12
Puithiam Le Levi Mi Pawl
1 Babilon saltannak ihsin Shealtiel ih fapa Zerubbabel le Puithiam Sang Joshua thawn a ra kirmi puithiam le Levi mi pawl cu a tanglam pawl hi an si:
2-7 Puithiam pawl:
Seraiah, Jeremiah, Ezra,
Amariah, Malluk, Hattush,
Shekaniah, Rehum, Meremoth,
Iddo, Ginnethoi, Abijah,
Mijamin, Maadiah, Bilgah,
Shemaiah, Joiarib, Jedaiah,
Sallu, Amok, Hilkiah le Jedaiah.
Hi pawl cu Joshua san ih an unau puithiam pawl lakah hotu an si.
8 Levi mi pawl:
Lungawinak hla an sak tikah
a tanglam pawl cu hla hruaitu an si:
Jeshua, Binnui, Kadmiel,
Sherebiah, Judah le Mattaniah.
9 Bakbukiah le Unno cu an unau
Levi mi pawl thawn
hlarem sawn awtu an si.
Puithiam Sang Joshua Tesinfa Pawl
10 Joshua cu Joiakim ih pa a si; Joiakim cu Eliashib ih pa a si; Eliashib cu Joiada ih pa a si.
11 Joiada cu Jonathan ih pa a si; Jonathan cu Jaddua ih pa a si.
Puithiam Hrin Ih Hotu Pawl
12-21 Puithiam Sang Joiakim san ah a tanglam pawl hi puithiam hrin ih hotu pawl an si:
Seraiah hrin ah Meraiah,
Jeremiah hrin ah Hananiah,
Ezra hrin ah Meshullam,
Amariah hrin ah Jehohanan,
Mallukhi hrin ah Jonathan,
Shebaniah hrin ah Josef,
Harim hrin ah Adna,
Meroioth hrin ah Helkai,
Iddo hrin ah Zekhariah,
Ginnethon hrin ah Meshullam,
Abijah hrin ah Zikhri,
Miniamin hrin ah
Moadiah hrin ah Piltai,
Bilgah hrin ah Shammua,
Shemaiah hrin ah Jehonathan,
Joiarib hrin ah Mattenai,
Jedaiah hrin ah Uzzi,
Sallai hrin ah Kallai,
Amok hrin ah Eber,
Hilkiah hrin ah Hashabiah,
Jedaiah hrin ah Nethanel.
Puithiam Le Levi Mi Innsang Pawl
22 Puithiam Sang Eliashib, Joiada, Johanan le Jaddua pawl san ah Levi mi innsang pawl le puithiam innsang pawl hotu cazin cu òha tein an ret. Cuih cazin cu Dariasl Darias hi Darias II a si ih Persia siangpahrang cu BC 423 - 404 tiang a òuan. in Persia siangpahrang a òuan lai ah an tuah òhehmi a si.
23 Levi mi innsang hotu pawl ih cazin cu Eliashib ih tu Johanan san tiang siangpahrang thu hminsinnak cabu sungah an khum.
Biakinn Hnaòuan Zemmi
24 Levi mi pawl cu Hashabiah, Sherebiah, Jeshua, Binnui le Kadmiel ho in bu tampi ah an òhen. Pathian ih minung, siangpahrang David ih thupeknak vekin òum khat ah bu hnih bu hnih in a sawn aw in Pathian an thangòhat ih Pathian hnenah lungawinak an sim.
25 Biakinn kotka pawl kiangih thilri retnak inn pawl kiltu cu a tanglam pawl hi an si: Mattaniah, Bakbukiah, Obadiah, Meshullam, Talmon le Akkub.
26 Himi pawl cu Joshua fapa le Jehozadak ih tu Joiakim san le ram uk Mangki bawi Nehemiah san le Daan thei zettu le puithiam Ezra san ih a ummi an si.
Khuapi Phardawl Cu Pathian Hnenah An Hlan
27 Jerusalem khuapi phardawl cu Pathian hnenih an hlan tikah dar sumsel, òingòang le tingrisit tum thawn mi hmuahhmuah in lungawinak hla an sak ih lungawi aipuang in puai ih an tel thei ciarnak dingah Levi mi pawl cu an umnak kipin Jerusalem ah an ko òheh.
28 Levi mi hla satu pawl cu an umnak hmun ihsin le Jerusalem kiangkap Netofah kiangkap khua pawl,
29 Beth Gilgal, Geba le Azmaveth khua pawl in an ra suak khawm.
30 Puithiam le Levi mi pawl cun anmah thianhlimnak thawinak le misenpi hrang thawinak, kotka pawl le khuapi phardawl thianhlim thawinak cu an pek.
