10
1 Hmaisabik ih a hmin ngantu cu ram uktu mangki bawi, Hakaliah ih fapa Nehemiah a si; cuih hnuah Zedekiah in a hmin a ngan. Hmin ngantu midang pawl cu:
2-8 Puithiam pawl:
Seraiah, Azariah, Jeremiah,
Pashhur, Amariah, Malkhijah,
Hattush, Shebaniah, Malluk,
Harim, Meremoth, Obadiah,
Daniel, Ginnethon, Baruk,
Meshullam, Abijah, Mijamin,
Maaziah, Bilgai, le Shemaiah.
9-13 Levi mi pawl:
Azaniah ih fapa Jeshua,
Henadad hrin in Binnui,
Kadmiel, Shebaniah, Hodiah,
Kelita, Pelaiah, Hanan,
Mika, Rehob, Hashabiah,
Zakkur, Sherebiah, Shebaniah,
Hodiah, Bani le Beninu.
14-27 Misenpi hotu pawl:
Parosh, Pahath Moab,
Elam, Zattu, Bani,
Bunni, Azgad, Bebai,
Adonijah, Bigvai, Adin,
Ater, Hezekiah, Azzur,
Hodiah, Hashum, Bezai,
Harif, Anathoth, Nebai,
Magpiash, Meshullam, Hezir,
Meshezabel, Zadok, Jaddua,
Pelatiah, Hanan, Anaiah,
Hoshea, Hananiah, Hasshub,
Hallohesh, Pilha, Shobek,
Rehum, Hashabnah, Maaseiah,
Ahiah, Hanan, Anan,
Malluk, Harim le Baanah.
Lungkimnak Cakhen
28 Kannih Israel mi, puithiam pawl, Levi mi pawl, biakinn kiltu pawl, biakinn ih hla satu pawl, biakinn kilkhawitu pawl le a dangdang tla in, Pathian pekmi Daan thlun in kan ram sungih a ummi miphun dang pawl thawn thleidang aw in hlimphir teih kan um hnuah, kan nupi pawl, kan fanu kan fapa, le thuciing thei kan faate pawl le,
29 in hotu kan unau pawl thawn hmunkhat ah kutsih in, hi thukamnak kan bal asile siatcamnak tuar dingah Moses kut in Pathian ih in pekmi Daan thlun in kan Pathian ih thukham hmuahhmuah cu kan ngai pei ih, a daan le a thupekmi pawl ralring tein kan thlun ding tiah hi thukamnak cu kan tuah a si.
30 Kan ram sungih a ummi miphun dang pawl thawn òhitawknak kan tuah lo pei.Ref 10:30 Suah 34:16; Daan 7:3;
31 Sabbath ni ah siseh, ni dang ni thianghlim ni ah siseh, rawl le a dang thilri pawl in rak zorh khalle kan lei lo pei.
Kum sarih kum a kimtinte in kan leiram cu kan thlo lo pei ih cuih kum ahcun leiba hmuahhmuah kan olh pei.Ref 10:31 Suah 23:10, 11; Pui 25:1-7; Daan 15:1, 2;
32 Kumtinte kan Pathian ih Biakinn hnaòuannak hrangah tangka fangkhat ih òhenthum òhen òhenkhat kan pek ringring pei.Ref 10:32 Suah 30:11-16;
33 Kan Bawipa Biakinn ih Pathian kan biaknak hrangah sangreu thianghlim, nitin thlairawl thawinak pekmi, nitin mei-ur thawinak pekmi rannung, Sabbath ni, Thlathar Puai le puai dangdang hrang thawinak thianghlim pawl, thawinak thianghlim dangdang hrang le Israel sualthlah thawinak hrangah a òulmi hmuahhmuah kan pek pei.
34 Kannih misenpi pawl, puithiam pawl le Levi mi pawl in, Daan sungih a um bangtukin, Bawipa kan Pathian hnenih mei-ur thawinak kan pek tikah zo hrin in ziangtikah zanthing a keng ding ti theihfiangnak ah kumtinten camcawhfung kan zuuk pei.
35 Kumtinte in kan rawl a cu hmaisabik le kan thingkung ih a rah hmaisabik cu Biakinn ah kan pek pei.Ref 10:35 Suah 23:19; 34:26; Daan 26:2;
36 Daan sungih a um bangtukin Pathian Biakinn ih a òuantu puithiam pawl hnenah, Pathian hnenih pek dingah kan fapa upa bik, kan caw fatir, kan tuu le kan me fatir pawl cu kan pek pei.Ref 10:36 Suah 13:2;
37 Pathian Biakinn ah le Biakinn ih hnaòuantu puithiam pawl hnenah, kumtinte kan lak hmaisabik fang ih tuahmi sangphut le sabitti, olif hriak, le a dang kan neihmi thingrah a phunphun kan pek pei.Ref 10:37 Mipum 18:21;
Lo kan thlawhnak kan lo ihsin, thawhlawm a khawmtu Levi mi pawl hnenah, kan khua le kan ram sungin a suakmi rawl òhenhra ih òhenkhat cu kan pek pei.
38 Aaron tesinfa puithiam pawl cu thawhlawm khawm tikah Levi mi pawl hnenah an tel ve pei ih, Levi mi pawl in an khawm cia mi thawhlawm hmuahhmuah sungin òhenhra ih òhenkhat cu Biakinn hnaòuannak hrangah Biakinn rawlretnak khaan ah an ret pei.Ref 10:38 Mip 18:26;
39 Rawl, sabitti le olif hriak an pekmi pawl cu Israel mi le Levi mi pawl in Biakinn beelkheng an retnak khaan, Biakinn hnaòuantu puithiam pawl, Biakinn kiltu pawl le Biakinn ih hla satu pawl umnak khaan ah an ret pei.
Kan Pathian ih Biakinn cu kan daithlan lo pei.