21
Kanaan Mi An Neh
1 Kanaan ram thlanglam kapih a ummi Kanaan siangpahrang Arad in Israel mi pawl Atharim lam in an ra ti a theih tikah a rak do ih a hrekkhat cu a kai.Ref 21:1 Mipum 33:40;
2 Cutikah Israel mi pawl in Bawipa ih hnenah, “Hi miphun pawl hi in nehter a si ahcun anmah siseh, an khua pawl siseh, nangmah hnenah kan lo hlan thluh dingih kan siatsuah thluh ding,”k 21:2 hlan thluh dingih siatsuah thluh ding: timi cu Pathian hnenih pek thluhmi cu hman ding a si nawn lo, siatsuah thluh ding a si tiin an rak zum. tiah siatcam in thu an kam.
3 Cumi cu Bawipa in a thei ih Kanaan mi pawl cu a nehter. Curuangah Israel mi pawl in Kanaan mi pawl cu an that thluh ih an khua pawl khal an siatsuah thluh. Cuih hmun cu Hormah l 21:3 Hormah: timi cu Hebru òong a si ih Siatsuahnak tican a si. tiah an ko tata.
Daar Ih Tuahmi Rul
4 Israel mi pawl cu Hor Tlang ihsin an feh ih Edom ram heel in Tipi Senm 21:4 Tipi Sen: timi hi a sim duhmi cu Aqaba Tipi a si sawn, tiin zumnak a um. lamin an feh. Asinan lam lakah an thin a òeu ih,Ref 21:4 Daan 2:1;
5 Bawipa le Moses an thangsiat. “Hitawk hmun, tidai le rawl um lonak ih thi dingah hin ziangahso Izipt ram ihsin in suahpi? Hi rawl siava pawl cun in ning tuk zo a si!” an ti.
6 Cutikah Bawipa in micuk hrang tur neimi rul pawl an lakah a suahter ih Israel mi tampi an cuk ih an thi.
7 Misenpi cu Moses hnenah an ra ih, “ Bawipa le nangmah kan lo dodal hi kan sual a si. Hi rul pawl hi cemter dingin Bawipa ih hnenah in dil sak hram aw,” tiah an ti. Cutikah Moses in misenpi hrangah thla a cam.
8 Cule Bawipa in Moses hnenah, “Rul tuah awla òhuam parah thlai aw. Rul ih a cukmi hmuahhmuah in cumi an zoh asile an nung ding,” tiah a ti.
9 A ti bangtuk cun Moses in daar rul cu a tuah ih òhuam parah a thlai. Rul cukmi pawl cuih daar rul zohtu hmuahhmuah in an nung.Ref 21:9 2 Siang 18:4; Joh 3:14;
Moab Phairawn An Thleng
10 Israel mi pawl cu an fehsal ih Oboth ah riahhmun an khuar.
11 Cule Oboth ihsin an fehsal lala ih Moab ram ihsin nisuahnak lam nelrawn ih a ummi Iye-Abarim ah riahhmun an khuar.
12 Cutawk ihsin an poksal ih Zered Phairawn ah riahhmun an khuar.
13 Zered Phairawn ihsin an fehsal lala ih Amor ramri tiang a kaumi nelrawn ah an thleng ih Arnon tiva saklam ah riahhmun an khuar. Arnon cu Moab mi le Amor mi pawl ih ramri a si.
14 Curuangah Bawipa Raldonak Cabu sungih: “Sufah pengah Waheb khua le a phairawn, Arnon Tiva le phairawn pawl;
15 horkuam lo tlang pawl in Ar khua tiang, Moab ramri tiangin,” tiih a umnak cu a si.
16 Cutawkin an feh ih Bawipa in Moses hnenah, “Misenpi pawl cu kokhawm awla tidai ka pek hai ding,” a tinak Tikhur timi hmun ah an riak.
17 Cuih caan ahcun Israel mi pawl in a tanglam hla hi an sak:
“Maw tikhur, na tidai suah awla;
Hla in kan lawm ding.