31 Cule Judah mi hotu upa pawl cu phardawl parah cun ka kaiter hai ih Pathian hnenah lungawi thusim phah ih khuapi veltu dingah bu tum pipi bu hnih ah ka òhen.
Bu khat cu phardawl parah cun vorhlam ihsin Hnawm Kotka lamah an feh.
32 Hla saktu pawl ih dungin Hoshaiah a feh ih amah cu Judah mi hotu a hrekin an thlun.
33-35 Cuih dungah a tanglam ih puithiam pawl in tawtawrawt tum phahin an thlun. Hmaisabik ah Azariah, Ezra, Meshullam, Judah, Benjamin, Shemaiah le Jeremiah an si. A sangtu ah Jonathan ih fapa le Shemaiah ih tu Zekhariah a si. (A pupa pawl cu Mattaniah, Mikaiah le Zakkur an si ih Asaf hrin an si.)
36 Zekhariah cu a hrinpi unau pawl: Shemaiah, Azarel, Milalai, Gilalai, Maai, Nethanel, Judah le Hanani pawl in an thlun ih an zate in Pathian ih minung Siangpahrang David ih a rak tummi awnmawi vek an keng ciar. Hi pawl cu an feh tikah Daan thiam Ezra in hmai a òhi.
37 Cerhti Kotka an thlen in David Khuapi ih hung fehnak kailawn an kai ih David Siangpahrang inn an lan hnuah khuapi nisuahnak lam Tidai Kotka ih phardawl ahcun an ra thlengsal.
38 Lungawi thusimtu bu dang pakhat cu phardawl parah cun kehlam ah an feh ih keimah le mi òhenkhat in kan thlun. Kan feh ih Meikhu suahnak Innsangpi timi kan lan ih Phar Kaupi timi kan thleng.
39 Cutawkin Efraim Kotka, Jeshanah Kotka, Nga Kotka, Hananel donhleisang le Zakhat donhleisang kan lan ih Tuu Kotka kan thlen hnuah Ralveng Kotka ah kan netter.
40 Cuticun an bu hnih in Pathian thangòhat phahin Biakinn kiang an thleng.
Ka hnenih a fehmi hotu pawl hlei ah,
41 tawtawrawt tum phahin puithiam Eliakim, Maaseiah, Miniamin, Mikaiah, Elioenai, Zekhariah le Hananiah pawl an tel.
42 Cule hla satu pawl ah Jezrahiah ho in Maaseiah, Shemaiah, Eleazar, Uzzi, Jehohanan, Malkhijah, Elam le Ezer pawl an tel ih an aw neih patawp in hla an sak.
43 Cuih ni ahcun thawinak tampi an pe ih lungawinak thawn an khat, ziangahtile Pathian in lungawi zet dingin a tuah hai. Cuih lungawinak puai ahcun nunau le nauhak pawl tla an tel ih an thawmvang cu hlapi tiang a thang.
Biakinn Ih An Pekmi Pawl
44 Culai ahcun an rawl hmaisabik a cu mi le an thingrah kumtinte a rah hmaisabik pawl le thawhlawm, òhenhra òhenkhat le a dangdang Biakinn hrangih an pekmi pawl retnak inn pawl kiltu dingah mi an ret. Hi an retmi pawl cun thilri retnak inn an kil ih tlunah, Daan sungih a um vekin puithiam pawl le Levi mi pawl hrangih an pekmi pawl cu khuapi kiangih a ummi lo ihsin an va khawm. Judah mi hmuahhmuah cu puithiam le Levi mi pawl parah an lung a awi ngaingai.
45 Ziangahtile Pathian ih thupekmi vekin thil an tuah ih fel zet in thianhlim thawinak tla an tuah a si. Cule biakinn hla satu pawl le biakinn kiltu pawl khalin siangpahrang David le a fapa Solomon ih thupekmi vekin, an hnaòuan cu fel tein an òuan.Ref 12:45 1 San 25:1-8; 26:12;
46 Hlanlai ih siangpahrang David le hlathiam Asaf san lai ihsin hla satu pawl cu thangòhatnak hla sak tikah le Pathian hnenih lungawi thusim tikah mi hotu an si ringring.
47 Zerubbabel san le Nehemiah san khalah Biakinn hla satu pawl le biakinn kiltu pawl pumcawmnak hrangah cun Israel mi pawl in nitin tein thawhlawm an pe ringring a si. Senpi pawl in thawinak thianghlim cu Levi mi pawl hnenah an pek ih Levi mi pawl in an pek ding zat cu Aaron ih tesinfa puithiam pawl hrangah an pe ve.