MIPUM SIARNAK
(Numbers)
Thuhmaihruai
Mipum Siarnak cabu hin Israel pawl Sinai tlang an liam hnu nisuahnak ramri Pathian ih ramtiam an thlen tiang kum sawmli hrawng an vahvaihnak thuanthu kha a sim. A cabu hmin hi Sinai Tlang ihsin an pawhsuak hlan Moses ih mipum siarnak le cuih hnu sankhat hnuah Jordan nisuahnak Moab ram ih mipum siarnak thuhla laak ih sakmi hmin a si. Hi mipum siarnak vei hnih karlak ahhin Israel pawl cu Kanaan ram thlanglam ih um Kadesh Barnea ah an thleng. Cutawk zawn ihsin ramtiam ram ih luh an tum nain an hlawhtling lo. Cutawk sehvel ahcun kum tampi an um hnuah Jordan Tiva ralkhat tlangtluan ah an feh. Cutawk ihsin a hrekkhat cu tiva tan in Kanaan ram lut dingah an timtuah, asinain a hrekkhat cu a cutawk hmun ahcun khua an to cih.
Mipum Siarnak cabu hi harsatnak ton tikah òih le phangin an bei a dong òheu ih tlunah anmah hruaitu dingah Pathian ih hrilmi Moses le Pathian amah hrimhrim rak dodal òheutu miphun pawl ih thuhla ngannak a si. Himi hi a miphun pawl thazang der in a thu rak ngai òheu lo hman hai sehla rinsan tlak le thinsaute in a minung a rak tuamhlawmtu Pathian ih thuanthu le a caancaan ah thintawi òheu hmansehla thinlung hngetkhoh zet in Pathian le a miphun hnenah pum a pe awtu Moses ih thuanthu a si.
1
Hmaisabik Mipum Siarnak
1 Israel mi pawl Izipt ram ihsin an suah hnu kum hnihnak a thla hnihnak ih ni hmaisabik ni ah, Sinai Nelrawn ih ummi Pathian umnak Puanthlam sungah Bawipa in Moses hnenah thu a sim. A thusimmi cu hitiin a si:
2 “Nangmah le Aaron in Israel mi pawl cu an hrin ciar le an innsang ciarin mipum nan siar pei. Kum kul le a tlunlam mipa,
3 ralkap a òuan thei dingmi hmuahhmuah cu an hmin cazin lak uh.
4 A lo bawmtu dingah hrinkhat ihsin an lal ciar sawm uh.
5 Cuih an lal ciar cu a tanglam bangtukin an si:
Reuben hrin ihsin Shedeur fapa Elizur,
6 Simeon hrin ihsin Zurishaddai fapa Shelumiel,
7 Judah hrin ihsin Amminadab fapa Nahshon,
8 Issakhar hrin ihsin Zuar fapa Nethanel,
9 Zebulun hrin ihsin Helon fapa Eliab,
10 Josef fapa pawl: Efraim hrin ihsin Ammihud fapa Elishama,
Manasseh hrin ihsin Pedahzur fapa Gamaliel,
11 Benjamin hrin ihsin Gideoni fapa Abidan,
12 Dan hrin ihsin Ammishaddai fapa Ahiezer,
13 Asher hrin ihsin Okhran fapa Pagiel,
14 Gad hrin ihsin Deuel fapa Eliasaf,
15 Naftali hrin ihsin Enan fapa Ahira.
16 A tlunih lal pawl cu an hrin ciar ah hotu an si ih mipum siar hnaòuantu dingah hrilmi an si,” tiah a ti.
17 Hi lal hleihnih pawl cu Moses le Aaron in an sawm ih,
18 thlahnihnak ni hmaisabik ni ah Israel mi pawl cu an zate in an kokhawm a si. Israel mi zate in an hrin ciar le an innsang ciar in mipum cazin an lak ih Bawipa ih thupekmi bangtukin,
19 kum kul le a tlunlam mipa hmuahhmuah cu an siar ih an hmin an khum òheh.
Sinai Nelrawn ahcun Moses in Israel mi pawl mipum cazin cu a lak.
20 Ralkap a òuan thei ding mipa kum kul le a tlunlam pawl cu an hmin rori in, Jakob fapa upa bik Reuben hrin ih thok in an hrin le an innsang fekfek ciar in, cazin ah an khum. Mipum cazin an lakmi zat cu a tanglam bangtuk a si:
21 Reuben hrin ihsin thawng sawmli thawngruk le zanga,
22-23 Simeon hrin ihsin thawng sawmnga thawngkua le zathum,
24-25 Gad hrin ihsin thawng sawmli thawngnga, zaruk le sawmnga,
26-27 Judah hrin ihsin thawng sawmsarih thawngli le zaruk,
28-29 Issakhar hrin ihsin thawng sawmnga thawngli le zali,
30-31 Zebulun hrin ihsin thawng sawmnga thawngsarih le zali,
32-33 Efraim hrin ihsin thawng sawmli le zanga,
34-35 Manasseh hrin ihsin thawng sawmthum thawnghnih le zahnih,
36-37 Benjamin hrin ihsin thawng sawmthum thawngnga le zali,
38-39 Dan hrin ihsin thawng sawmruk thawnghnih le zasarih,
40-41 Asher hrin ihsin thawng sawmli thawngkhat le zanga,
42-43 Naftali hrin ihsin thawng sawmnga thawngthum le zali.
44-46 An zate ih kom tikah thawng zaruk thawngthum zanga le sawmnga an si.Ref 1:1-46 Mipum 26:1-51;
47 Sikhalsehla Levi hrin pawl cu mipum siarnak ah telhcih an si lo,
48 ziangahtile Bawipa in Moses hnenah,
49 “Israel mi pawl ralkap òuan thei ding mipum nan siar tikah Levi mi pawl cu telhcih hlah uh,” tiih a rak ti ruangah a si.
50 Cuih tlunah Bawipa in Moses hnenah, “Levi mi pawl cu ka Puanthlam le a sungih hmanmi thilri pawl kilkhawitu ah re hai aw. Puanthlam le a thilri pawl cu anmah in an phur pei ih òha tein an zoh pei; an riahbuk khal Puanthlam ih kimvel ah an sak pei.
51 Nan riahnak nan òhawn tikah Levi mi pawl in Puanthlam cu an òhet pei ih riahnak hmun a thar ih nan khuar tikah cutawkah anmah thotho in an saksal pei. Midang zokhal Puanthlam kiangkap ih an rat asile thah an si pei.
52 Israel mi pawl cun a bur a bur in an riahbuk cu an sak pei ih zozo khal anmah ih hrin ciarin anmah ih thantar hnuai ciar ah an sak pei.
53 Asinan Puanthlam kiangkap ah zohman an rat lonak dingah le ka thinhennak cu Israel mi pawl parih a thlen lonak dingah Levi mi pawl cun Puanthlam kimvel ah an riahbuk an sak pei ih an kilveng pei,” tiah a ti.
54 Bawipa in Moses hnenih thu a pek bangtukin Israel mi pawl cun an tuah thluh.