8
Ezra In Daan Cabu A Siar
1 Thla sarih thla ah Israel mi pawl cu an khua ciar ah an um òheh. Cuih thla ni khat ni ah lungrual zet in Jerusalem khua, Tidai Kotka hmaiah an tongkhawm aw. Cule Daan cabu la dingah Ezra an fial. Ezra cu puithiam a si ih Bawipa in Israel mi hnenah Moses kut sungin a pekmi Daan thuhla a thei zetmi pa a si.
2 Ezra in Daan cabu cu a lak ih misenpi an khawmnak hmun ahcun a feh. Cutawkah nunau, mipa le thu ciingthei hmuahhmuah an zate in an khawm aw thluh.
3 Kotka kiang mualrawn ah Ezra in Daan cabu cu zinglam khawfingcah in sun tiang ring zet in a siar ih misenpi pawl cun òha zet in an ngai.
4 Cuti siarnak hrangih an donmi donhleisang parah Ezra cu a ding. A vorhlam ah Mattithiah, Shema, Anaiah, Uriah, Hilkiah le Maaseiah an ding ih a kehlam ah Pedaiah, Mishael, Malkhijah, Hashum, Hashbaddanah, Zekhariah le Meshullam an ding.
5 Cuih donhleisang parih Ezra a din cun an zate in an mit hman òhep lo in an zoh. Cule Daan cabu a vun on ve tein an zate in an ding.
6 Ezra in, “A maksak Bawipa Pathian cu thangòhat uh!” a ti.
Cutikah misenpi cun van ah an kut an phar ih, “Amen, Amen,” tiah an let. An khuk an bil ih an hmai leilung dai tiangin kuun in Pathian an biak.
7 Cule misenpi cu an tho ih an umnak ciar ah an ding ih Levi mi Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan le Peliah pawl in Ezra ih siarmi Daan cu an fianter.
8 Misenpi ih an theih theinak dingah cuih Pathian Daan an siar mi cu òong an letj òong an let ti tikah Daan cabu cu Hebru òong in an ngan ih Judah mi Babilon ih sal an taan hnu cun Aramaik òong an hmang. Hebru òong an thiam nawn lo. Curuangah Aramaik òong ih leh a òulnak a si. copcop.
9 Pathian Daan ih tican ngaingai an theih tikah an lung a zuur ih an òap. Cutikah ram uktu mangki bawi Nehemiah, puithiam le Daan theitu Ezra le senpi hnenih Daan a fiangtertu Levi mi pawl in, “ Bawipa nan Pathian hrangah tuih sun cu ni thianghlim a si. Riahsia in òap hlah uh.
10 Nan inn ah tlung uhla rawl thawthaw ei uhla sabit thawthaw in uh. Nan rawl le nan sabit cu a nei ve lomi thawn hlawm aw uh. Tuih sun cu Bawipa ih hrangah ni thianghlim a si, riahsia in um hlah uh. Bawipa ih lungawinak a lo pekmi cu nan cahnak a si,” tiah an ti.
11 Levi mi pawl in senpi pawl cu daite ih um dingah an leem ih, ni thianghlim a si ruangah riahsia ih um lo dingin an sim.
12 Curuangah senpi pawl cu inn ah an tlung ih lungawi zet in an ei an in ih an rualpi pawl thawn an hlawm aw; an hnenih an lehsakmi Daan ih tican an theih fiang ruangah aipuang zet in an um.
Puanthlam Puai
13 A thai sun ah an hrin ciar ih hotu pawl cu puithiam pawl le Levi mi pawl thawn Daan ih tican ngaingai zir dingah Ezra hnenah an feh.
14 Moses hmang in Israel mi hnenih Bawipa in a pekmi Daan sungah cun Puanthlam Puai sung cu a laang teih deu tuah tahrat in cuih deu sungih um dingah Israel mi hnenih thupekmi a um kha an hmu.
15 Curuangah Jerusalem le khua dang hmuahhmuah ah hitiin thu an pek: “Tlang parah feh uhla Daan sungih thupekmi a um vekin, deu saknak ah olif hnge, far hnge, lenhmui hnge, tum hnah pawl le hnah-nei thing dangdang tla va la uh,” an ti.Ref 8:15 Pui 23:33-36, 39-43; Daan 16:13-15;
16 Senpi pawl cu an feh ih deu saknak ah thinghnge pawl an lak ih an inn tlunih diphun rawn parah, an tual le Biakinn tual ah siseh, Tidai Kotka le Efraim Kotka kiangih senpi tlannak mualrawn tla ah siseh, deu cu an sak ciamco.
17 Saltannak in a ra kirmi hmuahhmuah in deu cu an sak ih a sungah cun an um. Himi cu Nun ih fapa Joshua san hnu ahcun an tuah hmaisabikmi a si. An zate in lungawi aipuang in an um.
18 An puai tuahnak ni khat ni in a netnak ni tiang nitin tein Pathian ih Daan cu an siar. Ni sarih sung puai an tuah ih, Daan pekmi sungih a um vekin ni riatnak ni ah an puai an òiak.