24
Bawipa in Israel mi pawl thluasuah pe dingah i duh ti kha Balaam in a thei zo ih curuangah a hlan bangtukin aizingnak tla tuah dingah a feh nawn lo. Nelrawn lam ahcun a hoikir ih, Israel mi pawl a hrin a hrin ciar ih an riah kha a hmu. Pathian ih thlarau cu a hnenah a rung thleng ih, profet òongkam in hitiin a phuang:
“Beor fapa Balaam ih thuphuanmi,
Fiangte ih a hmu theitu pa ih
òongkam cu,
Pathian simmi a theitu pa ih
thucahmi cu.
Ka mit meng tahrat in ka hmu,
Ziangkimtithei Pathian ih langnak cu.
Israel mi pawl ih puanthlam cu
an mawi a si,
A tluantluan ih cinmi ungkung bangin,
Tiva kiangih hmuan pawl an bang,
Bawipa ih ciinmi khukthli vek,
Tidai kiangih sidar thing vek an si.
Vanruah cat lo in an ngah ding,
Tidai a ciapmi lo sungah
thlaici an tuh ding.
An siangpahrang cu
Agag hnakin a nasa deuh,
A ukmi ram cu a kau ngaingai.
Pathian in Izipt ram ihsin a suahpi,
An hrangah cawcang hrang
bangin a òang;
An ral pawl cu an dolh thluh,
An ruh an rialdip ih
an thal pawl an khiak òheh.
Israel cu a cak zetmi
kiosa bangtuk a si,
A ihthat lai ahcun zohman in
an òhang ngam lo.
Israel a thluasuahtu cu
thluasuah an si ve ding,
Israel a camsiattu cu
camsiat an si ve ding,”Ref 24:9 Sem 49:9; 12:3; a ti.
10 Cutikah Balak cu a thin hengin a kut a tum ih Balaam hnenah, “Ka ral pawl camsiat dingah ka lo ko; asinain vei thum rori thluasuah na pek a si. 11 Atu zamrang in na inn ah kir aw. Laksawng pe dingah ka lo tiam nain Bawipa in laksawng ngah ding cu a lo kham a si,” a ti.
12 Balaam in, “Ka hnenih palai na rak thlahmi pawl hnenih ka sim zo vekin, 13 na siangpahrang inn sungih a ummi sui le ngun a zate in i pek hmanah Bawipa ih thupekmi el tahrat in, a òha a sikhal le a sia a si khalle, keimah ih thu cun ka nung thei lo. Bawipa in sim dingih i fialmi lawnglawng ka sim ding a si,” a ti.
Netabik Balaam Òongmi
14 Balaam in Balak hnenah, “Atu cu ka minung pawl hnenah ka kir thlang ding. Asinan ka feh hlanah hmailam caan ah Israel mi pawl in na minung pawl parih an tuah dingmi hi ralrinnak ka lo sim cia duh a si,” a ti. 15 Cule a thokih profet òongkam in hitiin a òong:
“Beor fapa Balaam ih thuphuanmi,
Fiangte ih a hmu theitu pa ih
òongkam,
16 Pathian simmi a theitu le,
A Sang Bik ih a ummi hnen ihsin
fimnak a cotu in,
Ka mit meng tahrat in
Ziangkimtithei Pathian ih
langnak cu ka hmu;
17 Hmailam tikcu caan sung khi
ka hei zoh ih,
Israel miphun ka hei hmu a si.
Cuih miphun sung ihsin,
Arsi bangtukih a tleumi
Siangpahrang a suak ding.
Deirel arsi bangin Israel miphun sungin
a suak ding.
Moab hotu pawl cu a vuak hai dingih,
Seth mi pawl cu a vuakthlak hai ding.
18 Edom ram ih a ral pawl cu
a neh dingih,
An ram cu amah ih ta ah a cang ding.
Israel cu nehtu a si ringring ding.
19 Israel cun a ke hnuai ah
a pal hai dingih,
A luatmi lakih netabik tiangin
a that ding,” a ti.
20 Cule Balaam in langnak
a hmuhmi ah;
Amalek mi pawl a hmu ih
hitiin a phuang:
“Amalek cu miphun lakah
a cak bikmi a si,
Asinan netabik ahcun
kumkhua in a hloralta ding,” a ti.
21 Cun langnak a hmuhmi ahcun
Ken mi pawl a hmu ih
Balaam in hitiin a òong lala,
“Atu na umnak hmun cu
a him zet a si,
Khaam saangpi lungpi parih
vate bu vek a si;
22 Asinan nannih Ken mi pawl cu
nan cem ding,
Nan ral Assiria in
a lo kaih tikah cun,” a ti.
23 Cun Balaam in hitiin a òong:
“Saklam ih a tongkhawm
awmi pawl hi zoso an si?
24 Saipras ihsin mi dotu pawl
tangphawlawng in an ra ding.
Assiria le Eber an neh ding;
Asinan annih khal kumkhua in
an hloralta ding,” a ti.
25 Cule Balaam cu a tho ih a khua ah a tlung; Balak khal a tlung ve.