3
Baptisma Petu Johan Thusimnak
(Mar 1:1-8; Luk 3:1-8; Joh 1:19-28)
1 Cuih tikcu hrawngah baptisma petu Johan cu Judea peng ramòhing ah a ra thleng ih thu a sim.
2 “Vancung Uknak a nai zo a si. Nan sual sir aw uh,” tiah a ti.Ref 3.2 Dan 2:44; Mat 4:17; Mar 1:15;
3 Profet Isaiah in,
“Mi pakhat cu hramlak ah a au ih,
‘ Bawipa ih hrangah lamzin sial uh,
A fehnak ding lamzin kha
dingter uh,’ a ti,” Ref 3:3: Isa 40:3
tiih a rak timi kha a rak simsan duhmi cu Johan hi a si.
4 Johan ih hnipuan cu kalauk hmulih tahmi a si, a taikhap cu savun ih tuahmi a si ih a rawl cu kharbok le hramlak khuaitizu a si.Ref 3.4 2 Siang 1:8;
5 Jerusalem in siseh, Judea ram khuazakip in le Jordan tiva kiangkap hmuahhmuah in siseh, a hnenah mi an ra.
6 An sualnak an phuang ih Jordan tiva ah baptisma a rak pek hai.
7 Johan in Farasi pawl le Sadusi pawl a hnenah baptisma la dingih an rat kha a hmuh tikah, “Maw rul hrin hrokhrawl pawl, a ra thleng dingmi Pathian ih hremnak sung ihsin nan luat thei ding, tiah zoso a lo sim?Ref 3.7 Mat 12:34; 23:33;
8 Nan sual nan sirawknak kha nan rah in langter uh.
9 “Abraham cu ci in thlahtu kan pu a si,” ti tahrat in hremnak ihsin kan luat ding, tiah va ruat hlah uh. Thungai in ka lo sim: Pathian cun hi lungto pawl hman hi Abraham tesinfa ah a tuah thei a si.Ref 3.9 Joh 8:33;
10 Thingkung tawhram ah hreitlung ret cia in a um zo. Rah òha a rah lomi thingkung hmuahhmuah cu hau tahrat in meisa sungah paih an si ding.Ref 3.10 Mat 7:19;
11 Nan sualnak nan sir aw ti theihnak ah kei cun tidai thawn baptisma ka lo pe, asinain keimah hnu ih a ra dingmi pa cun Thlarau Thianghlim le meisa thawn baptisma a lo pe ding. Amah cu kei hnakin a tum deuh ngaingai; kei cu a kedam kengtu hmanah ka tlak lo.
12 A kut sungah fang seepnak òangòa a keng. Fang ngai cu a cuam sungah a khum dingih a hivai pawl cu a mit dah lomi meisa sungah a paih ding a si,” tiah a ti.
Jesuh In Baptisma A Lak
13 Cuih caan ah Jesuh cu Galilee ihsin Jordan Tiva ah Johan ih baptisma la dingin a ra.
14 Asinan Johan in a hnenah, “Keimah sawn hi na hnen ihsin baptisma la ding ka si, ziangtinso nangmah riangri ka hnenih na rat?” tiah a sut.
15 Sikhalsehla Jesuh in, “Atu cu hitiin tuah si ko seh. Ziangahtile Pathian in tuah dingih in fialmi cu hiti hin kimter thluh ding a si,” tiah a ti. A ti vek cun Johan khal a lung a kim.
16 Jesuh cu baptisma a tuah ngah ve tein tidai sung ihsin a hung suak. Cutikah van khi a ong aw ih Pathian ih Thlarau cu thuro bangin a rung òum ih a parih a fut kha a hmu.
17 Cule van ihsin aw pakhat in, “Hi pa hi ka duh zetmi ka Fapa a si, a parah ka lung a kim zet,” tiah a ti.Ref 3.17 Isa 42:1; Mat 12:18; 17:5; Mar 9:7; Luk 9:35;