cu Bawipa ka si.
46 Cule Israel mi pawl ih fapa upa bik pawl cu Levi mi hnakin zahnih sawm sarih le pathum in an tam sawn a si ruangah a hleimi fapa pawl cu na tlen pei.
47 Hotu upa pawl ih an hman òheu vekin fapa pakhat cu ngun tangka fang nga in na tlen pei.
48 Cuih tangka cu Aaron le a fapa pawl hnenah na pek pei,” tiah a ti.
49 A ti vekin Moses in a thlun ih,
50 ngun tangka thawngkhat zathum sawmruk le fangnga a suah ih,
51 Aaron le a fapa pawl hnenah a pek.