27
Jesuh Cu Pilat Hnenah An Fehpi
(Mar 15:1; Luk 23:1-2; Joh 18:28-32)
Zingthlapit ah puithiam upa pawl hmuahhmuah le Judah upa pawl in Jesuh cu that dingah an tawlrel. Thir cikcin in an khih hnuah an hruai ih Rom acozah bawi Mangki Pilat kut ah an pek.
Judas Thihnak
(Tirh 1:18-19)
Mi phiartu Judas in Jesuh cu thu an òhen ih mawh an pek ti kha a theih tikah a sir aw ih tangka sawmthum kha puithiam upa le Judah upa hnenah a va khirhsal. “Mawhnak nei lo pa thihnak thleng tiangin ka phiar ruangah ka sual tuk a si,” tiah a va ti.
Annih in, “Cucu ziangso kannih kan poisat? Na duhnak in va tuah ko,” tiah an ti.
Judas in tangka sawmthum cu Biakinn sungah a hlonta ih a suak. A va feh ih amah le amah a hngawng in a awk that aw.
Puithiam upa pawl in cuih tangka cu an sar ih, “Hi tangka hi thisen tangka a si ruangah biakinn tangka retnak sungih ret ding cu kan Daan in a duh lo,” tiah an ti. A thuhla an rel ih zate lungkimnak in cuih tangka cu Beel Tuahtu ih lo leinak ah an hmang ih cuih lo cu ramdangmi pawl phumnak thlanmual ah an hmang. Curuangah cuih lo cu tuih ni tiangin, “Thisen Lo,” tiah kawh a si lai.Ref 27.3-8 Tirh 1:18-19;
Cuticun profet Jeremiah ih a rak simmi cu a kim. Profet Jeremiah in, “Israel mi pawl in cupa leinak ah an lungkim in an khiahmi tangka sawmthum cu an lak ih, 10  Bawipa in thu i pekmi vekin beel tuahtu lo leinak ah an hmang,” Ref 27:9-10: Zek 11:12-13; tiah a rak ti.
Pilat In Jesuh Thu A Sut
(Mar 15:2-5; Luk 23:3-5; Joh 18:33-38)
11 Jesuh cu Rom acozah Mangki bawi hmai ahcun a ding ih Mangki bawipa cun, “Judah mi pawl ih Siangpahrang na si maw?” tiah a sut.
Jesuh in, “Nangmah in na ti si!” tiah a sawn. 12 Asinan puithiam upa le Judah mi upa dang pawl ih sual an puhmi pawl cu zianghman a let lo.
13 Curuangah Pilat in, “Sual an lo puhmi hmuahhmuah hi na thei lo maw?” tiah a ti.
14 Asinan Jesuh cun kam khat hman a sawn duh lo; curuangah Mangki bawipa cu a khawruah a har ngaingai.
Jesuh Thi Dingin An Rel
(Mar 15:6-15; Luk 23:13-25; Joh 18:39-19:16)
15 Lantak puai tin tein Mangki bawipa cun, misenpi in suakseh tiah an ngenmi thawngtla pakhat kha a suahter daan a si. 16 Culai ah mi kipih theihmi thawngtla pakhat a um ih a hmin cu Jesuh Barabbas a si. 17 Misenpi an tonkhawm awk tikah Mangki bawi Pilat cun, “Zoso lo thlah sak ningla nan duh? Jesuh Barabbas maw Messiah timi Jesuh so?” tiah a sut. 18 Judah upa pawl in an nahsik ruang men ah Jesuh cu a kut ah an thlenter a si, ti kha Pilat in fiang tein a thei.
19 Pilat cu thuòhennak innpi sungih a to lai ah a nupi in, “Mawhnak zianghman a nei lo pa kha a parah zianghman rak tuah hlah. Ziangahtile tuih sun ka mang ah amah ih ruangah tuarnak tampi ka tong a si,” tiah thu a rak cah.
20 Puithiam upa pawl le a dang upa pawl in misenpi kha an forh hai ih misenpi in Barabbas thlah ih Jesuh that dingah Pilat kha an dil. 21 Asinan Pilat cun, “Himi pahnih lakah zoso thlah ningla nan duh?” tiah misenpi kha a sut lala.
Misenpi in, “Barabbas,” tiah an ti.
