11
Taberah Timi Hmun
Israel mi pawl harsatnak an tuar ruangah Bawipa ih parah an phunzai ciamco. Cutiih an phunzainak cu Bawipa in a theih tikah a thin a heng ih an parah mei-alh a run thlak. An lakah meisa cu a alh ih an riahnak kap hmunkhat a kang ciamco. Misenpi cu bomnak dil in Moses hnenah an au. Moses cun Bawipa ih hnenah thla a cam ih meisa cu a mitsal. Cutiin Bawipa ih meisa an lakih a alh ruangah cuih hmun cu Taberahd 11:3 Taberah: ti cu Hebru òong a si ih meisa alh tican a si. tiah an ko.
Moses In Hruaitu Sawmsarih A Hril
Israel mi pawl lakih a feh vemi ramdangmi hrekkhat cu sa an hiar ngaingai. Anmah Israel mi lala khal cu an tlok an ciar ih, “Sa ei ding um sehla maw! Izipt ram ahcun ngasa tla a lak in kan ngah sikhawh. Kan ei òheumi fanghma pawl, kawl fanghma pawl, tlang purun pawl, khasuansen le khasuanrang pawl tla kan vun ngai ringring. Asinan atu ahcun kan tha a cem; kan car cuahco. Ei ding zianghman a um lo; nikhat hnu nikhat manna lawnglawng, manna lawnglawng,” an ti.
Manna cu thlaici fate vek a si ih a pian zia cu a raang nawn, aihre nawn a si. A cuih manna cu Israel misenpi pawl in an va khawm ih phut ko in an rial, asilole sum ah an den ih an suan hnuah sangphak ah an tuah. A thawtdan cu olif siti thawn rawhmi sang vek a si.Ref 11:7, 8 Suah 16:31; Manna cu an riahhmun ih zandai a tlak tikah a tla vemi a si.Ref 11:9 Suah 16:13-15;
10 Misenpi pawl an riahbuk sangka ciar ah ding tahrat ih an phunzai rero kha Moses in a thei. Bawipa cu an parah a thin a heng. Moses cu a riah a sia ngaingai ih, 11  Bawipa ih hnenah, “Zianghrangah so na salpa kei hi hiti lawmmam ih i ti siat? Ziangahso na mithmai òha ka co thei lo? Ziangahso hi minung pawl kilkhawi ding thilrit hi ka phurh dingah ka parih na thlenter? 12 Hi minung pawl hringtu ka si lo ih semtertu khal ka si lo. Nau umtu in naute a baan ih a cawi ringring vekin ziang hrangah so hi minung pawl hi an pupa pawl hnenih na kam cia mi ramtiam tiang cawi dingah i fial? 13 Minung hizat hrangah hin sa cu khuitawk in so ka laak cawk ding? Cat lo in an raak an kio ih sa an ngen ringring fawn. 14 Fiang tein ka lo sim: Minung hizat hrangah keimah lawng cun òuanvo ka la cawk lo a si. Ka thil a rit tuk. 15 Hiti thotho ding a si ahcun i ti siatnak ihsin ka luat theinak dingah i zangfah awla hmakhat teah i that lawlaw aw,” tiah a dil.
16 Cutikah Bawipa in Moses hnenah, “Misenpi lakih rinsan tlak le zum tlak hruaitu sawm sarih ko khawm in ka umnak Puanthlam ah ratpi hai awla na kiangah ding hai seh. 17 Ka rung òum pei ih nangmah thawn kan bia aw dingih ka lo pek cia mi thlarau cu na hnen ihsin a hrekkhat ka la pei ih an hnenah ka pe ding. Cuticun hi misenpi pawl kilkhawinak thilrit cu an lo sawng pei ih nangmah lawngin na phur nawn lo ding. 18 Curuangah misenpi pawl cu, “Thaisun hrangah thianfai aw hai seh; sa ei ding nan ngah thlang ding. Nan òahnak le sa ei nan hiar ih nan ngennak le, “Izipt ram ahcun sa kan khop zet nain, nan tinak pawl cu Bawipa in a thei a si. Atu ah Bawipa in sa a lo pe hai dingih sa ei ding nan ngah thlang ding. 19 Sa ei ding cu ni khat, ni hnih, ni nga, ni hra, asilole ni kul sung lawng si lo in, 20 a lo ngei ih nan luak a suak neknek tiangin thla khat pumhlum sung nan ei ding. Ziangahtile Bawipa Pathian nan hnong ih a theih hngan rori ah Izipt ram ihsin rak suak lo ding kan si nain, tiih nan phunzai ruangah a si,” tiah sim aw,” a ti.
