12
Miriam Hremnak A Tuar
1 Hazeroth ih an um lai ahcun, Moses in Kush nunau a òhit; curuangah Miriam le Aaron in Moses cu an thangsiat.
2 Annih in, “ Bawipa cu Moses hnen lawng in maw thu a sim? Kannih hnenin teh a sim ve lo maw si?” an ti. Cutiih an ti cu Bawipa in a thei òheh.
3 Moses cu mitangdor zetmi a si ih leilungtlun ah amah tluk mitangdor zohman an um lo.
4 Hmakhat teah Bawipa cun Moses le Aaron le Miriam hnenah, “Nan pathum in ka umnak Puanthlam ah ra hnik uh,” a ti. An va feh ih,
5 Bawipa cu mero zual sungin a runglang ih Puanthlam sangka ahcun a ding ih, “Aaron! Miriam!” tiah a ko. An pahnih cun hmaiah an va suak ih,
6 Bawipa in, “Ka òong hi ciing òha uh! Nanmah lakih profet an um tikah an hnenah langnak in ka lang ih an mang ah thu ka sim.
7 Sikhalsehla Moses cu ka miphun Israel mi pawl kilkhawitu ah òuanvo ka pek ruangah,Ref 12:7 Heb 3:2;
8 anih hnen ahcun hmaitonte rori in ka òong a si; thupolh in ka òong lo, fiang zet le tluang zet in ka òong a si. Ka pianhmang hman a hmu zo a si. Cutluk ih ka milai a simi Moses cu ziangtinso nan thangsiat ngam?” tiah a ti.
9 Bawipa cun an parah thinheng ngaingai in a feh santa.
10 Cule mero cu Puanthlam ihsin a hlit ih, cu ve tein Miriam cu phaarnat in a khat ih a vun tla cu vur bangin a raang thluh. Aaron in Miriam cu a zoh ih phaarnat in a khat òheh a si, ti a hmu.
11 Cutikah Aaron in Moses hnenah, “Ka bawipa, in zangfah hram awla, aatthlakza thil sual kan tuah zo nain kan sualman cu in tuarter siang hram hlah aw.
12 A thicia in a nu ih pumsung in a suak ih a taksa hrekkhat a òawt thluh zomi naute bangtuk ah Miriam cu canter hram hlah aw,” tiah a dil.
13 Cutikah Moses in Bawipa cu a ko ih, “Maw Bawipa, zangfah tein Miriam hi run damter hram aw,” tiah a dil.
14 Bawipa in, “Thuòhimnak ah a pa in a fanu ih hmai cil in phui sehla, ni sarih sung ningzak in a um ding a si lo maw? Cubangin nan riahhmun lengah Miriam cu ni sarih sung suah uh,Ref 12:14 Mipum 5:2, 3; cuih hnuah nan laksal leh ding,” a ti.
15 A ti bangin Miriam cu an riahhmun lengah ni sarih sung an suah ih an lak kirsal hlan lo misenpi cu òhawn lo in an um.
16 Cuih hnuah Hazeroth hmun ihsin an suak ih Paran hramlak ramòhing ah riahhmun an khuar.