16
Korah, Dathan Le Abiram In Moses An Dodal
Levi hrin Kohath sungkhat Izhar ih fapa Korah cu a fim awter ih Moses a dodal. Amah cu Reuben hrin Eliab ih fapa pahnih Dathan le Abiram, le Peleth ih fapa On in an thlun.Ref 16:1 Jud 11. Cuih tlunah misenpi ih hrilmi mi hminthang Israel mi zahnih le sawmnga pawl khalin an thlun. Moses le Aaron hmai ahcun an ra ih, “Nan luantuk a si! Kan zate in Bawipa ta kan si ih Bawipa cu kan zate hnenah a um a si. Ziangahso Bawipa ih minung pawl ih tlunah nan cuan hleice?” tiah an zuam hai.
Cumi cu Moses in a theih tikah leilung ah bok tahrat in thla a cam. Cule Moses in Korah le a dungthluntu pawl hnenah, “Thaizing ah Bawipa in amah ih minung a simi cu in hliah ding; amah ih minung a simi le amah hrangih a hril cia mi pawl cu biakòheng ah a ratter ding. Thaizing zingpit ah nangmah le na dungthluntu pawl in mei laknak kheng nan keng pei; meiling nan lak pei ih a parah rimhmui nan ret hnuah biakòheng ah nan keng pei. Cutikah zoso Bawipa in, in hril, ti cu kan hmu ding. A luan tukmi cu nanmah Levi mi sawn nan si,” tiah a ti.
Cuih tlunah Moses in Korah hnen ahcun, “Levi fapa pawl, ngai uh! Amah kiangih nan rat theinak dingah le Bawipa ih Puanthlam sungih hnaòuantu nan sinak dingah le misenpi hrangih hna nan òuannak dingah Pathian in Israel misenpi sung ihsin a dangte ih a lo hrilnak hi thil tenau ah maw si nan ruat? 10  Bawipa in amah ih kiangih naihtu dingah nangmah le Levi mi pawl cu a lo hril zo a si. Atu ah puithiam hnaòuan laak nan tum lala! 11 Aaron parih nan phunzai hi a ngaingai cun nangmah le na dungthluntu pawl in Bawipa nan dodal a si,” a ti.
12 Cule Moses in Dathan le Abiram cu a ko, asinain annih in, “Kan ra lo ding. 13 Hitawk ramòhing le ramcar lakih thi dingah Izipt ram, cawhnawi le khuaitizu a luannak ram ihsin in suahpi hi a tawk zo lo maw si? Cuih tlunah maw kan tlunih na bawi duh hrih? 14 Cawhnawi le khuaitizu in a khatmi ram cu in thlenpi lo ih, lo le sabit hmuan khal kan co dingah in pe fawn lo; a bum lawnglawng in tum rero a si lo maw? Kan ra naisai lo ding,” tiah an ti.
15 Cutikah Moses cu a ai a thok ih Bawipa ih hnenah, “Himi pawl ih an lo pekmi thawinak pawl cu zianghman sang hlah aw. An laak pakhatte hman ka lak sak dah lo. Ka tisiatmi pakhat hman an um hrih lo,” tiah a ti.
16 Cule Moses in Korah hnenah, “Thaisun ah nangmah le a lo thluntu minung zahnih le sawmnga cu Bawipa ih Puanthlam ah nan ra pei. Cunah Aaron khal a ra ve ding. 17 Mei laknak kheng nan keng ciar pei ih a parah rimhmui nan ret hnuah Bawipa ih mithmuh ah nan pek pei,” a ti. 18 Curuangah an mei laknak kheng cu an keng ciar ih meiling an ret hnuah a parah rimhmui cu ret in Puanthlam sangka ahcun Moses le Aaron thawn an ding. 19 Cun Korah in misenpi pawl cu a kokhawm ih Puanthlam sangka ah Moses le Aaron hmaihoih in an ding. Cule hmakhat teah Bawipa ih huham cu tleunak in misenpi hnenah a rung lang ih, 20 Moses le Aaron hnenah Bawipa in, 21 “Nannih cu dungah siip uhla himi pawl hi atu rori ah ka siatsuah thluh hai ding,” a ti.
22 Asinan Moses le Aaron cu leilung ah an bok ih, “Maw Pathian, nang cu nunnak hmuahhmuah ih hramòohnak na si. Mi pakhat a sual tikah misenpi parah na thin a heng ding maw?” tiah an ti.
23 Cutikah Bawipa in Moses hnenah, 24 “Senpi pawl cu Korah, Dathan le Abiram pawl ih deuthlam ihsin òhawn dingah sim hai aw,” a ti.
25 Cule Moses cu Israel hotu pawl in an thlun ih Dathan le Abiram hnenah an feh. 26 Cule misenpi hnen ahcun, “Hi misuaksual pawl ih deuthlam ihsin tlan uh; an thilri zianghman a dai in dai hlah uh. Culole an sual ruangah anmah thawn nannih khal siatsuah thluh nan si ding,” a ti. 27 Curuangah Korah, Dathan, le Abiram ih deuthlam ihsin misenpi pawl cu an tlan.
