4
Nehemiah Le Hnaòuan A Duh Lotu Pawl
1 Kannih Judah mi pawl in Jerusalem kulhnak phar kan remsal rero kha Sanballat in a theih tikah a ai a thok ih a thin cu tisa so in a so.
2 A rualpi pawl le Samaria ralkap pawl hmaiah in hmuhsuam ih, “Hi Judah mi òawnòai pawl hi ziang kan tuah ti in so an ruahawk? Khuapi dinsal an tum maw si? Thawinak pawl pe tahrat in nikhat ah kan òuan òheh ding, tiah an ruat aw maw si? A cimmi le a kang cia mi hmang tahrat in inn saknak lungto kan tuah thei ding, an ti maw si?” a ti ciamco.
3 Ammon mi Tobiah cu a kiangah a um ih anih khal cun, “Ziangvek phar so hi pawl cun an dawl thei ding? Cinghnia hman a parah kai sehla a cim thei ding a sisi!” a ti.
4 Cutikah kei Nehemiah in thla ka cam ih, “Maw Pathian, in hmuhsuam zia hi run thei hram aw. An òongsia cu anmah ih lu parah tla hram seh. An neihmi hmuahhmuah lon thluhmi le ramdang ih thawngthlakmi ah cang hai seh.
5 Mahte ih phar remtu le tuahtu pawl in hmuhsuam ruangah an òhatlonak hi ngaithiam hlah awla, an sualnak hi hngilh hram hlah aw,” ka ti.
6 Cuticun phar cu kan song vivo ko ih misenpi pawl hnaòuan an lawt tuk ruangah a rei hlanah a saanlam ih hrek cu a thleng.
7 Jerusalem kulhnak phar kan dawl ih sawtzet in kan tuah thei ih phar ongmi pawl tla kan phit vivo, ti kha Sanballat le Tobiah, Arabia mi pawl, Ammon le Ashdod in an theih tikah an thin a heng ngaingai.
8 Curuangah thurual zet in Jerusalem ra do ih hnaihnok òheh ko ih tuah dingah a phiar in tum.
9 Asinan kan Pathian hnenah thla kan cam ih ralvengtu dingah a sunzan in mi kan ret.
10 Culai ah Judah mi pawl ih an sak òheumi hla cu:
“Kan òuan a khung tuk ih
kan cau deuhdeuh,
Hnawm hlon ding a tam hrih fawn;
Ziangtinso phar hi kan din thei ding?”
ti a si.
11 Kan ral pawl cun, “In theih hlan le in hmuh hlanah an hnenah kan thleng dingih kan that hai ding; cuticun an hnaòuanmi cu an cawlta ding,” tiah an ruat.
12 Cule kan ral pawl lakih a ummi Judah mi pawl in ral pawl ih in do tumnak thu pawl cu atu le atu in sim cingcing.
13 Curuangah senpi pawl cu ralnam, feipi le conkiang pawl ka pek ih a hrin a hrin in kan òheh hrih lonak phar phen ah ka òanter vivo.
14 Cule senpi pawl an um a nuam deuh lo ti ka hmuh tikah senpi pawl le an hotu le an bawi pawl cu, “Kan ral pawl cu òih hrimhrim hlah uh. Kan Bawipa ziangtluk cak le òihnungza a si, ti ciing ringring uhla nan unau pawl, nan faate pawl, nan nupi pawl le nan innsang hrang ruat in do uh,” ka ti.
15 Kan ral pawl in, in phiarnak kan theih kha an thei ih an tumtahmi cu Pathian in a phelhsolh zo ti kha an thei. Cuih hnuah kan zate in hnaòuan cu kan thoksal.
16 Cuihsin thokin ka minung pawl a hrekin hna an òuan ih a hrek in feipi, ralphaw, conkiang le thir angki thawn ral an veng. Cule phar a remtu Judah mi pawl cu an hotu pawl in nasa zet in an òanpi hai.
17 Phar dawlnak thil a phurtu hmuahhmuah in an kut khatlam in an thil an kai ih khatlam in hriamnam an keng.
18 Hnaòuantu hmuahhmuah in an tai ah ralnam an òem fingfing. Poipeng ih tawtawrawt tumtu ding pa cu ka kiangah a um ringring.
19 Senpi pawl, an hotu le an bawi upa pawl cu, “Kan òuan mi hi a kau tuk ih kan darhdai awk tuk ruangah pakhat le pakhat hi kan hla aw tuk a si.
20 Tawtawrawt tum nan theih ahcun hmakhat teah ka kiangah in ra pan òheh uh. Kan Pathian in kan ai ah a do ding a si,” ka ti.
21 Curuangah nitin tein zingthlapit in zan thlavang tiang, a hrekin hna kan òuan ih a hrekin feipi thawn ral kan veng.
22 Cuih tlunah hnaòuantu hmuahhmuah le anmah bawmtu hmuahhmuah cu zan ah ralveng ding le sun ah hnaòuan dingin Jerusalem khuasung ih riak dingah ka sim.
23 Keimah le ka rualpi pawl, ka hnenum pawl le i kiltu pawl thawn kan zate in kan thilthuam khal zan ah kan hlit lo. Kan hriamnam kan keng fingfing.