21 Cule Moses in Bawipa ih hnenah, “Atu tiang ka hruaimi misenpi hi thawng zaruk an si. Thla khat sung an khop ei dingah sa ka pe hai ding na ti maw? 22 Caw le tuu pawl an khop in thah ding a um cawk ding maw? Tifinriat ih nga hmuahhmuah hman an khop pei maw?” tiah a ti.
23 Cutikah Bawipa in, “Ka huham le ka cahnak hin ti thei lomi a nei maw si? Ka òong vekih a can ngaingai le can ngaingai lo cu rei lo teah na hmu mai ding,” tiah Moses cu a ti.
24 Cule Moses cu a suak ih Bawipa ih simmi pawl cu misenpi hnenah a simsal. Hruaitu sawm sarih pawl cu Puanthlam kimvel ahcun a pumkhawmter. 25 Cutikah Bawipa cu mero sungin a rung ih Moses hnen ahcun thu a run sim. Moses hnenih a pek zomi thlarau hrekkhat cu a lak ih hruaitu sawm sarih pawl hnenah a pek. An hnenih thlarau a thlen vete cun profet vekin an òong celcel. Asinan cumi cu a rei hlanah a rehsal.
26 Hruaitu sawm sarih lakih a tel vemi pahnih Eldad le Medad cu Puanthlam ah feh lo in an riahnak ah an rak um. Cutawk an riahbuk ahcun an hnenah thlarau cu a thleng ih hmakhat teah profet vekin an òong ciamco ve. 27 Eldad le Medad umdan cu tlangval pakhat in a hmu ih a va tlan ih Moses a va sim.
28 Cutikah a no lai ihsin Moses bawmtu a si ringringmi Nun ih fapa Joshua cun Moses hnenah, “Ka bawipa, cute pahnih cu kham hai aw,” tiah a ti.
29 Moses in, “Ka hrangah ziang a cang pei ti lawng na ruat maw si? Aw, Bawipa in a minung pawl ih parah a thlarau cu thlengter in an zate in profet bangin òong thluh hai sehla ti ka va duh so!” tiah a ti. 30 Cuih hnuah Moses le Israel hruaitu sawm sarih pawl cu an riahnak ah an tlung.
Bawipa In Vanim A Suahter
31 Rin lopi ah Bawipa in thli a hranter ih tifinriat lam in vanim pawl cuih thli cun leilung ihsin pi thum sangin a rak hranpi ih an riahhmun ihsin nisuahnak lam, nitlaknak lam, saklam, thlanglam, ni khat thlen ban sung hmuahhmuah cu vanim hlir an ril teptep. 32 Curuangah misenpi pawl cu a cuih sun in a thai sun tiang a sun a zan it lo siing lo in vanim an khawm. Minung pakhat hman haan sawmnga hnakih mal sartu an um lo. An riahhmun ih kimvel ah car dingin an pho ciamco. 33 Sikhalsehla an vanimsa a cem hlan, ei ding tampi an neih lai ah, misenpi parah Bawipa cu a thin a heng ih an parah pulhnat a tlunter. 34 Sa a hiartu mi tampi cu cutawkah phum an si ruangah cutawk hmun cu Hibroth Hataavah tiah an ko; a tican cu Hiarnak Thlan ti ai a si.
35 Cutawk ihsin misenpi cu an suak ih Hazeroth an timi an thleng ih cutawkah riahhmun an khuar.