26
Vei Hnihnak Mipum Siarnak
1 Natsia a reh hnuah Bawipa in Moses le Aaron fapa Eleazar hnenah,
2 “Israel misenpi, kum kul le a tlunlam, ralkap a òuan thei dingmi hmuahhmuah innsang pakhat hnu pakhat in mipum siarnak nan tuah pei,” tiah a ti.
3-4 Bawipa ih thupekmi cu Moses le Eleazar in an thlun ih kum kul le a tlunlam mipa hmuahhmuah hmunkhat ah an kokhawm. Jerikho kiang, Jordan Tiva ralih Moab hmunrawn ah an tongkhawm aw.
Izipt ram ihsin a suakmi Israel mi pawl cu a hnuailam bangtuk an si:
5 Reuben phunhnam ihsin (Reuben cu Jakob fapa upa bik a si): Hanok, Pallu,
6 Hezron le Karmi hrin pawl an si.
7 Hi hrin pawl sungah minung thawng sawmli thawngthum zasarih le sawmthum an kim.
8 Pallu ih tesinfa pawl cu Eliab le,
9 a fapa Nemuel, Dathan, le Abiram an si. Hi Dathan le Abiram cu misenpi ih hrilmi kha an si. Moses le Aaron ih thu an el ih Bawipa an dodal tikah Korah dungthluntu pawl hnenah an tel ve.
10 An dinnak ih leilung a kak ih a dolh thluh hai. Cule meisa in minung zahnih le sawmnga a ur that tikah Korah le a dungthluntu pawl hnenah an thi a si. Misenpi hrangah ralrinternak ah an cang.
11 Asinan Korah ih fapa pawl cu an thi lo.
12 Simeon hnam ihsin Nemuel, Jamin, Jakhin,
13 Zerah le Shaul hrin pawl an si.
14 Hi hrin pawl sungin minung thawng kul hluanhnih le zahnih an kim.
15 Gad hnam ihsin Zefon, Haggi, Shuni,
16 Ozni, Eri,
17 Arod le Areli hrin pawl an si.
18 Hi hrin pawl sungin minung thawng sawmli le zanga an kim.
19 Judah hnam ihsin (Judah fapa lakin pahnih, Er le Onan, cu Kanaan ram ah an thi zo):
20 Shelah, Perez, Zerah,
21 Hezron le Hamul hrin pawl an si.
22 Hi hrin pawl sungin minung thawng sawmsarih thawngruk le zanga an kim.
23 Issakhar hnam ihsin Tola, Puah,
24 Jashub le Shimron hrin pawl an si.
25 Hi hrin pawl sung ihsin minung thawng sawmruk thawngli le zathum an kim.
26 Zebulun hnam ihsin Sered, Elon, le Jahleel hrin pawl an si.
27 Hi hrin pawl sung ihsin minung thawng sawmruk le zanga an kim.
28 Josef hnam pawl ihsin fapa pahnih Manasseh le Efraim an si.
29 Manasseh hnam ihsin Manasseh fapa Makhir cu Gilead ih pa a si ih a tanglam hrin pawl cu Gilead ih cithlahmi an si.
30 Iezer, Helek,
31 Asriel, Shekhem.
32 Shemida, le Hefer hrin pawl an si.
33 Hefer fapa Zelofehad cu fapa a nei lo; fanu lawng a nei ih an hmin cu Mahlah, Noah, Hoglah, Milkah, le Tirzah an si.
34 Hi hrin pawl sung ihsin minung thawng sawmnga thawnghnih le zasarih an kim.
35 Efraim hnam ihsin Shuthelah, Bekher, le Tahan hrin pawl an si.
36 Eran hrin cu Shuthelah cithlahmi an si.
37 Hi hrin pawl sung ihsin minung thawng sawmthum thawnghnih le zanga an kim. Hi pawl cu Josef ih tesinfa, an hrin ciar ih cithlahmi an si.
38 Benjamin hnam ihsin: Bela, Ashbel, Ahiram,
39 Shefufam, le Hufam hrin pawl an si.
40 Ard le Naaman hrin pawl cu Bela cithlah an si.
41 Hi pawl cu Benjamin tesinfa sungin an hrin ciar ih cithlahmi an si; minung thawng sawmli thawngnga le zaruk an kim.
42 Dan hnam ihsin Shuham hrin an si.
43 Dan ih tesinfa pawl cu minung thawng sawmruk thawngli le zali an kim.
44 Asher hnam ihsin Imnah, Ishvi, le Beriah hrin pawl an si.
45 Heber le Malkhiel hrin pawl cu Beriah cithlahmi an si.
46 Asher in Serah timi fanu pakhat a nei.
47 Hi pawl cu Asher tesinfa an si ih an hrin sungin minung thawng sawmnga thawngthum le zali an kim.
48 Naftali hnam ihsin Jahzeel, Guni,
49 Jezer, le Shillem hrin pawl an si.
50 Hi pawl cu Naftali tesinfa pawl an si ih an hrin sungin minung thawng sawmli thawngnga le zali an kim.
51 An zate in Israel mi mipa hmuahhmuah cu thawng zaruk thawngkhat zasarih le sawmthum an si.Ref 26:1-51 Mipum 1:1-46;
52 Bawipa in Moses hnenah,
53 “An tam le an mal zoh in ram cu hi hrin pawl hi zem hai aw.
54-56 Ram cu camcawhfung zuk in òhen awla ramòhen tum deuh cu mi tam deuh hrin hnenah pe awla ramòhen fate deuh cu mi mal deuh hrin hnenah pe aw,” a ti.Ref 26:52-56 Mipum 34:13; Jos 14:1, 2;
57 Levi hnam ihsin Gershon, Kohath, le Merari hrin pawl an si.
58 A dang Levi hrin pawl cu Libni, Hebron, Mahli, Mushi le Korah cithlahmi an si. Kohath cu Amram ih pa a si ih,
59 Amram in Izipt ram ih a suakmi Levi ih fanu Jokhebed a òhi. Cule Jokhebed in Amram cu fapa pahnih Aaron le Moses le an farnu Miriam a hrin a si.
60 Aaron in fapa pali a nei ih Nadab, Abihu, Eleazar, le Ithamar an si.Ref 26:60 Mipum 3:2;
61 Nadab le Abihu cu Bawipa ih hnenah a thianghlim lomi thawinak an pek ruangah an thi zo.Ref 26:61 Pui 10:1, 2; Mipum 3:4;
62 Levi mi pawl cu mipa thla khat le thla khat tlunlam an zate in thawng kul hluanthlum an si. Levi mi pawl cu Israel ram sungah ram covo pekmi an si ve lo ruangah Israel midang pawl thawn rawi lo in a dang teih cazin lakmi an si.
63 Hi hrin pawl hmuahhmuah cu Moses le Eleazar in Jerikho kiang, Jordan Tiva ral Moab hmunrawnih Israel mi pawl mipum siarnak an tuah tikah cazin an lakmi pawl an si.
64 Moses le puithiam Aaron in Sinai Nelrawn ih cazin an rak lak lai ih minung pawl cu pakhat hman an tang nawn lo.
65 Bawipa in an zate in hramlak ramthing ah an thi òheh ding, a ti bangtukin Jefunneh fapa Kaleb le Nun fapa Joshua siar lo, an thi òheh ngaingai a si.Ref 26:65 Mipum 14:26-35;