22 “Cuti asile Messiah timi Jesuh hi ziangtin ka tuah pei?” tiah Pilat in a sut.
“Thinglamtah parah that aw!” tiah an zate in an ti.
23 Asinan Pilat in, “Ziang sualnak so a tuah?” tiah a sut hai.
Cutikah, “Thinglamtah ah khenbet aw!” tiah an au thei patawp in an au ciamco.
24 Pilat in cutiih suh rero kha a òhathnemnak a um lo ih misenpi in hnaihnawhnak riangri an suakter pang ding ti a hmuh ruangah tidai lak tahrat in mizapi hmaiah a kut a kholh ih, “Hi mawh nei lo pa thihnak ahhin kei ka tel lo! Nanmah ih tuahmi a si,” tiah a ti.Ref 27.24 Daan 21:6-9;
25 Cutikah misenpi cun, “Hi pa thihnak ih thisen cu kanmah le kan tesinfa pawl parah thleng ko seh,” tiah an ti.
26 Cuticun Pilat in an hrangah Barabbas cu a thlah sak; cule Jesuh cu a thawiter hnuah thinglamtah parih that dingin an kut ah a pek.
Ralkap Pawl In Jesuh An Hmuhsuam
(Mar 15:16-20; Joh 19:2-3)
27 Cule Pilat ih ralkap pawl in Jesuh cu Mangki bawipa ih inn ah an fehpi ih misenpi pawl cu a kiangah an ra khawm. 28 A hnipuan an hlit ih puan sen an sinter. 29 Cule hling ih tuahmi lukhuh a lu ah an khumter; cun a vorhlam kut ah fung an kenter. A hmaiah an khukbil tahrat in hmuhsuamnak thawn, “Judah Siangpahrang a nun khua sau hram seh,” an ti. 30 An cil an phui, funghreu an lak ih a lu ah an vuak. 31 Cutiin an hmuhsuam òheh hnuah a puan cu an hlit ih amah ih hnipuan an hruktersal. Cule thinglamtah parih thah dingah an hruai.
Thinglamtah Parah Jesuh An Khen
(Mar 15:21-32; Luk 23:26-43; Joh 19:17-27)
32 Cutiih an feh lai ah Sairin khua mi Simon kha an tong ih ralkap pawl in Jesuh thinglamtah kha hramhram in Simon an putter. 33 Golgotha an timi hmun an thleng. Golgotha ti cu, “Luruh Hmun,” tican a si. 34 Cutawkah Jesuh cu hnitkha vekih a khami thawn rawimi sabitti an pek; a tep ih a in duh lo.Ref 27.34 Saam 69:21;
35 Jesuh cu thinglamtah ah an khen ih a hnipuan cu camcawhfung zuuk in an zem aw.Ref 27.35 Saam 22:18; 36 Cuih hnuah an to ih amah cu an kil. 37 “Hi pa cu Judah Siangpahrang Jesuh a si,” tiah sual an puhnak kha an ngan ih a lu tlunah an tar. 38 Cun miòha lo damiah pahnih Jesuh thawn thinglamtah parah an khen ve; pakhat a vorhlam ah, a dang pakhat a kehlam ah an thlai.
39 A kiangkap ih a suksotu pawl tla in an diriam in an lu an sut hnawh ih,Ref 27.39 Saam109:25; 40 “Biakinnpi bal tahrat in ni thum sungah ka saksal ding na ti a si lo maw! Pathian Fapa na si ahcun nangmah le nangmah run awla thinglamtah par ihsin rung òum aw he!” tiah an dekcok.Ref 27.40 Mat 26:61; Joh 2:19;
41 Cubangtuk in puithiam upa pawl le Daanthiam pawl le Judah upa pawl in an hmuhsuam ih, 42 midang cu a hum thei, asinain amah le amah cu a hum aw thei lo! Israel Siangpahrang a si lo maw si? Atu rori ahhin thinglamtah par ihsin a rung òum a si ahcun kan zum ding a si! 43 Pathian a rinsan ih Pathian Fapa ka si a ti si! Pathian in a hum duh maw kan zoh hnik pei cu!” tiah nautat òong in an ti.Ref 27.43 Saam 22:8;