18 Hi tikhur cu lal pawl le,
mipi hotu pawl ih laihmi a si.
Lal pawl in an fung an hmangih,
Hotu pawl in an kianghrol
an hmang a si,” tiin an sak.
Cuih phairawn ihsin Mattanah ah an òhawn ih,
19 cutawk ihsin Nahaliel ah, Nahaliel ihsin Bamoth ah,
20 cule Bamoth ihsin Moab ram phairawn Pisgah Tlang zik hnuai nelrawn vun hmuh theinak ah an òhawn.
Siangpahrang Sihon Le Og An Neh
(Daan 2:26-3:11)
21 Cule Israel mi pawl cun Amor siangpahrang Sihon hnenah palai an thlah ih,
22 “Na ram sungin in fehter hram aw. Kanmah siseh, kan òilva siseh, lamzinpi in kan pial lo ding. Na lo ah siseh, na sabit hmuan ah siseh, kan lut lo ding. Na tikhur ih tidai khal kan in lo ding. Na ram kan lan lai hlan lo lamzinpi lawnglawng in kan feh ding,” tiah an sim.
23 Sikhalsehla Sihon in Israel mi pawl ih a ram an pal ding cu a siang lo. A ralkap pawl a kokhawm ih Jahaz phairawn ah an feh ih Israel mi pawl cu an do.
24 Asinan an doawknak ah Israel mi pawl cun tampi an that ih an ram cu Arnon Tiva in saklam ih Jabbok tiang, cuticun Ammon ramri tiang, an lak òheh.
25 Cutiin Israel mi pawl in Amor mi ih khuapi pawl, Heshbon le a kiangih khua pawl tla an lak ih an luah òheh.
26 Heshbon cu Amor siangpahrang Sihon umnak khuapi a si. Sihon cu a hlanih Moab siangpahrang a rak nehtu le a ram hmuahhmuah Arnon Tiva tiang a rak long òhehtu a si.
27 Curuangah hla phuahtu pawl in:
“Heshbon ah ra uh, Sihon khuapi ah,
Dinsalmi khuapi ah cang seh.
28 Hi Heshbon khuapi in an rak suak,
Meisa bangin Sihon ralkap pawl cu,
Moab mi khuapi Ar an siatsuah,
An ur òheh Arnon hmunsang pawl cu.
29 Riahsiatza nan si, Moab mi pawl,
nan cem a si, Khemosh betu pawl.
Nan khawzing in a faale pawl cu
raltlan ah a lo canter ih,
Nunau pawl cu Amor siangpahrang
sal ah a lo canter a si.Ref 21:28-29 Jer 48:45-46;
30 Atu ah an tefa pawl cu
siatsuah thluh an si,
Heshbon in Dibon thleng tiang,
Nashim in Medeba kiang
Nofah khua tiang,” an ti.
31 Cuticun Israel mi pawl in Amor mi pawl ih ram cu an luah ih an um.
32 Cule Moses in Jazer khuapi donak lamzin zohtu dingah mi a thlah. Israel mi pawl cun Jazer khuapi le a kiangkap ih khua pawl cu an neh ih cutawkih a ummi Amor mi pawl cu an dawihlo òheh.
33 Cule Israel mi pawl cu an kir ih Bashan lamah an feh. Cutikah Bashan siangpahrang Og cu Israel do dingah a ralkap thawn Edrei ah òanhmun an khuar.
34 Bawipa in Moses hnenah, “Hi siangpahrang cu òih hlah. Amah le a minung pawl le a ram tlunah nehnak ka lo pe ding. Heshbon bawi, Amor miphun siangpahrang Sihon hnenih na tuah vekin hi Bashan siangpahrang Og tlun khalah na tuah ding,” tiah a ti.
35 A ti vek cun Israel mi pawl in Og le a fapa pawl le a ramsung minung, pakhat hman tang lo in an that òheh ih an ram cu an luah òheh a si.