Dathan le Abiram cu an nupi le an faate pawl thawn an ra suak ih an deuthlam sangka ah an ding. 28 Cule Moses in senpi hnen ahcun, “Hi thil tuah dingah Bawipa in i thlah. Keimah ih duhnak in ka tuahmi a si lo, ti cu himi hin nan thei ding. 29 Hi minung pawl hi Pathian hnen ihsin hremnak zianghman tong lo in mahte thih ih an thih a si ahcun Bawipa ih thlahmi ka si lo ding. 30 Sikhalsehla leilung par minung ih theih dah lomi thil Bawipa in a tuah ih leilung kak in an neihmi zate thawn a dolh thluh hai ih an nungcung in mithi khua Sheol g 16:30 Sheol: timi hi Israel mi pawl in leilung hnuai khawthimnak ah mithi pawl an um tiin an zum ih mithi khua tican a si. ah an feh a si ahcun hi minung pawl in Bawipa an hnon ruangah a si, ti nan thei ding,” a ti.
31 Cutiih a ti òheh ve tein Dathan le Abiram an dinnak leilung cu a kak ih, 32 anmah le an innsang pawl le Korah dungthluntu pawl le an thilri hmuahhmuah pawl thawn a dolh thluh. 33 Cuticun an nungcung in an thilri pawl thawn mithi khua ah an lut. An tlunih leilung cu a ciipawsal ih an hlota. 34 An òah le an ai kha cutawk kiangkap ih Israel mi pawl in an theih tikah an tlan ciamco ih, “Tlan uh, zam uh; leilung in, in dolh thluh ve ding,” tiah an au ciamco.
35 Cule Bawipa in mei-alh a run thlak ih rimhmui thawinak a petu zahnih le sawmnga pawl cu a kang that òheh.
Mei Laknak Kheng
36 Cule Bawipa in Moses hnenah, 37 “Puithiam Aaron ih fapa Eleazar cu sim awla mei laknak darkheng pawl cu a thianghlimmi a si ruangah meisa ih a kang thatmi miruak vutcam umnak ihsin kheng pawl cu lak in meiling pawl cu hmundang ah òhekdarh thluh seh. 38  Bawipa ih biakòheng ih peknak an tuah tikah hi kheng pawl cu thilri thianghlim ah an cang a si. Curuangah an sual ruangih thihnak a tuartu pawl ih mei laknak kheng cu la awla pakan bangtukin peer ko in deng aw. Cule biakòheng khuhah tuah aw. Israel mi pawl in ralrinnak ah an hmang ding,” tiah a ti. 39 A ti bangtukin puithiam Eleazar in mei laknak kheng pawl cu a lak ih pakanper ah a deen ih biakòheng khuhah a tuah. 40 Himi cu Aaron hrin siar lo zohman Bawipa ih biakòheng ah ra tahrat in rimhmui an ur thei lo pei, ti ralrinternak a si. A tuahtu an um asile Korah le a minung pawl vekin siatsuah an tong ding a si. Moses hnenih Bawipa ih thupek bangtukin hi a tlunih tuah ding pawl cu Eleazar in a tuah òheh.
Aaron In Misenpi A Run
41 A thai sun ah Israel misenpi pawl cu Moses le Aaron parah an phunzai ih an hnenah, “Nanmah in Bawipa ih minung hrekkhat pawl nan that a si,” an ti. 42 An tongkhawm aw ih Moses le Aaron parih an phunzai thluh hnuah Puanthlam lam an hei zoh ih mero in Puanthlam cu a tuam ih Bawipa ih huham tleu a lang kha an hmu. 43 Cutikah Moses le Aaron an feh ih Puanthlam hmai ahcun an ding ih, 44  Bawipa in an hnenah, 45 “Hi minung pawl hnen ihsin dungah siip uh; hmakhat teah ka siatsuah thluh hai ding,” a ti.
Cutikah leilung ah an bok ih, 46 Moses in Aaron hnenah, “Na mei laknak kheng keng awla a sungah biakòheng ih meiling ret in meilingvam parah cun rimhmui thlak aw. Cule misenpi hnenah zamrang in feh awla an hrangah mawhnak thawinak tuah aw. Zamrang aw! Bawipa ih thinhennak a thok zo ih pulhnat a thleng zo a si,” tiah a ti. 47 A ti vek cun Aaron in a tuah ih a mei laknak kheng a keng ih misenpi lak ahcun a va tlan. Pulhnat in an na zo, ti a hmuh tikah khulrangin meilingvam parah rimhmui cu a thlah ih misenpi hrangah mawhnak thawinak cu a tuah. 48 Cumi in pulhnat cu a rehter ih mithi le minung karlak ah Aaron cu a ding. 49 Korah ralthawh òum ih a thimi pawl siar lo in hi pulhnat ih a thimi cu thawng hleili le za sarih an si. 50 Pulhnat a reh tikah Aaron cu Puanthlam sangka kiang Moses hnen ahcun a kirsal.