44 Amah thawn an khenbetmi damiah pawl tla in cubangtuk cun an nautat ve.
Jesuh Thihnak
(Mar 15:33-41; Luk 23:44-49; Joh 19:28-30)
45 Sun laitak fangah ramsung pumpuluk ah thimkhawzing a tlung ih nazi pathum sung a thim. 46 Zanlam nazi pathum ah Jesuh cu napi in a au ih, “Eli, Eli, lema sabakthani?” a ti;p 27:46 Eli, Eli, lema sabakthani, tihi Aramaik òong a si. a tican cu, “Ka Pathian, Ka Pathian, zianghrangah i tlansan?” ti a si.Ref 27.46 Saam 22:1;
47 Cutawkih a dingmi hrekkhat pawl in an thei ih, “Elijah a ko a si,” tiah an ti. 48 An lakah pakhat pa cu a va tlan vurvo ih tidai a hawp thei zetmi puan a va lak ih sabit sungih a hnim hnuah funghreu parah a òem cih ih Jesuh cu a inter zik.Ref 27.48 Saam 69:21;
49 Asinan midang in, “Um hrih, amah run dingah Elijah a rat le rat lo kan zoh hnik pei,” tiah an ti.
50 Jesuh cu napi in a ausal ih a hnuk a cat.
51 Cule Biakinn puanzar cu a tlunlam ihsin a hnuailam tiang òhenhnih ah a tlek. Leilung a hnin òheh, lungpi an kuai òheh,Ref 27.51 Suah 26:31-33; 52 thlan pawl an ong aw ih a rak thi cia mi Pathian mithiang pawl an thosal. 53 An thlan ihsin an suak ih Jesuh cu thlan in a thawhsal hnuah Khua Thianghlim sungah an lut ih mi tampi hmaiah an lang.
54 Ral bawipa pakhat le amah thawn Jesuh a kiltu ralkap pawl in linghnin le thil dang a cangmi hmuahhmuah kha an hmuh tikah an tuk a sum ih, “Hi pa hi Pathian Fapa taktak a si,” tiah an ti.
55 Galilee ram ihsin Jesuh a rak thluntu le a rak bawm òheutu nunau tampi an um ih hla nawn in an rak cuan.Ref 27.55-56 Luk 8:2-3; 56 Cuih nunau lakah cun Mari Magdalene, Jeim le Josef ih nu Mari le Zebedi nupi tla an tel.
Jesuh Phumnak
(Mar 15:42-47; Luk 23:50-56; Joh 19:38-42)
57 Zanlam a hung si tikah Arimathea khua ihsin milianpa pakhat a ra thleng. A hmin cu Josef a si ih Jesuh dungthluntu pakhat a si ve. 58 Pilat a va tong ih Jesuh ruak kha a dil. Jesuh ruak cu Josef hnenih pek dingah Pilat in thu a pek. 59 Cuticun Josef in Jesuh ruak cu a lak ih puan thar nem tein a tuam ih, 60 amah ih thlan dingih lungkhermi thlan thar sungah a phum. Cuih hnuah lungphengpi in thlan kaa cu a kharta ih a fehsan. 61 Mari Magdalene le a dang Mari cu cutawk ahcun thlaanlam hoi in an to.
Thlan Kiltu Pawl
62 A thai sun Sabbath ni ah puithiam upa le Farasi pawl in Pilat an tong ih, 63 “ Bawipa, hi thuphanpertu pa hin a nun lai ah ‘Nithum hnuah ka thosal ding,’ tiah a rak ti.Ref 27.63 Mat 16;21; 17:23; 20:19; Mar 8:31; 9:31; 10:33-34; Luk 9;22; 18:31-33;
64 Curuangah a thlan kha òha tein ni thumnak ni tiang kilter aw; culole a dungthluntu pawl in a ruak kha an fir pei ih misenpi pawl kha thihnak ihsin a thosal zo a si, tiah an bum ding. Hi neta bumnak hi a hmaisa bumnak hnakin a poimawh sawn ding a si,” tiah an ti.
65 Pilat cun, “A kiltu Rom ralkap pawl ret uhla thlan kha a him thei tawkin tuah uh,” tiah a ti.
66 Curuangah an feh ih thlan cu a him thei tawkin an tuah; thlan khar lungpheng kha tacik an khen ih a lengin òha zet in an kilter.